Si Të Luftoni Lodhjen Që Shkaktohet Nga Anemia – Ushqimet Që Ju Duhen

Lodhja është një nga simptomat më të zakonshme të anemisë.

Ajo ndodh derisa organet jetësore s’marrin mjaftueshëm oksigjen në mungesë të rruazave të kuqe të gjakut.

Anemia që vjen si pasojë e mungesës së hekurit është një nga format më të përhapura të sëmundjes.

Përveç mungesës së oksigjenit, sipas të dhënave të AgroWeb.org, trupit i duhet të punojë më fort për të prodhuar energji.

Nëse në trup mungon hekuri, s’ do të ketë mjaftueshëm rruaza të kuqe të cilat transportojnë oksigjen.

Rreziqet E Lodhjes Së Vazhdueshme Për Organizmi/">Organizmin

Lodhja, drobitja dhe plogështia kanë një ndikim të fortë në organizëm.

Anemia mund të nxisë sindromën e lodhjes kronike, e cila e përball trupin me një barrë të rëndë.

Pasojat ndihen tek imuniteti që në fillim.

Gjumi bëhet i vështirë, koka dhemb ndërkohë që tensioni bie.

Lodhja ndikon edhe tek përqendrimi dhe aftësitë e mendjes.

Si Të Trajtoni Lodhjen Si Pasojë e Anemisë

Kërkimet shkencore, të cilave u referohet AgroWeb.org, kanë treguar se transfuzioni i rruazave të kuqe të gjakut është një mënyrë e mirë por e kushtueshme për të trajtuar lodhjen.

Një tjetër alternativë është terapia intravenoze me tretësira të pasura me hekur.

Terapi të tilla bëhen në rastet kur anemia është shumë e rëndë.

Raste më të lehta të anemisë mund të trajtohen përmes suplementëve të hekurit të cilat jepen nga mjeku.

Njerëzit e rrezikuar nga anemia duhet të konsumojnë ushqime të pasura me hekur dhe të marrin mjaftueshëm vitaminë C.

Kjo e fundit e ndihmon organizmin të përthithë sa më shumë hekur.

Përveç pakësimit të kafesë, sheqerit dhe alkolit, mjekët rekomandojnë edhe shmangien e çajit të zi që pengon përthithjen e hekurit.

Dehidratimi luan rol përkeqësues të lodhjes, ndaj duhet të pini ujë rregullisht gjatë ditës.

Aktiviteti fizik është i rëndësishëm për rigjenerimin e rruazave të kuqe, ndaj ju duhet të bëni ecje të shpejta ose të shkoni në palestër.

Një ushqyerje e shëndetshme dhe një gjumë i plotë janë gjithashtu të rëndësishëm për shëndetin e një personi që vuan nga anemia dhe jo vetëm.

 

Related posts

Cila është mbrojtja më e mirë nga COVID-19?

Shkruan: Dr.Gani Bajraktari

Meqë nuk ka as vaksinë dhe as bar specifik kundër virusit corona, dhe meqë shumica nga ne do të prekemi nga ky virus, atëherë mbrojtja më efikase kundër këtij virusi ngelët investimi në RRITJEN E IMUNITETIT tonë, në mënyrë që vet organizmi/">organizmi ynë ta luftojë këtë virus të padukshëm (siç ndodhë në shumicën e të infektuarve)!

Si të rrisim imunitetin?

E thjeshtë dhe në dorën e secilit:
AKTIVITET I RREGULLT FIZIK,
USHQIM I SHËNDETSHËM (sa më shumë fruta-perime),
RREZE DIELLI,
SPORT & REKREACION,
STOP DUHANIT

Rritja e imunitetit tonë nuk ka kosto materiale!

Kjo mënyrë e të jetuarit, nuk na mbron vetëm nga VIRUSI, por edhe nga semundjet E ZEMRES, te TRURIT, KANCERI, etj!

#DuajeVetenTende
#JetoJeteTeShendetshme
#NdiqRekomandimetAntiCOVID

Related posts

Ja 2 maska për flokë të yndyrshëm dhe me zbokth!

