Category: Ministria e Shëndetësisë

Orari i barnatoreve kujdestare për 15 prill 2020 http://ofk-rks.net/barnatoret-kujdestare-15-04-2020-googl…/…

Ambasadori i Gjermanisë, Christian Heldt: Tregoni përgjegjësi duke respektuar masat e sigurisë Vendet e BE-së po kalojnë kohë sfiduese me bllokime si kudo përreth botës. Distanca sociale po tregon se po funkcionon poashtu edhe në Gjermani. Rritja e shifrave të infeksionit në Kosovë nuk është e mirë. Të gjithë mund të tregojnë përgjegjësi duke respektuar masat e sigurisë. #StaySafe #preventcoronavirus

Ambasada e ShBA në Kosovë: Është e rëndësishme të respektohen masat e Qeverisë së Kosovës “E dijmë se distancimi social dhe zbatimi i kufizimeve në lëvizjen lokale është duke zgjatur. Por, është shumë e rëndësishme që të vazhdojmë t’i respektojmë masat e Qeverisë së Kosovës dhe komunave lokale, për ta ndalur përhapjen e COVID-19. Do të mund ta shohim njëri tjetrin më shpejtë, nëse zbatohen këto masa. Jemi në këtë së bashku dhe së bashku mund ta mposhtim COVID-19”.

Vendimet për komunat e rrezikuara dhe për komunat e karantinuara Ministria e Shëndetësisë duke respektuar dispozitat ligjore dhe frymën e Aktgjykimit të Gjykatës Kushtetuese, në bazë të rekomandimeve të IKShPK-së, do të marrë masat e paralajmëruara me vendime të veçanta për secilën komunë. Nga data 15 prill (e mërkure), ora 06:00, me qëllim të mbrojtjes së jetës së banorëve në komunat e Republikës së Kosovës me vendime të veçanta, hyjnë në fuqi masat e reja të qarkullimit. Vendimet merren specifikisht për komunat e rrezikuara dhe për komunat e karantinuara. Këto masa kanë për qëllimi “parandalimin, luftimin dhe eliminimin e sëmundjes ngjitëse COVID-19”. Këto vendime hyjnë në zbatim prej datës 15 prill, ora 06:00. Sipas vendimeve lejohet qarkullimi i nënshtetasve mbi moshën 16 vjeç, vetëm për 1 orë e gjysmë në ditë, sipas orarit të përcaktuar javor në bazë të shifrës së parafundit të numrit të tyre personal. Kurse, për shtetasit e huaj i njëjti vendim vlen me numrin e fundit të pasaportës. Për të kryer nevojat e operatorëve ekonomikë apo institucioneve përkatëse, mundësohet qarkullimi i lirë për operatorët ekonomikë dhe institucionet e parapara, transporti i lirë i mallrave dhe shërbimeve për të siguruar funksionimin e zinxhirit të furnizimit — si proces që përfshin veprimet nga lënda e parë në prodhim, përpunim e shërbim gjer te transporti i produkteve, shpërndarja dhe shitja te konsumatori i fundit, qarkullimi i lirë për institucionet vetëm për të kryer detyrat zyrtare në listën e bashkëngjitur në Aneksin 2 dhe 3 të këtyre vendimeve. Për të qarkulluar sipas kushteve të parapara në vendimet, duhet deklarim-konfirmimi nga ATK sistemi EDI. Në vendime citohen edhe mundësitë e lëvizjes lidhur me të sëmurët, personat me aftësi të kufizuara, viktimat e dhunës familjare dhe rastet e vdekjeve. Në vendime parashihen edhe sanksionet financiare për kundërvajtje administrative për personat fizikë dhe personat juridikë. Këto masa vlejnë deri më 4 maj, 2020. Në varësi të rezultateve, vendimet do të rishqyrtohet jo më vonë se më 30 prill, 2020, në konsultim me IKShPK-në. Në vegëzat e mëposhtme i gjeni shembujt e vendimeve dhe anekset 1, 2 dhe 3 https://msh.rks-gov.net/wp-content/uploads/2020/…/Vendim.pdf https://msh.rks-gov.net/wp-conte…/uploads/2020/…/Anekset.pdf

Në Klinikën Infektive të QKUK-së, sot më 14.04.2020 janë të shtrirë për mjekim 54 pacientë të sëmurë nga Covid-19. Në pritje të rezultateve janë 7 raste, kurse 8 raste janë testuar dhe kanë rezultuar negativ për Covid 19. Nga 54 raste të infektuar me Covid 19: • 41 raste janë në gjendje stabile; • 10 raste janë në gjendje të rëndë në trajtim me oksigjenoterapi dhe përkujdesje intensive • Në mjekimin intensiv vazhdojnë të jenë në gjendje kritike tre (3) pacientë, prej të cilëve njeri është në oksigjenoterapi dhe përkujdesje intensive si dhe dy pacientë janë në ventilim mekanik. Sa i përket stafit të Klinikës Infektive, nuk ka raste të reja të infeksionit brenda-spitalor. Burimi: Klinika Infektive-QKUK

Barnatoret kujdestare për 14 prill 2020 http://ofk-rks.net/barnatoret-kujdestare-14-04-2020-ne-go…/…

Kontribo edhe ti duke respektuar me përpikmëri masat në fuqi!

