Wed. Dec 1st, 2021
Sistemi urinar, Veshkat, Ureterat, Fshikëza e urinës, Prostata, Uretra

Cila është Fiziologjia e sistemit urinar ?

Gjatë procesit të shkëmbimit të lëndëve nëpër qelizat tona formohen produkte të panevojshme për organizmin tonë, madje të dëmshme dhe helmuese për të. Ato duhet nxjerrë jashtë. Shumica e tyre dalin me anën e urinës. Urina e cila përmban produkte të panevojshme organike, formohet në veshka të cilat punojnë si një rafineri e madhe duke rafineruar tërë gjakun dhe duke hequr prej tij tërë lëndët që nuk nevojiten dhe që do ta dëmtonin organizmin po të qëndronin, (D.Totozani & S.Qamirani, 2002).

Pjesa më e madhe e lëndëve të dëmshme që krijohen në organizëm largohen me anën e veshkave, këtë e dëshmon fakti se nëpër veshkë për 5-10 min kalon dhe filtrohet i tërë gjaku që përmban trupi i njeriut. Pra sistemi urinar është grup i organeve që transportojnë dhe ruajnë urinën pastaj e nxjerrin atë jashtë trupit. SU-është i lidhur me sistemin e qarkullimit të gjakut me anë të veshkave të cilat filtrojnë gjakun. Produkti i këtij filtrimi, ruhet përkohësisht në fshikëz përpara se të nxirret jashtë organizmit, (I.Bajraktari,F.Halili,A.Gashi,, 2006).