Ja 2 maska për flokë të yndyrshëm dhe me zbokth!
Vetëm kush ka flokë të yndyrshëm e di se sa i sikletshëm është shkëlqimi i tepërt, humbja e volumit dhe prania e zbokthit pavarësisht larjes së shpeshtë dhe përdorimit të kushedi sa e sa produkteve.
Në këtë artikull menduam t’ju sillnim dy maska për flokë fare të thjeshta, që lehtësisht mund të realizohen nga kushdo (si dhe jo të kushtueshme), të cilat do t’ju ndihmojnë të mbani nën kontroll flokët tuaj kapriçozë.
MASKA E PARË
Përbërësit:
2 lugë sodë
4 lugë kos
Përziejeni mirë kosin me sodën e bukë dhe të dyja bashkë aplikojini mbi flokë të lagur dhe të sapolarë. Shoqërojini me një masazh të lehtë dhe pas disa minutash shpëlajini flokët mirë. Vendosni shumë pak shampo gjatë larjes finale dhe më pas krihini dhe thajini flokët me kujdes. Kjo maskë bëhet një ose dy herë në javë.
MASKA E DYTË
Përbërësit:
2 domate
2 lugë gjelle vaj kastori
2 të verdha veze
Ngrohni për pak sekonda vajin e kastorit dhe shtoni gradualisht vezët, por pa i mpiksur. Në fund shtoni domatet e grira dhe përziejini mirë. Lyejini flokët me furçë nga maja te rrënjët dhe mbajini për një orë. Lani fillimisht kokën me ujë të vakët derisa të shpëlani maskën dhe më pas përdorni edhe shampon. Sërish maskën mund ta bëni një ose dy herë në javë. 

Zbokthi është një kusht i zakonshëm i lëkurës së kokës ku qelizat e vdekura te lëkurës shkëputen dhe mbushin kokën.
Formimi i një shtrese të bardhë, dhe në disa raste, kruarje dhe skuqje të kokës. Zbokthi shpesh shoqëron sëmundjen e skalpit të kokës dhe është një shkak kryesor i mbetjes tullac dhe i humbjes së flokëve në përgjithësi. Zbokthi mund të
ndodhë edhe në sipërfaqe të tjera të lëkurës, si në fytyrë, gjoks, dhe
në shpinë, dhe në raste të caktuara mund të shfaqen edhe kore të verdha.
Shkaqet
Zbokthi ndodh shpesh për
shkak të çrregullimeve të tretjes, dhe është i lidhur shumë me shëndetin
e përgjithshëm të të gjithë trupit.
Shkaku më i zakonshëm i
zbokthit është dermatitis seborrheic, një inflamacion i lehtë i lëkurës
së kokës me sekrecione yndyrore të tepërta që zakonisht fillon në
shkallën më të thatë ose të yndyrshme të lëkurës, por mund të përparojë
në luspa me ngjyrë të verdhë në të kuqe përgjatë vijës së flokëve, prapa
veshëve, në kanalet e veshëve, mbi vetulla, në urën e hundës, në zonat
rreth hundës, apo në gjoks. Mos e kërruani apo gërryeni zbokthin, pasi
kjo vetëm se do e përkeqësojë gjendjen.
Kur foshnjat zënë zbokth,
kjo quhet kësula e djepit, dhe është një problem i tharmit. Shumë
ekspertë të lëkurës në Evropë e konsiderojnë zbokthin tek të rriturit
njësoj si tek foshnjat. Me fjalë të tjera, zbokthi është shpesh një
simptomë e jashtme e një problemi të brendshëm. Prandaj, trajtimet e
zbokthit mund të jenë të ngjashme me ato për trajtimin e candidiasis.

