Dr. Imri Vishi mr. sc.med.
Dr.Imri Vishi është Mjek, kirurg, magjistër i shkencave mjekësore.
Dr.Imri Vishi lindi në Lirishtë të Kaçanikut me 2 nëntor 1967. Shkollën fillore kreu në vendlindje nga 1974-1981, ndërsa shkollën e mesme të mjekësisë “Ali Sokoli” në Prishtinë nga 1981-1985. Fakultetin e Mjekësisë e mbaron në Prishtinë më 1993 me notë mesatare 9.2 dhe ishte ndër studentët e dalluar të gjeneratës. Specializimin nga kirurgjia e përgjithshme e kreu në QSU “Nënë Tereza” të Universitetit të Tiranës më 1997 ( 1993-1997).Kursin e Kirugjisë Pediatrike e përfundoi në Tiranë në vitin 1988.Perfeksionohet në kirurgji laparoskopike në vitin 2001 ku e merr diplomën për laparoskopi në QKUK nga stafi vendor dhe ndëkombëtar. Studimet pasuniversitare në lëminë e kirurgjisë i përfundon në Prishtinë ku mbron edhe temën e magjstraturës “Trajtimi kirurgjik i hernisë inguinale me metodën Lichtenstein” më 31 mars 2006. Aktualisht është në përfundim të studimeve të doktoraturës në Tiranë. Dr.Imri Vishi gjatë luftës në Kosovë ishte Kordinator i UÇK-së në Maqedoni dhe shërbeu në zonat e Veriut – Tropojë. Pas mbarimit të luftës në qershor 1999 këthehet në QKUK ku punon si kirurg deri më 2010 në Klinikën e Kirurgjisë abdominale.Prej vitit 2000 deri në vitin 2006 ishte bashkëpunëtor professional në Spitalin e Ferizajit. Nga viti 2007- 2010 ishte i angazhuar si asistent i lëndës së kirurgjisë pranë Fakultetit të Mjekësisë në Prishtinë.
Në Klinikën e Kirurgjisë në Prishtinë nga viti 2004 ishte shef i Klinikës ‘’B’’ ku u shqua për profesionalizëm dhe aftësi menagjuese duke kontribuar në aftësimin profesional të mjekëve në cilësin e mentorit klinik.
Nga 2011 deri në 2018 detyrën e kirurgut e vazhdoi si Kryeshef i Departamentit të Kirurgjisë në Spitalin Rajonal – Ferizaj.
Nga viti 2007 për 10 vite me radhë ishte Kryetar i Shoqatës së Kirurgëve të Përgjithshëm të Kosovës.
Prej vitit 2003 deri në vitin 2005 ka përfunduar kurse në QKUK dhe në Minhen të Gjermanisë
Ka një numër të konsiderueshëm tëpunimeve shkencore të botuara në revista vendore dhe ndërkombëtare. Ka përkthyer dy libra nga gjuha frënge dhe është recensent professional I disa librave të përkthyera në gjuhën shqipe.
Jeton dhe punon në Ferizaj.
Related posts
