Trishtimi dhe mërzia janë reagime normale të kohëve të vështira që gjithkush kalon në jetë.

Mërzitja është një reagim që kalon shpesh, por ajo ndryshon kryekëput nga depresioni.

Ky i fundit është një sëmundje mjekësore që shfaqet me disa simptoma të cilat ndikojnë në mënyrën e të menduarit, ndjenjave dhe përballjes me aktivitetet ditore.

Këtu përfshihet edhe gjumi, ushqyerja apo puna.

Depresioni është më i përhapur tek gratë se tek burrat.

Kjo ndodh për shkak të disa faktorëve biologjikë, hormonalë dhe socialë që prekin gratë.

Në këtë artikull të AgroWeb.org do të mësoni 5 gjëra shumë të rëndësishme që duhet të dini patjetër për depresionin që prek gratë.

Depresioni Është Një Problem Mjekësor

Simptomat e depresionit mund të ndërhyjnë negativisht tek aftësia e grave për të punuar, fjetur, ngrënë dhe shijuar jetën.

Shkaqet  depresionit janë akoma të panjohura por ka disa studime që sugjerojnë se kjo sëmundje shkaktohet si pasojë e një kombinimi faktorësh genetikë, biologjikë, mjedisorë dhe fiziologjikë.

Shumica e njerëzve të prekur nga depresioni kanë nevojë për trajtim mjekësor që të shërohen.

Me Depresionin s’ Bëhet Shaka

Miqtë dhe familjarët e të prekurve me depresion mund ta mendojnë si një problem nga i cili mund ta mbledhësh veten.

Depresioni s’ shërohet vetëm duke qenë pozitivë apo duke u përpjekur fort për të qenë të lumtur.

Depresioni s’ është shenjë dobësie e një personi apo një e metë e karakterit.

Njerëzit që vuajnë nga depresioni kanë nevojë për trajtim mjekësor.

Pacientët që vuajnë nga depresioni kanë nevojë për mbështetje emocionale, mirëkuptim, përmbajtje dhe kurajo.

Ndjenjat e tyre s’ duhen anashkaluar.

Lexoni këtu si të përballoni stresin.

Mësoni këtu mbi vitaminat dhe mineralet që ju duhen.

Depresioni Kalohet Vetëm Me trajtim Mjekësor

Po qe se mendoni se vuani nga depresioni, është e udhës të vizitoheni tek një mjek dhe të mos bëni vetë-diagnostikim.

Ndonjëherë, disa medikamente dhe disa sëmundje siç janë ato të tiroides mund të shfaqen me simptoma të ngjashme me depresionin.

Një vizitë tek mjeku mund të shmangë çdo konfuzion të mundshëm.

Sipas të dhënave të AgroWeb.org, depresioni është një sëmundje që shërohet vetëm më trajtim mjekësor.

Depresioni Dhemb

Mërzia dhe trishtimi mund të jenë pjesëza të vogla të depresionit.

Por në të vërtetë, njerëzit e depresionuar s’ janë të mërzitur.

Ato përjetojnë simptoma fizike si dhembjet e ndryshme, kontraktimet apo problemet me oreksin dhe tretjen.

Një person që vuan nga depresioni has probleme me gjumin dhe zgjimin dhe ndihet gjithnjë i lodhur.

Po qe se keni përjetuar simptoma e mëposhtme për të paktën 2 javë, atëherë ndoshta mund të jeni prekur nga depresioni.

Ndjesi ankthi ose boshllëku,

Ndjesia e të qenit të pashpresë ose pesimistë,

Acarim,

Ndjenjë faji, braktisjeje dhe të qenit pa vlerë.

Mungesë energjie dhe lodhje

Vështirësi në fjetje, zgjim ose fjetje për orë të gjata,

Humbje interesi për aktivitetet e pëlqyera më parë,

Vështirësi në përqendrim, kujtesë apo vendimarrje,

Ndryshime në oreks,

Mendime që kanë të bëjnë me vetëvrasjen ose vdekjen,

dhimbje të ndryshme trupore pa ndonjë shkak fizik.

Është shumë e rëndësishme që gjatë takimit me mjekun të jeni të sinqertë, të qartë dhe të përpiktë në mënyrë që të merrni trajtimin e duhur.

Disa Lloje Të Depresionit Prekin Vetëm Gratë

Gratë pësojnë ndryshime dramatike fizike dhe hormonale.

Ato ndodhin gjatë periudhës pas lindjes, para menopauzës apo ciklit menstual.

Depresioni pas lindjes është një problem shumë serioz dhe mund të shkaktojnë vështirësi të mëdha për nënën e re.

Simptomat e depresionit s’ janë të njëjta për çdo grua dhe ashpërsia e tyre varet nga individi dhe organizmi.

Depresioni Është I Kurueshëm

Depresioni mund të kurohet me medikamente dhe terapi me psikiatrin.

Po qe se këto dy trajtime s’ funksionojnë atëherë njeriu ka nevojë për trajtime të tjera që stimulojnë trurin

Këshilla e AgroWeb.org është që patjetërt të konsultoheni me mjekun./AgroWeb.org