TRAJTIMI NATYRAL I ZBOKTHIT

– Mos konsumoni asnjë lloj ëmbëltuesi artificial apo sheqer të rafinuar.
– Mos pini pije të gazuara.
– Shmangni ushqimet e skuqura dhe ushqimet e shpejta.
– Shmangni të gjitha ushqimet e konservuara.
– Reduktojnë ndjeshëm marrjen e yndyrave, sheqerin, çokollatën, ushqimet e detit, farat dhe produktet e qumështit.
– Eliminoni produktet konvencionale të qumështit.
– Shmangni mishin konvencional.
– Shtoni konsumin e ushqimeve të papërpunuara, si pjesë e një diete organike të përgjithshme.
– Hani më shumë sallata dhe perime të gjelbra.
Receta tradicionale
– Salca e mollës; Merrni
një gjysmë gote me lëng molle, shtoni 2 lugë uthull orizi dhe i
përzieni mirë. Pasi e lan kokën me këtë lëng, zhyt një krehër në salcë
molle dhe kreh flokët me të.
– Fasulet e zeza; Shtoni 100 g fasule të zeza në ujë të zier. Kur të ftohet, e përdorni si një shampo për shpëlarje të kokës.
Aromaterapia
Vaj patchouli, rozmarine,
dhe / ose vaj pemës çajit mund të përdoren në masazh të lëkurës së
kokës. Nëse keni flokë të yndyrshëm, përdorni vaj dru kedri të holluar
në vaj vegjetal dhe masazhoni me të lëkurën e kokës në mënyrë të
përditshme.
Mund të zgjidhni
gjithashtu të përzieni 4 pika vaj livando, 4 pika vaj barbarozë, dhe 2
pika vaj Sandalëood, në një vaj vegjetal (vaj ulliri) dhe të masazhoni
lëkurën e kokës disa herë në javë.
Nëse keni zbokth me
yndyrë, përzieni 3 pika vaj pemë çaji, 1 pikë vaj rozmarine, 2 pika vaj
dëllinje, 2 pika vaj Cedarëood, dhe 2 pika vaj limoni, në një vaj
vegjetal, dhe masazhojeni atë në lëkurën e kokës.
Bimët mjekësore
Shpëlani flokët dhe kokën me një infuzion të fortë hithre, sherbele  dhe rozmarine, dhe pini një filxhan çaj hithre çdo ditë.
Këshillohen gjithashtu bimët gjak-pastruese dhe diuretike si figëort, cleavers, rodhe, tërfili i kuq, dhe lëpjeta.
Nëse keni lëkurë të thatë
të kokës, përdorni vaj ulliri, dhe nëse keni lëkurë të yndyrshme,
përdorimi lëng limoni ose uthull molle të holluar.
Aloe vera mund të fërkohet gjithashtu në lëkurën e kokës para larjes së kokës, së bashku me çaj hithre dhe vaj rozmarine.
Esenca e luleve
Esenca e luleve të mollës gaforre mund të ndihmojë me ndjenjat e dobësisë të shkaktuara nga vetë-imazhi për shkak të zbokthit.
Trajtimi topikal
Njomni flokët me një tretësirë uthull molle të ngrohtë, pastaj mbështillni kokën me një peshqir. Pas një ore, lani flokët.
Shampo me vaj të pemës së çajit është gjithashtu e rekomanduar./Gazeta Shëndeti

Related posts

Ja 20 vetitë e pabesushme shëruese të hithrës

Hithi,Hithra,Hithi dhe shendeti,Mjekesi,Shendetesi,Mjekesia





Ajo të përvëlon që me prekjen e parë, por pavarësisht drithërimës është e pamundur të heqësh dorë prej saj.

Shqipëri përdorimin më të shpeshtë e gjen tek bashkësia e lakrave të egra si mbushje në gatimet e byrekut, por edhe të zier si sallatë. Por hithrat janë përdorur prej shekujsh edhe për të kuruar simptomat e alergjive veçanërisht ato të shkaktuara nga poleni dhe pluhuri. Hithra është aq e mirë sa që praktikisht mund të çojë në falimentimin e farmacive.

