Ag Apolloni: Tango (Poezi)
TANGO
Hapa sytë
Gjithçka e dukshme u duk
Mbi t’gjitha m’u duke ti
Veshët m’u mbushën tinguj
Harmonia m’pushtoi
Zâni yt ishte eufoni
Nuhata aromën e luleve
Për hunde m’tërhoqi
Aroma e trupit tand
Shijova fruta t’ndryshme
Ma e âmbla m’u duk gjuha jote
N’gojën teme
Preka gjithçka t’prekshme
U drodha si purteka n’uj
Kur preka trupin tand
Tash shpirti em i shkretë
U bâ rob i dy trupave
(Nga “Zomb”, 2009)
