AAK s’ e përkrah marrëveshjen me Serbinë

loading...

Ramush Haradinaj ka reaguar pak minuta para se në Shtëpinë e Bardhë të nënshkruhet marrëveshja ndërmjet Kosovës dhe Serbisë.

Ai ka thënë se AAK s’ e përkrah marrëveshjen, pasi njëra nga pikat e saj e parasheh që për Liqenin e Ujmanit të jetë edhe Seribia.

“Fatkeqësisht situatën në dialog e vështirësoi njëra nga pikat e draft-marrëveshjes që flet për Ujmanin. Ne s’ e vlerësojmë që Serbia duhet të jetë palë për të ardhmen e Ujmanit. Jemi të hapur për Departamentin e Energjisë së Amerikës, por jo për një marrëveshje trepalëshe ku përfshihet edhe Serbia. Implikimet që mund të sjellë në të ardhmen, mund të jenë të pa përballueshme për Kosovën”, ka shkruar Haradinaj.

Ai ka paralajmëruar edhe largimin nga ekzekutivi kosovar.

Ky është postimi i plotë i tij në Facebook:

Aleanca për Ardhmërinë e Kosovës, beson fuqishëm në marrëveshjet e ndërmjetësuara nga Shtetet e Bashkuara të Amerikës, si partneri ynë kryesor në arritjen e lirisë dhe shtetformim.

Ne kemi punuar shumë që të arrihet një marrëveshje normalizimi mes shteteve, bashkëpunim ekonomik deri në njohjen reciproke.

Fatkeqësisht situatën në dialog e vështirësoi njëra nga pikat e draft-marrëveshjes që flet për Ujmanin. Ne s’ e vlerësojmë që Serbia duhet të jetë palë për të ardhmen e Ujmanit. Jemi të hapur për Departamentin e Energjisë së Amerikës, por jo për një marrëveshje trepalëshe ku përfshihet edhe Serbia. Implikimet që mund të sjellë në të ardhmen, mund të jenë të pa përballueshme për Kosovën.

Përkundër faktit që kam biseduar me kryeministrin Hoti për ta hequr këtë pikë, s’ kemi hasur në mirëkuptim nga ai dhe jemi të detyruar të mos e përkrahim këtë marrëveshje.

AAK-ja s’ është e gatshme për bashkëpunim as në qeverisje e as në çfarëdo forme, pasi ne s’ do të ndihmojmë një marrëveshje, ku Serbia qoftë edhe indirekt bëhet palë në resurset e Kosovës.



loading...

Leave a Reply

Your email address will not be published. Required fields are marked *