Fëmijët dhe celulari; Ja sa orë duhet të qëndrojnë me të fëmijët nga 0-8 vjeç


Celulari ditët e sotme s’ është kthyer vetëm në një mjet të domosdoshëm për të komunikuar por shpesh fëmijët luajnë me të ose shohin kukulla dhe video. Prindërit  bëjnë gabimin që dhe e lejojnë fëmijën e tyre për disa orë në ditë në mënyrë të tillë që të kenë pak kohë më të lirë për të bërë punët e tjera. Pediatrja Lira Gjika shpjegon sa kohë duhet të qëndrojnë fëmijët nga 0 deri në 8 vjeç, shkruan Living.

“Fëmijët dhe celulari.

Ja çfarë rekomandojnë neuroshkencëtarët, psikologët dhe pediatrit për përdorimin e celularit nga fëmijët:

Për fëmijët deri në moshën dy vjeç, celulari s’ duhet të bëjë pjesë në sendet, të cilat mund t’i përdorë fëmija, pasi këto mjete shkaktojnë dëme në trurin dhe mendjen e fëmijës. Mbas moshës dy vjeç, deri në moshën katër vjeç, mund të përdoret jo më shumë se një orë në ditë. Nga mosha katër vjeç e deri në tetë vjeç, fëmija mund të përdorë celularin deri në dy orë në ditë, por jo më shumë. Një këshillë tjetër, shumë të rëndësishme, që specialistët këmbëngulin, që prindërit apo zëvendësuesit e tyre duhet ta respektojnë dhe zbatojnë me rigorozitet, është të mos përdoret celulari, kur fëmija ushqehet. Kujdes prindër, përpiquni t`i zbatoni këto këshilla, mos i neglizhoni. Për momentin do të gjeni një zgjidhje, por do të komplikoni më shumë problemet në të ardhmen”, shkruan Lira Gjika.

Shih edhe:  Studimi, doza përforcuese e Modernës forcon imunitetin ndaj varianteve të COVID-it

Leave a Reply

Your email address will not be published. Required fields are marked *