Ajo që duhet të dimë është se në luftën kundër alergjive, të gjitha ilaçet shoqërohen me efekte të shumta anësore ndërkohë që hithra lufton alergjinë por jo vetëm që nuk ka asnjë efekt anësor por edhe të jep përfitime të tjera shëndetësore.
Hithra është një bimë premtuese në trajtimin e sëmundjeve të Alzheimer, artritit, astmës, infeksioneve të fshikëzës së urinës, bronikitit, gurëve në veshka, sklerozës, e shumë të tjerave.
Për më tepër, hithra përdoret për të luftuar zbokthin dhe hequr yndyrën e tepërt nga flokët. Sot, në Gjermani hithrat shiten si një bimë medicinale për sëmundjet e prostatës. Ajo përdoret gjërësisht në përgatitjen e shumë ilaçeve kundër inflamacioneve. Në Shtetet e Bashkuara, gjethet e hithrave përdoren shumë për sëmundjet e reumatizmës, artritit, tensionit të lartë të gjakut dhe alergjive. Rrënjet e hithrave përdoren edhe si kurë natyrale për rënien e flokëve, ciklet femërore, hemorroidet dhe ekzemën. Nëse e vendosni hithrën në gishta ose në zona të tjera të prekura nga artriti, dhimbjet mund të qetësohen deri ne 85%.Siç mund ta keni kuptuar, përfitimet që vijnë nga hithra janë shumë të mëdha sa vështirë të renditen të gjitha në një copë letër. AgroWeb ka identifikuar vlerat kryesore të hithrës që ju këshillojmë t’i ndani me miqtë tuaj
1. Hithrat stimulojnë sistemin limfatik dhe fuqizojnë sistemin imunitar
2. Hithrat çlirojnë nga simptomat e artritit
3. Hithrat luftojnë alergjitë.
4. Ndihmojnë me diabetin
5. I japin forcë fetusit tek nënat shtatzëna dhe ndihmojnë me prodhimin e qumështit për gratë lehona
6. Çlirojnë nga simptomat menstruale dhe ndihmojnë me fryrjen dhe dhimbjet e barkut si pasojë e menstruacioneve
7. Shkatërron gurët në veshka dhe ndihmojnë me shkarkimin e ujërave të tepërt
8. Ul tensionin e lartë të gjakut
9. Ndihmon me sëmundjet respiratore
10. Ndalon gjakderdhjen
11. Zvogëlon inflamacionin
12. Redukton rreziqet e kancerit të prostatës
13. Minimizon të vjellat
14. Shëron nga i ftohti
15. Lehtëson nga diarea
16. Ndihmon me sëmundjet gastrointestinale dhe konstipacionin
17. Duke u përdorur si larës goje, mbron dhëmbët nga problem të shumta
18. Ndihmon në trajtimet e sëmundjes së Alzheimer dhe sëmundje të tjera nervore
19. Shkatërron krimbat e zorrëve dhe parazitët

20. Mbron shëndetin e tiroideve, shpretkës dhe pankreasit.

Si përdoren hithrat?
Mjafton të zieni hithrat në ujë të valuar dhe lëngun ta konsumoni çdo ditë. Megjithatë para se të bëni këtë duhet të konsultohuni me mjekun sepse hithrat mund të ndikojnë tek një sërë ilaçesh. Është provuar që nëse jeni duke marrë ilaçe për diabet dhe pi lëng hithre atëherë niveli i rrahjeve të zemrës, tensionit të gjakut dhe sheqernave në gjak do të ulet ndjeshëm. Përse djegin hithrat? Shumica prej nesh e kanë provuar njëherë në jetë dhimbjen dhe përvëlimin që ndjen kur prek hithrën qoftë edhe aksidentalisht. Po çfarë ka kjo bimë që na djeg kaq shumë? Një mësues kimie ka shpjeguar që hithrat janë të mbuluara me push. Në momentin që pushi bie në kontakt me lëkurën, majat e pushit thyen dhe shërbejnë si gjilpëra të holla përvëluese duke transmetuar helmin e hithrës nga bima në lëkurë. Dikur mendohej që burimi fillestar i dhimbjes nga pickimi i hithrës ishte një acid, por së fundmi shkencëtarët kanë zbuluar që ky acid është në nivele shumë të vogla.

