Fri. Aug 19th, 2022
© Ndalohet kopjimi, riprodhimi dhe publikimi i informacionit pa cituar burimin e tij.
Ecja

Cilat sëmundje parandalohen nëse ecni disa minuta në ditë ?

Ecja është ndoshta ushtrimi më i përsosur për të ndihmuar në humbjen e peshës, uljen e presionit të gjakut dhe kolesterolit, forcimin e kujtesës dhe zvogëlimin e rrezikut të sëmundjeve kardiovaskulare, diabetit, kancerit dhe më shumë.

Sipas studiuesve të Universitetit të Harvardit, ecja konsiderohet si ushtrimi perfekt pasi ka katër përfitime që do t’ju befasojnë.

1. Trajton gjenet që shkaktojnë shtim në peshë. Studiuesit e Harvardit shqyrtuan 32 gjene që shkaktojnë obezitet në më shumë se 12,000 njerëz për të përcaktuar se sa nga këto gjene luajnë një rol në peshën trupore. Më pas ata zbuluan se në mesin e pjesëmarrësve që ecnin me shpejtësi për rreth një orë në ditë, efektet e këtyre gjeneve u reduktuan me 50%.

lg.php?bannerid=0&campaignid=0&zoneid=123&loc=https%3A%2F%2Findeksonline.net%2Fsemundjet qe parandalohen nese ecni disa minuta ne dite%2F&referer=https%3A%2F%2Fgjirafa

2. Redukton rrezikun e zhvillimit të kancerit të gjirit. Studiuesit e dinin tashmë se aktiviteti fizik ul rrezikun e kancerit të gjirit, por një studim nga Shoqata Amerikane e Kancerit zbuloi se gratë që ecnin shtatë orë në javë kishin një rrezik 14% më të ulët të kancerit të gjirit sesa gratë që ecnin tre ose më pak orë në javë.

3. Redukton dhimbjet e kyçeve. Disa studime kanë zbuluar se ecja redukton dhimbjet e kyçeve. Është vlerësuar se ecja rreth tetë kilometra në javë mund të mbrojë kundër artritit. Ecja mbron nyjet, veçanërisht gjunjët dhe ijet që janë më të prirura ndaj osteoartritit, duke siguruar funksionimin e kyçeve dhe duke forcuar muskujt që i mbështesin ato.

4. Forcon funksionin e sistemit imunitar. Një studim me 1000 pjesëmarrës, tregoi se ata që ecnin të paktën 20 minuta në ditë pesë herë në javë kishin 43 përqind më pak mundësi për të zhvilluar sëmundje krahasuar me ata që ushtroheshin një herë në javë ose më pak.

You cannot copy content of this page