Të dashur qytetarë Nga data 15 prill (e mërkure), ora 06.00, me qëllim të mbrojtjes së jetës së juaj, në komunat e Republikës së Kosovës me vendime të veçanta, hyjnë në fuqi masat rigoroze të lëvizjes me qëllim të pamundësimit të përhapjes së mëtejme të pandemisë Covid-19. Vendimet do të merren për ato komuna në të cilat shtohet shkalla e rrezikut nga sëmundja COVID-19 me qëllim të mbrojtjes së shëndetit publik. Çdo qytetar, nga data 15 prill 2020 së paku deri më 3 maj 2020, …do të ketë të drejte të lëvizjes vetëm për 90 minuta gjatë orarit të përcaktuar në bazë të numrit të PARAFUNDIT të numrit PERSONAL. Secili nga ju do të keni 90 minuta në dispozicion për të kryer shërbime bazike duke e respektuar distancën sociale dhe të gjitha rregullat e deritanishme për të mbrojtur shëndetin tuaj dhe shëndetin publik. Ata që do të shkelin masat e ndërmarra, do të ballafaqohen me pasoja ligjore. Kontribo edhe ti duke respektuar me përpikmëri masat në fuqi!

Të dashur qytetarë Nga data 15 prill (e mërkure), ora 06.00, me qëllim të mbrojtjes së jetës së juaj, në të gjithë territorin e Republikës së Kosovës, hyjnë në fuqi masat rigoroze të lëvizjes me qëllim të pamundësimit të përhapjes së mëtejme të pandemisë Covid-19. Çdo qytetar, nga data 15 prill 2020 së paku deri më 3 maj 2020, do të ketë të drejte të lëvizjes vetëm për 90 minuta gjatë orarit të përcaktuar në bazë të numrit të PARAFUNDIT të numrit PERSONAL. Secili nga ju do të keni 90 minuta në dispozicion për të kryer shërbime bazike duke e respektuar distancën sociale dhe të gjitha rregullat e deritanishme për të mbrojtur shëndetin tuaj dhe shëndetin publik. Ata që do të shkelin masat e ndërmarra, do të ballafaqohen me pasoja ligjore. Kontribo edhe ti duke respektuar me përpikmëri masat në fuqi!

Mbërrin në Prishtinë dërgesa e dytë e UNICEF-it me furnizime vitale për ta mbështetur reagimin ndaj COVID-19 në Kosovë Dërgesa e dytë me furnizime e UNICEF-it përfshin 1.5 ton pajisje profesionale mbrojtëse (8,900 mantele kirurgjike) për ta mbështetur reagimin e sistemit shëndetësor në Kosovë ndaj pandemisë së koronavirusit. … Prishtinë, 13 prill 2020 Sot, ka mbërritur në Prishtinë dërgesa e dytë me furnizime e UNICEF-it që përfshin 1.5 ton pajisje profesionale mbrojtëse (8,900 mantele kirurgjike) për ta mbështetur reagimin e sistemit shëndetësor në Kosovë ndaj pandemisë së koronavirusit. Që nga fillimi i përhapjes së koronavirusit, UNICEF-i ka ofruar 36,200 dorëza, 33,600 maska kirurgjike, 2,700 maska me mbushje të dendur, 1000 kominoshe për mbrojtje, 17,860 mantele, 2,800 përparëse mbrojtëse si dhe 81 termometer infra red klinik si mbështetje për reagimin e Kosovës ndaj pandemisë. Dhjetë përqind e këtyre furnizimeve janë dorëzuar në Spitalin në Mitrovicën e Veriut dhe në atë në Graçanicë. Mbështetja e sotme është mundësuar si pjesë e programit të UNICEF-it për Vizitat në Shtëpi që financohet nga Qeveria e Luksemburgut. Gjatë katër viteve të kaluara, ky program e ka mbështetur shtrirjen e sistemeve shëndetësore tek më shumë se 35,000 fëmijë dhe 15,000 gra shtatzëna. Si reagim ndaj COVID-19, Zyra e Luksemburgut në partneritet me UNICEF-in do të vazhdojë të ofrojë pajisje personale mbrojtëse shtesë për punonjësit shëndetësorë të vijës së parë. Dërgesat e tjera në kuadër të kësaj linje përfshijnë (40 koncentrues oksigjeni, etj). Shefi i Zyrës së UNICEF-it, Murat Sahin tha se “Zyra e UNICEF-it në Kosovë do të vazhdojë t’i mbështesë institucionet dhe komunitetet në të gjithë Kosovën për t’i kapërcyer sfidat që janë paraqitur si pasojë e COVID-19”. Ministria e Shëndetësisë e ka mirëpritur dhe vlerësuar kontributin e UNICEF-it në mbështetje të zbatimit të Planit kundër virusit korona Covid-19 në Kosovë.