Tani, kimistët fajësojnë tre kimikatë të njohur si: histamina, acetiklolina dhe serotonina që gjenden në vrerin e bimës. Çuditërisht serotonina është një neurotransmetues i njohur si “Hormoni i Lumturisë”, por i kombinuar me dy kimikatet e tjerë funksionion si irritues. Të tre “musketjerët” e vrerit të hithrës shkaktojnë inflamacion dhe shumë dhimbje. Arsyeja përse djegia dhe dhimbja zgjasin shumë është se në lëngun e lëshuar gjenden edhe dy acide të tjerë (tartarik dhe oksalik) që së bashku shkaktojnë shumë dëm. Nëse përballeni me një takim të tillë “përvëlues” me hithrën mos bëni banjë ose mos u lani me ujë të ngrohtë. Kruarjet dhe irritimi do të zgjasin më shumë. Shkrini pak sodë buke në ujë dhe me të lyeni zonën e irrituar.

Edhe lëngu i aloe verës dhe kompresat e ftohta do t’jua zbusin sado pak dhimbjen./AgroWeb/

Related posts

Pse nuk duhet të specializoni në QKUK – Prishtinë?

 
 

 

 
 
 
Shënim:Ky shkrim është pranuar në emailin e Gazetës Shëndeti. Gazeta ka kontaktuar me disa burime për t’i verifikuar të dhënat e këtij shkrimi dhe të gjitha burimet tona kanë thënë se të gjitha të dhënat në shkrim janë të sakta. Pas verifikimit redaksia e Gazetës Shëndeti ka vendosur që t’a botoj këtë shkrim.
 
 
 

 – Muaji korrik, është muaji kur një nxënës 18 vjeçar që sapo ka vendosur të studiojë vendos po ashtu për fatin e vet. Shumë të rinj, të
freskët, plot jetë dhe ambicie konkurrojnë në fakultetin e mjekësisë, dhe ata
që pranohen i gëzohen tej mase . Të mbushur plot jetë, plot shpresa dhe shumë
plane për të ardhmen përfundojnë fakultetin e mjekësisë pas 6-10 vitesh. 

 

 

 

– Pavarësisht vështirësive,
buzëqeshje dhe gëzim ka në fytyrat e të sapodiplomuarve. Pasi përfundon çdo gjë
dhe vjen koha e punësimit , fillojnë edhe hapat e “stresit
postdiplomik” te quajmë ne. Edhe pse të gjithë që posedojnë një
“diplomë” meritojnë të punësohen, gjithsesi nuk shkon ashtu! Duhet të
mundohesh e stërmundohesh për të gjetur një ” krah të fortë” për
ndihmë dhe poqë se nuk e gjen, mund të ” futesh gishtat në gojë dhe të
fishkëllesh”. Ambicia bie, frustrimi dhe zhgënjimi rritet, dhe ti si 24-30
vjeç/e je ende një ‘’bebe e rritur’’ sepse prindërit vazhdojnë të të
financojnë. Por prapë një copë shprese mbet, se do të hapet specializimi dhe ti
do të fitosh vendin që të takon, atë që si student/e i/e dalluar e ke ëndërruar
gjithmonë. Po çfarë ndodh? Hapet konkursi,me kritere të cilat e zhvlerësojnë
gjithë mundin e një kandidati potencial, një kandidati që mund të bëhet një
profesionist i shkëlqyer në fushën e vet…pas konkursit atëherë kur sheh
njoftimet e kupton që ke humb mundësinë kundrejt kandidatëve që nuk i ke
menduar kurrë si konkurrent, ( pa nënvlerësime) mirëpo gjithsecili meriton
vendin e vet, për aq sa ka punuar dhe studiuar. Dhe në 80% të rasteve nuk janë
të merituara, 10% me meritë dhe përqindja tjetër thjesht fat. Epo secili pak a
shumë e din, e pret, nuk është befasi për askënd. Pas përpjekjeve të mundimshme
më në fund e fiton edhe specializimin. Sapo futesh në botën tjetër atë realen,
të vërtetën, e jo irealen e studentit, atëherë fjala shpresë, ambicie , dhe
ëndërr zhduken tërësisht. Para se të përballesh me shumë strese për një
shkollim të mirëfilltë, fillon lufta për ekzistencë.

