Çka është gluteni dhe intoleranca në gluten dhe a ka lidhje me tiroiditin Hashimoto ?
Gluteni është një proteinë e cila gjendet në grurë, thekër dhe elb.
Gluteni mund të shkaktojë reaksione të ndryshme tek personat e ndieshëm në gluten ose tek ata me celiaki shkruan Dr.Rreze – Endokrinologe përcjell Gazeta Shëndeti.
Disa nga shenjat e intolerancës në gluten janë:
🔴Problemet me traktin tretës si gazërat, lukthi i fryrë, diareja ose kapsllëku.
🔴E ashtuquajtura “keratosis pilaris” ose “lëkura e pulës” në pjesën e pasme të krahut. Kjo shenjë tregon për mungesë të acideve yndyrore ose të vitaminës A që vie për shkak të mospërthithjes adekuate të yndyrnave (për shkak se gluteni e dëmton lukthin).
🔴Lodhja, marramendja dhe plogështia pas konsumimit të ushqimeve që kanë gluten.
🔴Sëmundjet autoimune si tiroiditi Hashimoto, artriti reumatoid, koliti ulceroz, lupusi, psoriaza, skleroderma dhe skleroza multiple.
Ushqimet ne gluten nuk e shkaktojnë tiroiditin Hashimoto, por këto mund ta inicojnë një përgjigje autoimune të organizmit që shkakton inflamacion dhe dëmtim të tiroidesë.
🔴Simptomat neurologjike si migrena, marramendja dhe humbja e drejtpeshimit.
🔴Çrregullimet hormonale, sindromi premenstrual, sindromi i vezoreve policistike dhe infertiliteti i pasqaruar.
🔴Lodhja kronike dhe dhimbja e muskujve për të cilat nuk zbulohet shkaku.
🔴Enjtja dhe dhimbja e nyjeve të gishtave, gjunjve dhe kërdhokullave.
🔴Gjendjet psiqike si ankthi, depresioni, çrregullimet e disponimit dhe pamundësia e mbajtjes së përqëndrimit.
Në raste të tilla duhet të shmangen drithërat dhe tërshëra.
Te dieta pa gluten më së vështiri është që të largohet buka nëse gatuhet me miell të bardhë, grurë dhe thekër.
Nuk mund të hahen as ëmbëlsirat, kroisantët, picat, keksat, brumërat që gatuhen nga mielli i bardhë, tërshëra ose elbi.
Mund të hahet që gatuhet nga orizi, bollguri, mielli i misrit ose patatja.
Nëse dyshoni se keni intolerancë në gluten këshillohuni me mjekun dhe merrni rekomandime për dietën. Konsumoni patate, oriz, vezë, mish, peshk, qumësht dhe produkte të qumështi si dhe fruta e perime të freskëta./Dr.Rreze – Endokrinologe / Gazeta Shëndeti
