QKUK me mbi 200 kryeinfermier, ndërsa kërkohen infermier për punë me COVID-19 !

Shkruan: Enlirat K. Duraku

QKUK me mbi 200 kryeinfermier, ndërsa kërkohen infermier për punë me COVID-19 !

Numri i pacientëve të prekur me COVID-19 në klinikat e QKUK-së po rritet çdo ditë e më shumë, ndërsa me të edhe nevoja për staf mbështetës infermieror.

QKUK ka mbi 200 pozita menaxheriale infermierore, respektivisht kryeinfermier ndërsa kërkohen emra të infermierëve për punë në klinikat me COVID-19.

Ironik është fakti që në kohën kur paguheshin mbi 100€ për kujdestari gjatë kontrollave të famshme e të pakuptimtata të gjithë kujdestaruan pa përtesë ndërsa tani kur nevoja për aktivizim të tyre është reale, asnjë nuk aktivizohen për punë, fundja para së gjithash janë infermier.

Le ta provojnë se si është të punohet me 18€ pagesë dhe të stërngarkuar me punë si gjithë të tjerët dhe ta shohin dallimin në mes të kujdestarive të kaluara me një fletore në krah dhe pagesë deri në 130€ për një kujdestari.

Vetëm atëherë ndoshta u’a besojnë vartësve të tyre të cilëve me lehtësi u’a dërgojnë emrat për punë në klinikat me COVDI-19.

32 klinika në QKUK me mbi 200 kryeinfermier, ndërsa nëse vetëm 150 prej tyre angazhohen me punë reale në klinikat me COVID-19, infermierëve që janë aktualisht të stërngarkuar me punë sado pak do u lehtësohej puna.

Enlirat K. Duraku

Related posts

Sindikata e infermierëve ndaj vendimit të qeverisë: Është ofenduese që infermierët të marrin 150 euro

13 punëtorë shëndetësorë të Spitalit të Gjilanit të infektuar me COVID-19

Pas vendimit të qeverisë për dhënien e pagave shtesë për punëtorët dhe stafin shëndetësor, vjen edhe reagimi i Sindikatës së Infermierëve të cilët janë të pakënaqur me pagën e ofruar nga qeveria.

Sipas tyre, infermierët janë të diskriminuar nga ky vendim.

Sindikata e Infermierëve të Kosovës ndihet e indinjuar me vendimin e sotëm të Qeverisë së Republikës së Kosovës lidhur me diskriminimin që i’u është bërë infermierëve në shtesat bazuar në Ligjin antiCOVID. Duke mos dashur që të nënvlerësojmë punën e mjekut i cili në bazë të marrëveshjes përfiton 250€ në muaj, 150€ për infermierin duke e ditur punën, angazhimin dhe sakrificën e infermierit në raport me pacientin, kujdesin kontinual 24h për pacientin, dhënien e shërbimeve në çdo kohë, ne si Sindikatë e konsiderojmë diskriminuese si dhe mosvlerësim të profesionit, punës dhe angazhimit të infermierit.I bëjmë thirrje Qeverisë së Republikës së Kosovës dhe Ministrisë së Shëndetësisë që të rishqyrtojnë urgjentisht marrëveshjen me akterët e involvuar pasi kjo marrëveshje është ofenduese për komunitetin infermier, mami dhe profesionist tjerë shëndetësor e cila tregon vlerësim joreal të punës së infermierit në periudhën në të cilën po kalon vendi ynë“, ishte reagimi i sindikatës në Facebook.

Ata po ashtu s’ përjashtuan as mundësinë e protestave, si shenjë pakënaqësie.

Related posts

Qeveria arrin marrëveshje me FSShK për kryerjen e pagesave shtesë për punëtorët shëndetësorë

Hoti shërohet nga COVID-19, i rikthehet zyrës

Qeveria e Kosovës është dakorduar me Federatën e Sindikatave të Shëndetësisë së Kosovës për kryerjen e pagesave për staf  dhe punëtorë shëndetësorë.

Kjo marrëveshje u arrit pas një takimi në mes të kryeministrit Avdullah Hoti me ministrin e Shëndetësisë, Armend Zemaj, dhe përfaqësuesit e Federatës së Sindikatave të Shëndetësisë së Kosovës, transmeton Telegrafi.