 

 

 

Tanimë sigurisht 90% prej nesh
kanë krijuar familje. Dhe vazhdon i njëjti avaz prindërit kujdesen për ‘’bebet
e mëdha’’ dhe ‘’bebet e tyre të vogla’’. Gjithsesi me përpjekje të shumta që
gjenerata të specializantëve bëjnë, arrijnë të sigurojnë një pagesë minimale,
subvencione të cilave iu gëzohen shumë sepse në momentin që del ajo pagesë del
dhe blen ushqimin për shtëpi, “pampersat” për fëmijë dhe psherëtinë
në heshtje me zemërim për çmimet e larta, kosto e madhe e jetës, e të ardhurat
minimale….

 

 

 

• Mbahen kujdestaritë, disa në
numër më shumë e disa më pak por asnjëherë nuk e di njeri, sa shkon
“pazari”. Sepse mjerisht prej 4 a 5 brenda muajit vetëm pagesa e
njërës nga kujdestaritë del, ndonjëherë edhe dy. Dëshpërohen, brengosen,
stresohen, nervozohen aq shumë për këto pagesa të kujdestarive, sepse me siguri
ka planifikuar se çka duhet të paguajë apo blejë me “paratë e
kujdestarive” ndonjëherë dhe ndonjë kredit të paguash, dhe gjatë gjithë
kohës të kujtohet sa i vështirë ka qenë ai 24 orësh, plot e përplot me pacientë
dhe raste të rënda.

 

 

 

• Ankohen specializantët ,
flasin specialistët dhe tregojnë se si edhe ata kanë kaluar nëpër të njëjtat rrugë.
Vallë për 18 vite s’ka pas asnjë ndryshim pyesim ne ? Kurse përgjigja që marrim
është:” veç edhe ma keq është bo”.

 

 

 

• Sikur t’i ktheheshim aspektit
të studimit, specializanti nuk i ka as kushtet minimale për të dalë specialist.

 




Me aq sa kanë mundësi specialistët trajnojnë të rinjtë, mirëpo kushtet
mungojnë, aparatet s’punojnë, disa janë të prishura me vite të tëra, me siguri
edhe “korrozioni i ka kap”. 

 

 

 

• Po ashtu një pjesë e
specializantëve “vjedh zanat”, një pjesë mund edhe interesim të mos
ketë, por ka edhe të tillë që ambicia u është shuar. Krijohet një ambient plot
luftë, frikë, stres, zhgënjim dhe frustrim.

 

 

 

• Mungon planifikimi,
mbikëqyrja, orientimi , dhe të humb busulla.

 

 

 

• Nuk ka as nivelizim të punës,
meqë dikush “thyen shpinën” kurse dikush tjetër jo dhe aq. Tenton të
bësh “diçka” por sinqerisht nuk mund të bësh asgjë. Në atë moment e
kupton që në vendin tonë vlen ‘’Ligji i xhunglës’’, ku vetëm i forti mbijeton.

 

 

 

I ke dy zgjedhje të rrish t’i
përshtatesh xhunglës apo të ikësh?

 

 

 

Ky është realiteti që e pret
çdo 18 vjeçar të lumtur që është pranuar në Fakultetin e Mjekësisë…dhe ky
është një cikël që vazhdimisht përsëritet.

 

 

 

Përzemërsisht mjeku/mjekja.

Related posts

Çfarë duhet të bëjmë kur jemi të zemëruar?

Zemërimi

Çfarë duhet të bëjmë kur jemi të zemëruar?

