Austria heq obligimin për të mbajtur maska në vende të caktuara


loading...

Në shumë vende të caktuara publike në Austri, ku ishte e detyrueshme bartja e maskës, nga dita e hënë mund të hyni pa maskë, e cila shpesh ishte e bezdisshme dhe e pakëndshme për fytyrën tuaj.

E Hënë, 15 Qershor 2020 – 11:20
albinfo.at

[(KEYSTONE/Christian Beutler)

Zhvillimet e mira drejt fundit të pandemisë kanë bërë që qeveria austriake tashmë të marrë edhe hapa të tjetër lehtësues. Kështu ka njoftuar ministri i Shëndetësisë, Rudolf Anschober, të dielën, njofton Albinfo Austria.

Me rregulloren e re maskat s’ janë të detyruara për njerëzit që blejnë nëpër dyqanet tregtare, që vizitojnë restorantet, hotelet apo lokalet e tjera afariste. Po ashtu s’ janë të obliguar të bartin maskë as personat që s’ jetojnë në të njëjtën shtëpi, edhe kur udhëtojnë së bashku me makinë.

Në anën tjetër, bartja e maskave do të vazhdon të jetë e obligueshme kur të udhëtoni me transport publik, në taksi, në shkolla, në gjitha shërbimet shëndetësore, duke përfshirë edhe farmacitë si dhe në çdo vend ku s’ është e mundur mbajta e largësisë së paku në një metër.

Sidoqoftë, distancë prej të paktën një metër duhet të mbahet për njerëzit që s’ jetojnë në të njëjtën familje.  Një lajm i mirë vjen edhe për gastronomët. Orari i mbylljes së restoranteve, i cili ishte deri në orën 23.00, është zgjatur deri në orën 01.00 pas mesnate. Po ashtu në një tavolinë mund të qëndrojnë ulur më shumë se 4 persona. Megjithatë, personeli i lokaleve të gastronomisë duhet të vazhdojnë të kenë të mbuluar hundën dhe gojën.

Një dritë e gjelbër është edhe lejimi i organizimit të kampeve të pushimeve si dhe lejimi i organizimit të panaireve tregtarë dhe kongreseve të ndryshme, por kjo vetëm pasi të jenë të garantuara të gjitha kushtet për organizimin sipas rekomandimeve të Ministrisë së Shëndetësisë.



loading...