Duke e pasur parasysh gjendjen financiare në vendin tonë, Qeveria e Republikës së Kosovës ka vendosur që rrogat për staf dhe punëtorë shëndetësorë të jenë si në vijim:

Mjekët 250 euro në muaj

Inferimeirët 150 euro në muaj

Stafi mbështetës 100 euro në muaj

Në këtë takim gjithashtu u diskutua që pagat shtesë të merren edhe në vitin e ardhshëm, derisa të zgjasë pandemia.

Related posts

Si kënaqen punëtorët shëndetësor me fatkeqësitë e njëri-tjetrit?

Shënim: ky shkrim nuk i përfshin të gjithë punëtorët shëndetësor, ka punëtorë të cilët e shikojnë vetëm punën e tyre dhe nuk iu intereson asgjë tjetër. Të gjitha pohimet që janë në këtë shkrim janë të vërteta të patjetërsueshme dhe këtë e dinë fare mirë punëtorët shëndetësor.

Është e pabesueshme por thellësisht e vërtetë që kënaqësia e shfaqur për fatkeqësinë e njëri-tjetrit është e pranishme skajshmërisht te punëtorët shëndetësor.

Është ligësi e pashembullt kënaqja me fatkeqësinë njëri tjetrit dhe kjo ndodh veçanërisht te personeli shëndetësor.

Kjo ligësi demoniake është pothuajse e ngulitur thellë në qeniet e tyre dhe e shpërfaqin saherë që egoja e tyre e zbrazur ka nevojë që të ketë “ca dromca energjie në vampirizmin e tyre psikologjik”.

Është tepër e turpshme që ata/ato që thirren në humanizëm në fakt përmes ligësisë së tyre kolegiale kalojnë në demonizëm, dreqizëm apo si të duani thoni.

Saherë që keni ndonjë fatkeqësi ose diçka e keqe që ka ndodhur te ju ose familja juaj mbajeni sa më shumë për vete dhe mos e bisedoni me askënd sepse edhe ata që mund të kenë ndonjë dhembshuri në sipërfaqen e tyre shpirtërore në fakt në thellësinë e tyre kanë vetëm kënaqësi në fatkeqësinë tënde./Gazeta Skandal

Related posts

Veshje, zhveshje, e përfunduat trajnimin, ndërsa 756 numri i personelit shëndetësor të infektuar !



Shkruan: Inf.Enlirat Duraku

Edhe pse ekipa e Kontrollit të Infekcioneve në QKUK, punën e tyre po e kryen me përgjegjësinë dhe profesionalizmin më të madhë, mirëpo veshje dhe zhveshje, e përfunduat trajnimin, jeni të gatshëm me u kujdes për pacientin me COVID-19, seriozisht !?

Ku mbeti diskutimi për shkakun e COVID-19, renditja e faktorëve të rrezikut të infekcionit me COVID-19, përshkrimi i manifestimeve klinike të COVID-19, identifikimi i masave parandaluese për zvogëlimin e transmetimit të COVID-19, rishikimi i praktikave më të mira të kontrollit të infekcionit ?

Përveq trajnimit në veshj-zhveshje, a u ka shkuar ndërmend dikuj që si në të gjitha situatat, personeli i kujdesit shëndetësor i sëmurë duhet të qëndrojë në shtëpi dhe të kërkojë këshilla të kujdesit shëndetësor përmes ofruesit të tyre të kujdesit parësor shëndetësor ose institucioni vetë t’i ofroj, stafi i kujdesit të drejtpërdrejtë të pacientëve të vlerësohet për sëmundje ose temperaturë nga menaxherët infermierë ose mbikëqyrësit para kohës së fillimit të ndërrimit për të siguruar sigurinë e pacientit por edhe të kolegëve që punon me ta në atë ndërrim !?

Pse nuk ka masë ekzaminuese thelbësore që do përfshinte një pyetësor “Rrezik” dhe “Simptomë” për të mbajtur një procesverbal të vërtetimit të personelit pa simptoma aktuale ose të fundit të simptomave që lidhen me një infeksion aktiv !?

