Shkaqet më të zakonshme të kolikës infantile

Shkaqet më të zakonshme të kolikës infantile pëfshijnë:

  • mbindjeshmëri ndaj ushqimit të ngrënë nga nëna që ushqen foshnjën me qumështin e gjirit (p.sh. ndaj qumështit të lopës),
  • moszhvillimi i plotë i sistemit gastrointestinal dhe probleme me tretjen e shpejtë,
  • gëlltitja e ajrit gjatë ushqimit (sidomos në foshnjat me ushqim artificial – biberon),
  • çrregullimet gastrointestinale dhe intoleranca ndaj disa ushqimeve (sheqer, laktozë),
  • moszhvillimi i plotë i sistemit nervor – dhimbja e barkut mund të jetë një mënyrë për të reaguar ndaj stimujve fizike që janë të pakuptueshëm për fëmijën,
  • ndërveprim me prindërit, p.sh. shqetësimet e nënës që ushqen foshnjën me qumështin e gjiri, stresi në familje.

Related posts

Ja pse qajnë bebet

Nëna të dashura nëse e qara e fëmijës tuaj vjen si pasojë e mërzitjes ose e vetmisë, mund t’ju ndihmojnë shumë prekja, mbajtja në krahë, e folura dhe vendosja e fëmijës në një pozicion ku mund t’ju shohë dhe të ndiejë praninë tuaj.
Mund të provoni ta ushqeni, ta merrni me të mirë, ose t’i ndërroni pelenat. Ndoshta është koha që duhet të flejë, të ndryshojë pak pozicionin ose të lëkundet paksa në krevat.
Ndoshta i vogli juaj ka nevojë për pak më shumë – ose pak më pak – vëmendje.
Por pse qajnë bebet ?
Një fëmijë i vogël qan kur diçka nuk shkon mirë, pasi kjo është vetmja mënyrë për të kërkuar ndihmë.
Bebi mund të jetë i uritur, i ndotur, ndjehet i vetmuar, jo rehat, ose ka frikë.
Bebi mund të jetë sëmurë; nga mënyra e të qarit ndryshon dhe ekzaminimi nga mjeku që mund të zbulojë natyrën e sëmundjes.
Kolikat abdominale (dhimbjet e barkut) ng njëherë quhen dhe “kolikat tremujore”, pasi rrallë vazhdojnë përtej moshës 3 muajshe.
Kriza e laktacionit tek nëna, kërkesa e bebit për qumësht rreth moshës 2-3 muaj, përkohësisht e tejkalon sasinë e qumështit të prodhuar nga gjiri i nënës, prandaj bebet kanë nevojë të vendosen në gji më shpesh. Rekomandohet fort që i vogli të vendoset në gji më shpesh, sesa të kalohet në ushqyerje me qumësht artificial.

Related posts

Pse shkelmojnë bebet në barkun e nënës?

Përse bebet shkelmojnë në barkun e nënës?
 Kjo është një pyetje që çdo nënë e ka menduar të paktën njëherë dhe tani mbërrin një përgjigje nga shkenca. Fetusi nis të lëvizë në barkun e nënës atëherë kur fillon eksplorimin. Kjo gjë i shërben për të krijuar një hartë të trupit të vet dhe hapësirës që e rrethon.
Ky është konkluzioni që mbërrin nga një studim mbi aktivitetin cerebral mbi një grup të porsalindurish, realizuar nga Universiteti College London dhe publikuar në revistën Scientific Reports.
Shkencëtarët kanë ekzaminuar spostimet e këmbëve dhe krahëve të bebeve në hapësirën e tyre. Autorët janë përqendruar kryesisht në aktivitetin e trurit duke matur valët cerebrale.
Pas analizimeve të gjata, mendohet se në tre mujorin e fundit të shtatzënisë, shkelmimet në barkun e nënës mund të kenë një rol të rëndësishëm pasi mund të ndikojnë pozitivisht në zhvillimin e disa zonave të trurit të lidhura me perceptimin e trupit. Kjo është arsyeja që lëvizjet janë më intensive dhe të shpeshta, pohojnë autorët e studimit.

Related posts

Pse bebet nuk dridhen kur kanë ftohtë?

Në ditë të ftohta si këto, mendja na shkon tek bebushët, si qënia që ka më shumë nevojë për përkujdesje. Nëse ne të rriturit kur ndjejmë të ftohtin fillojmë të dridhemi, si një mekanizëm për tu ngrohur, bebushat nuk e bëjnë.
Keni parë ndonjë bebe të dridhet kur ka ftohtë? Jo, sepse s’e bëjnë dhe shkenca ka një shpjegim specific për këtë. Dridhja që shpesh bëjmë ne të rriturit shkakton zgjerim të muskujve dhe kontraktim të shpjetë të tyre, gjë që çon në rritjen e temperaturës së trupit.
Por ndryshe nga ne, bebet kanë një lloj përbërjeje yndyrore që I ndihmon ata të mos kenë ftohtë. Në qafë, krahëror dhe shpatull ata kanë një element që quhet “yndyra kafe”, e cila djeg kalori dhe çliron nxehtësi.
Kjo substancë humb me kalimin e viteve, edhe pse mbetet në sasi shumë të vogla. Ekspertët kanë zbuluar se kjo substancë është në nivele më të larta tek njerëzit e dobët krahasuar me ata mbipeshë, pasi “yndyra kafe” në vend që të grumbullojë masë dhjamore, e djeg atë.

Related posts

Mos e stresoni një grua shtatzënë, 5 gjërat e dëmshme që mund t’i ndodhin bebes

Nuk mund ta mohojmë se stresi është një pjesë normale e jetës sonë të përditshme dhe periudha e shtatzënisë nuk bën përjashtim. Shkencëtarët thonë se kjo mund të ndikojë në inteligjencën dhe zhvillimin e fëmijës së ardhshëm dhe shkakton probleme të tjera më vonë në jetë.
A është ky stres i dëmshëm dhe mund të ndikojë tek fetusi? Le ta zbulojmë.
Bright Side na ndihmon për të kuptuar se cilat probleme mund të shkaktojë stresi gjatë shtatzënisë:
Stresi mund të shkaktojë lindje të parakohshme dhe peshë të ulët të bebit
Ndikon në inteligjencën e fëmijës
Provokon probleme me gjumin
Stresi gjatë shtatzënisë mund të shkaktojë probleme me shëndetin e fëmijës
Ngre nivelin e frikës dhe të ankthit tek fëmija

Related posts