Pas të dyzetave ato bëhen një domosdoshmëri sidomos për faktin se pas kësaj moshe trupi bëhet një shënjestër më e lehtë e sëmundjeve.

Tensioni I Gjakut

Pas të dyzetave dhe në veçanti pas moshës 45 vjeçare, burrat preken më shumë nga tensioni i lartë i gjakut.

Ky kontroll nevojitet të bëhet minimalisht te mjeku një herë në vit, kurse matja e tensionit shumë shpesh.

Niveli i Kolesterolit

Niveli i lartë i kolesterolit rrit rrezikun e sulmit në zemër dhe ishemisë.

Rritja e këtij niveli s’ shoqërohet me simptoma, ndaj rekomandohet që analizat të bëhen rregullisht.

Gazeta Shëndeti këshillon që analizat nevojitet të jenë më të shpeshta, sidomos nëse jeni të rrezikuar nga sëmundjet kardiovaskulare.

Niveli i Sheqerit Në Gjak

Analizat e sheqerit në gjak duhen kryer çdo vit ose çdo tre vjet në varësi të faktorëve të rrezikut.

Sipas të dhënave të AgroWeb.org, këtu përfshihet historiku i familjes, mbipesha, tensioni i lartë, kolesteroli i lartë, duhanpirja e të tjerë.

Dendësia Kockore

Osteoporoza është një problem shëndetësor që meshkujt kanë tendencën ta anashkalojnë.

Burrat janë dy herë më të rrezikuar nga vdekja e parakohshme nëse pësojnë fraktura si pasojë e dobësimit të kockave.

Pas të dyzetave, ky kontroll nevojitet të jetë i herëpashershëm.

Kontrolli i Dhëmbëve

Çdo vit, një burrë mbi të dyzetat nevojitet të kryejë një kontroll të gojës.

Statistikat tregojnë se burrat e injorojnë ndjeshëm vizitën tek dentisti jo vetëm prej ankthit që ajo ju shkakton por edhe për shkak të përkujdesjes së pakët.

Kontrolli i Syve

Shëndeti i syve përkeqësohet me kalimin e moshës, sidomos pas të dyzetave.

Njerëzit që përballen me faktorë të lartë rreziku nga mosha 40-54 vjeç nevojitet të ekzaminohen çdo dy deri në katër vjet.

Ata që mbajnë syze apo lente nevojitet të bëjnë një kontroll të syve çdo vit.

EKG-ja

Kjo pajisje ndihmon në identifikimin e problemeve me zemrën, rrahjet e saj, tensionin e gjakut e të tjerë.

EKG-ja nevojitet bërë çdo dy deri në pesë vjet në varësi të historikut mjekësor apo shëndetit.

Kanceri i Lëkurës

Burrat, veçanërisht ata me lëkurë me ngjyrë të çelët dhe ata që punojnë në ambiente të jashtme janë më të rrezikuar nga kanceri i lëkurës.

Një mjek specialist mund të kryejë kontrollin e lëkurës.

Ky kontroll nevojitet të kryhet një herë në vit.

Kanceri i Prostatës

Kanceri i prostatës është një nga shkaqet kryesore të vdekjeve të parakohshme të burrave.

Kontrolli shëndetësor i rregullt ju ndihmon të parandaloni sëmundjen dhe të shmangni vdekjen e parakohshme.

Kanceri i Zorrës Së Trashë

Kjo sëmundje prek si burrat ashtu edhe gratë.

Kontrolli shëndetësor për këtë sëmundje mund të nisë që pas të dyzetave dhe deri tek të pesëdhjetat.

Në këtë kontroll përfshihet edhe kolonoskopia.

Lexo edhe analizat që nevojitet të bëjnë femrat pas moshës 40 vjeç. 

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe s’ ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.