Mos të harrojmë që vetëm brenda QKUK-së janë afër 200 infermier të prekur me COVID-19, ndërsa rrezikojmë kolaps me këtë ecuri të infekcionit brenda komunitetit.

Andaj, trajnimi dhe edukimi i infermierëve në menaxhimin dhe kujdesin tek pacientët me COVID-19 duhet të zgjerohet përtej veshjes dhe zhveshjes së paisjeve mbrojtëse në mënyrë që t’a ndalim trendin e infekcioneve brenda komunitetit ose do të vijë koha kur bordi dhe komitetet e qeverise duhet t’a bëjnë punën e infermierit.

Related posts

Skandaloze: Në Klinikën Emergjente po paraqiten pacientë pa udhëzim dhe atë kohë pa kohë

Burimi: Gazeta Skandal

Klinika Emergjente po mbingarkohen çdo ditë nga pacientë të cilët nuk kanë udhëzim për Emergjencë.

Këta pacientë madje kërcënojnë infermierët dhe mjekët dhe sillen në mënyrë tepër të keqe.

Shumë ankesa kanë arritur në inboxin tonë për këto raste dhe këto janë mjaftë shqetësuese sepse mjekët dhe infermierët po keqtrajtohen nga pacientët thanë disa nga burimet e Gazetës Skandal./Gazeta Skandal

Related posts

Mjekët dhe infermierët po keqtrajtohen nga pacientët


Burimi: Gazeta Skandal

Sjelljet e këqija dhe jonjerëzore të shumë pacientëve që po bëhen ndaj personelit shëndetësor çdo ditë e më shumë po marrin përmasa të mëdha duke tejkaluar çdo kufi.

Mjekët dhe Infermierët çdo ditë ofendohen dhe keqtrajtohen nga pacientët dhe shteti nuk ndërrmer asgjë për këtë dukuri negative.

Madje shpesh herë mjekët dhe infermierët sulmohen edhe fizikisht nga pacientët.

Kohët e fundit po ndodh që edhe të trillojnë ankesa dhe të bëjnë shpifje nga më të ndryshme me qëllimin e vetëm dëmtimin e infermierëve dhe mjekëve ndërsa edhepse ekziston Ligji për shpifje nuk po zbatohet! /Gazeta Skandal

Related posts

Inf.Enlirat Duraku: Për Odën e Infermierëve të Kosovës

PËR ODËN E INFERMIERËVE TË KOSOVËS :

Prap sot kanë hyrë edhe 4 infermier serb në Kosovë për monitorimin e gjendjes së pacientëve të komunitetit joshqipëtar, ndërsa ju prap të heshtur !

Herën e parë keni reaguar 3 ditë pas shkrimit tim e që i bjen vonë. Shkrimi i parë ka pas të bëjë me injorimin e Serbisë ndaj institucionit siç jeni ju.

Ndërsa sot prap po reagoj une në vend tuajin.

A nuk jemi ne të aftë për të monitoruar gjendjen e pacientëve në tërë Republikën e Kosovës ?

A jemi ne infermierët e padijshëm apo të pakët në numër ? Dija jonë është e mjaftueshme e sa për numër, shikoni statistikat e juaja, keni afro 9000 të regjistruar, shumica të papunë.

OIK mos më dërgo lavdata për punën që e bëjë në këtë kohë pandemie.
Kap e reago ndaj kësaj tendence për të na pasqyruar të paaftë dhe jo kredibil për të trajtuar e monitoruar pacientët pavarsisht përkatësisë etnike.
Jemi të aftë dhe të gatshëm për të kryer obligimet tona morale dhe profesionale.

Shpresoj nuk do të vonoj më shumë se 3 ditë reagimi juaj.

Related posts

Malli i infermieres së shëruar nga COVID-19 për vajzën 2-vjeçare

Covid 19

Privimi nga përqafimi i vajzës së saj 2-vjeçare ka qenë sprova më e madhe për Besarta Qardakun, e cila këtë të martë është liruar si e shëruar nga COVID-19.

Pas 12 ditëve qëndrimi në Klinikën Infektive, infermierja e Qendrës Emergjente është liruar nga Klinika Infektive, transmeton KOHA.

