𝐂̧𝐫𝐫𝐞𝐠𝐮𝐥𝐥𝐢𝐦𝐞𝐭 𝐛𝐚𝐬𝐡𝐤𝐞̈𝐞𝐤𝐳𝐢𝐬𝐭𝐮𝐞𝐬𝐞 𝐠𝐚𝐬𝐭𝐫𝐨𝐢𝐧𝐭𝐞𝐬𝐭𝐢𝐧𝐚𝐥𝐞 𝐝𝐡𝐞 𝐩𝐬𝐢𝐤𝐢𝐚𝐭𝐫𝐢𝐤𝐞

𝐂̧𝐫𝐫𝐞𝐠𝐮𝐥𝐥𝐢𝐦𝐞𝐭 𝐛𝐚𝐬𝐡𝐤𝐞̈𝐞𝐤𝐳𝐢𝐬𝐭𝐮𝐞𝐬𝐞 𝐠𝐚𝐬𝐭𝐫𝐨𝐢𝐧𝐭𝐞𝐬𝐭𝐢𝐧𝐚𝐥𝐞 𝐝𝐡𝐞 𝐩𝐬𝐢𝐤𝐢𝐚𝐭𝐫𝐢𝐤𝐞

Shëndeti ynë ne përgjithësi varet nga ajo se si ne e menaxhojme diten tone, jetën tonë.Nje jetë me ngarkesa psikologjike dhe stres mund të ndikojë në shumë aspekte të shëndetit, duke përfshirë edhe traktin gastrointestinal (GI). Në fakt, ndryshimet në traktin gastrointestinal mund të jenë një nga reagimet më të zakonshme të organizmit ndaj stresit.
Afersisht 60% e atyre që vuajnë nga çrregullimet gastrointestinale, është gjetur që vuajnë edhe nga ndonje prej çrregullimeve psikiatrike. Ndër to më të shpeshtat ishin ankthi dhe depresioni si diagnoza bashkëekzistuese me një diagnozë gastrointestinale.
Nëse një person ndodhet në një gjendje të vazhdueshme stresi për një kohë të gjatë, ai mund të përjetojë ndryshime në mënyrën se si trupi i tij kontrollon funksionimin e traktit gastrointestinal. Kjo mund të shkaktojë një numër simptomash, siç janë dhimbje stomaku, të vjella, diarre, konstipacion dhe gazra të tepërt.
Në mënyrë të veçantë, stresi mund të ndikojë në funksionimin e sfinkterit të ezofagut, duke shkaktuar refluksin gastroezofageal (GERD) dhe dhimbje në gjoks. Stresi gjithashtu mund të ndikojë në procesin e tretjes dhe absorbimit të ushqimit në stomak dhe zorrë.
Ndër semundjet gastrointestinale të cilat mund të ndikohen nga stresi janë:

𝐔𝐥𝐜̧𝐞𝐫𝐚 𝐧𝐞̈ 𝐬𝐭𝐨𝐦𝐚𝐤 𝐝𝐡𝐞 𝐮𝐥𝐜̧𝐞𝐫𝐚 𝐝𝐮𝐨𝐝𝐞𝐧𝐚𝐥𝐞:
Një gjendje e vazhdueshme stresuese mund të shkaktojë ndryshime në prodhimin e acidit në stomak dhe për pasojë shfaqjen e ulçerës së stomakut dhe duodenale.

𝐒𝐲𝐧𝐝𝐫𝐨𝐦𝐢 𝐢 𝐳𝐨𝐫𝐫𝐞̈𝐬 𝐬𝐞̈ 𝐢𝐫𝐢𝐭𝐮𝐚𝐫 (𝐈𝐁𝐒-𝐒𝐙𝐈):
Stresi kronik mund të shkaktojë simptoma të SZI, siç janë diarrea, konstipacioni, dhimbje të barkut dhe gazra të tepërt.

𝐊𝐨𝐥𝐢𝐭𝐢 𝐮𝐥𝐜̧𝐞𝐫𝐨𝐳 𝐝𝐡𝐞 𝐒𝐞̈𝐦𝐮𝐧𝐝𝐣𝐚 𝐂𝐫𝐨𝐡𝐧: Nëse personi në mënyrë të vazhdueshme përjeton stres dhe nuk arrin ta rimëkëmbë veten, kjo mund të ndikojë në aktivitetin e sistemit imunitar dhe të shkaktojë inflamacion në zorrë dhe gjithë sistemin e tretjes.

𝐑𝐞𝐟𝐥𝐮𝐤𝐬𝐢 𝐠𝐚𝐬𝐭𝐫𝐨𝐞𝐳𝐨𝐟𝐚𝐠𝐞𝐚𝐥 (𝐆𝐄𝐑𝐃):
Si pasoje e stresit mund të shkaktohet rritje e prodhimit të acidit në stomak dhe të çojë në refluks të acidit në esofag.

Për të parandaluar ose trajtuar semundjet gastrointestinale të ndikuara nga stresi, është e rëndësishme të menaxhoni stresin dhe të përdorni teknika të relaksimit. Nëse simptomat vazhdojnë, është i rëndësishëm një trajtim multidisiplinar, gastroenterologu dhe psikiatri me qëllim të stabilizimit të simptomave dhe gjetjen e shkakut psikologjik të këtyre simptomave.
Aktivitetet e thjeshta fizike, si ecjet e gjata dhe vrapi, janë shumë të rëndësishme në reduktimin e simptomave te stresit.

Burimi: Dr. Melita Kallaba – Psikiatre