Wed. Dec 1st, 2021
Pankreasi

Cilat janë karakteristikat themelore të pankreasit ?

Pankreasi është një organ i vogël , i cili është mjaft i rëndësishëm dhe që mund të shkaktojë shumë probleme , e disa nga ato mund të jenë të rënda dhe të patejkalueshme shkruan Gazeta Shëndeti.

Është një organ shumë i butë , i shkriftë dhe i ndieshëm .

Ku është i vendosur pankreasi ?

Vendosja e pankreasit është e thellë , gjendet në pjesën e sipërme të barkut , në nivel të zgavrës së lukthit .

Ku shtrihet pankreasi ?

Pankreasi shtrihet në mënyrë transversale , në pjesët anësore , ndërmjet mëlçisë në anën e djathtë dhe ndërmjet shpretkës në anën e majtë .

Çfarë forme ka pankreasi ?

Forma e tij mund të krahasohet me një ” llullë të petëzuar ” ose me formën e germës ” L ” , me pjesët anësore më të trasha .

Si ndahet pankreasi ?

Në mënyrë skematike pankreasi ndahet në tri pjesë : koka në të djathtë , trupi në mes dhe bishti në të majtë . Nuk ekziston një kufi i qartë ndër mjet tri pjesëve imagjinare , por individualizimi i tij është i nevojshëm , në veçanti , për kirurgët për të specifikuar rastet e ekserezës ( heqjes , largimit kirurgjik ) të indit pankreatik .

Cilat janë përmasat e pankreasit ?

Përmasat e pankreasit: afërsisht 15 deri 20 cm gjatësi , 2-4 cm lartësi dhe 1-2 cm trashësi .

Sa është volumi dhe pesha e pankreasit ?

Volumi i përgjithshëm i pankreasit është 60-100 mm³ , ndërsa pesha e tij është 60-100 g .

Cili kanal e përshkon tërë pankreasin ?

Struktura e pankreasit: një kanal e përshkon tej më tej pankreasin në tërë gjatësinë e tij.

Kanali pankreatik kryesor quhet kanali i Wirsungut dhe ( sipas emrit të anatomistit austriak , i cili punonte në universitetin e Padovës në Itali , që e ka bërë zbulimin dhe përshkrimin e tij ) , funksioni i tij është që të mbledh lëngun pankreatik , i cili sekretohet nga pankreasi dhe përcillet në tubin digjestiv . Kanali përfundon në duoden ( fillimi i zorrës së hollë , i cili pason lukthin ) në vendin e njëjtë me kanalin biliar ( i cili quhet koledok ose rrugë biliare kryesore ) , që bart bilën e cila prodhohet në mëlçi .

Kanalet pankreatike dhe biliare bashkohen ne fundin e tyre dhe derdhen në tubin digjestiv nëpërmjet një vrime , e cila quhet korunkulë ose ampula Vater ./Gazeta Shëndeti

Pankreasi
Pankreasi