E ndonëse këtë të martë ajo në distancë u prit me një festë në shtëpi, vajza e saj 2 vjeç e gjysmë do të vazhdojë të qëndrojë edhe 10 ditë të tjera pa nënën e saj.

“Stresi që më ka dhënë ky virus është malli për vajzën”, tha Qardaku.

Dhimbjet e fytit ishin simptomat e para të këtij virusi sipas Qardakut.

Derisa ajo thotë se persona të cilët nuk kanë sëmundje kronike këtë virus mund ta kalojnë më lehtë.

Kosova në 24 orët e fundit ka shënuar numër rekord të të shëruarve nga COVID-19.

Sipas të dhënave të IKSHPK-së, 35 persona kanë rezultuar negativë në testet që janë bërë bazuar në rekomandimet e OBSH-së, ku dy mostra duhet të rezultojnë negative brenda një distance kohore prej së paku 1 dite.

Në mesin e të shëruarave janë edhe pjesëtarë të stafit shëndetësor në QKUK.

Ndërsa nga Klinika Infektive janë liruar 11 pacientë, 6 prej tyre të shëruar tërësisht.

“Që nga fillimi i epidemisë, sot kishin numrin më të madh të të liruarve nga Klinika, 11”, tha Valbon Krasniqi, infektolog.

Deri më tani në Kosovë janë mbi 200 persona të shëruar.

 

Related posts

Infermierja heroinë, udhëtoi për 1 orë në këmbë për t’i shpëtuar jetën 15-vjeçarit

“Infermierja heroinë”, është cilësuar infermierja e Q.Sh.Tunje, znj.Rruzhdije Xheka, e cila falë humanizmit, aftësive profesionale dhe eksperiencës në punë, bëri të mundur të shpëtonte jetën e djalit 15-vjeçar, i cili u rrezikua seriozisht nga dy pickimet e një gjarpri.
Ngjarja ka ndodhur në fshatin e thellë malor Jançë (Verri) Njësia Administrative Tunje – Gramsh.
“Pas njoftimit nëpërmjet telefonit nga familjarët e djalit, Ledio Dollani”, tregon infermierja Rrushdije Xheka – të cilin e kishte pickuar një nepërkë dhe ishte në rrezik për jetën – “u nisa drejt vendngjarjes”.
Zona përbën një terren tejet të vështirë, të papërshkrueshëm nga automjetet dhe e vetmja mënyrë kalimi janë kafshët ose në këmbë.
Humanizmi që karakterizon znj.Rruzhdije Xheka bëri që të nisej në këmbë dhe e vetme drejt vendit të ngjarjes, duke marrë me vete kutinë e Ndihmës së Shpejtë. Normalisht rruga përshkruhet për 70 min deri tek vendngjarja, ndërkohë që infermierja e ka kryer 40 min duke vrapuar dhe duke kërkuar ndihmë nga mjetet rrethanore (kafshë transporti). Si rezultat i veprimeve të saja profesionale, bëri të shpëtohej jeta e 15 vjeçarit.
“Unë kreva vetëm detyrën time si infermiere, nuk është hera e parë që e bëj ( i 7 rast), do vazhdoj ta kryej gjithmonë, dhe humanizmin kundrejt banorëve s’do ta kursej asnjëherë!” Këto janë fjalët e infermieres së përkushtuar të kësaj qendre.
Pasi doli jashtë gjendjes së rrezikut për jetën, djali u transportua me ambulancë drejt spitalit të Gramsh-it.

Related posts

Kjo është njëra ndër infermieret më të bukura në botë pop

Ajo është e njohur për format e saj.

Megjithatë në jetën e përditshme, Lauren Drain është infermiere.

Poashtu Drain njihet edhe si trajnere fitnesi.

Related posts

Sa para fitojnë infermierët në Gjermani?

Infermierët

Sa para fitojnë infermierët në Gjermani?


Nga informacionet që i ka siguruar Gazeta Shëndeti, Infermierët në Gjermani në muaj paguhen në mes 1040 deri 1200 euro

 

Paga mujore për infermierët me kualifikim të lartë është rreth 2,500 euro.