Dërgimi i Ligjit për Pagat në Kushtetuese, Policia e Kosovës paralajmëron greva

https://frontonline.net/dergimi-i-ligjit-per-pagat-ne-kushtetuese-policia-e-kosoves-paralajmeron-greva/

Dërgimi i Ligjit për Pagat në Gjykatën Kushtetuese nga ana e Avokatit të Popullit, Hilmi Jashari, po përcillet me kundërshtime edhe nga Policia e Kosovës, raporton portali Front Online”.
Shaban Tasholli, nënkryetar i Sindikatës së Policisë së Kosovës, ka thënë për Front Online se pas dërgimit të këtij Ligji në Kushtetuese, nesër do të koordinohen edhe me sindikalistët e arsimit dhe shëndetësisë, të cilët poashtu kanë pakënaqësi me veprimin e Avokatit Jashari, për t’i diskutuar hapat e mëtutjeshëm.
“Për nesër e kemi lënë një takim me Sindikatën e Arsimit dhe të Shëndetësisë për t’i koordinuar veprimet e mëtutjeshme. Paraprakisht ne u kemi treguar Avokatit të Popullit se jemi të pakënaqur me propozimin e tij që Ligji të dërgohet në Kushtetuese. Ne do t’i parashohim të gjitha veprimet si masë kundërshtuese, përfshirë edhe greva”, ka thënë Tasholli për “Front Online”, duke shtuar se Avokati i Popullit nuk i ka marrë parasysh kërkesat e tri sindikatave, të cilat përfaqësojnë 60 mijë punëtorë të sektorit publik/Front Online/
loading...

Leave a Reply

Your email address will not be published. Required fields are marked *