Zemërimi mund të jetë helmues dhe shkatërrues. Por në anën tjetër është një ndjenjë njerëzore dhe normale. Nuk mund t’i ikim gjithmonë kësaj ndjenje dhe nuk duhet t’i shmangemi kur në fakt ka shumë gjëra në jetë për të cilat edhe ia vlen të zemërohemi.

Mendoni për një kohë që keni ripërsëritur një incident pa pushim në mendjen tuaj. Ndoshta diçka ndodhi gjatë udhëtimit tuaj në mëngjes. Jeni zemëruar me partnerin, e thirret nënën tuaj dhe nuk u lajmërua, miku juaj ju ftoi për të dalë në drekë dhe më pas harroi t’ju lajmëroj që vonohet, apo keni pasur një bisedë të tensionuar më shefin tuaj për një padrejtësi që ju është bërë? Epo si mund të mos jeni të zemëruar?

Gjëja më e zakonshme se si reagojmë kur jemi të zemëruar është ta ri përsërisim skenarin në mendje duke dashur të kuptojmë pse ndodhi, si ndodhi dhe sa e padrejtë ishte ajo që ndodhi. Ju ende po mendoni për këtë kurse përpiqeni të shkoni në gjumë. Nuk po ju le të qetë. Zemërimi po ju mban të mbërthyer dhe po ju ushqen ndjenja negative.
Ju jeni papritmas në mëshirën e një emocioni të fuqishëm dhe sa më shumë ta rimendoni, ky emocion fiton më shumë energji, sikur zjarrit që i hedh më shumë dru.

Çfarë mund të bëni ndryshe?

Cila është mënyra më e shëndetshme për ta tejkaluar zemërimin?

Ideja është që të ndjeni zemërimin dhe ta lëni të shkojë. Mos e mohoni dhe mos e shmangni. Vetëm kur e pranoni dhe e përjetoni ndjenjën si normale, atëherë ajo ndjenjë e humb fuqinë e saj. Dhe ju do ta keni më lehtë të ç’kapeni prej asaj ndjenje.
Ndani pak kohë për vete, merrni fryme thellë, përjetoni zemërimin, i thoni vetës “është normale kjo që po ndjejë”. Mos vazhdoni të bëni gjërat e njëjta që ishit dukë bërë. Ndalni dhe reflektoni pak. Merreni vetëm më të mirë. Shkoni në një ambient vetëm dhe bërtisni nëse doni. Është krejt në rregull. Vetëm kështu kujdeseni për veten tuaj.
Gjithashtu mësoni ta shprehni atë në një mënyrë jo-destruktive: shkruani, meditoni, thërrisni dikë që të bisedoni, tërhiquni, lejeni dikë të qetë, pushoni pak në qetësi, etj. Dhe kështu zemërimin e lini atë atje. Kjo gjë nuk do t’ju ndalojë të zemëroheni, por kjo mund t’ju ndihmojë të përpunoni ndjenjat tuaj, dhe të ndaloni që ndjenjat negative si zemërimi t’ju dëmtojnë.

Në rast se kjo duket e pamundur dhe në asnjë mënyrë nuk mund ta mposhtni zemërimin tuaj, këshillohuni më një psikolog. Edhe një bisedë ë vetme mund t’ju ndihmojë. Psikologu mund të ndihmojë të eksploroni temat që ju ndalojnë ta përpunoni zemërimin dhe ta lëni atë të shkojë. A jeni i zemëruar kur ndiheni të keqkuptuar ose ndjeheni sikur të tjerët po përfitojnë nga ju? A reagoni me zemërim kur jeni të turpëruar apo kur ndiheni të paaftë? A ju ndodhë kjo vazhdimisht? Në rast se nuk mund ta ndihmoni vetën, drejtohuni tek psikologu. Bëjeni këtë nder për veten tuaj. Kjo nuk është e turpshme assesi. Të kërkuarit për ndihmë profesionale, është shenja e parë e shëndetit të mendjes suaj.

Brikena Krasniqi Hoti- Specialiste e Psikologjsë Klinike dhe Psikoterapisë

https://www.facebook.com/brikenakrasniqipsikoterapeute/

Related posts