“Forbes” ka renditur biznesmenin shqiptaro-amerikan si storie suksesi për vitin 2021

loading...


E Mërkurë, 2 Dhjetor 2020 – 14:00
albinfo.ch

Është bërë e ditur se revista e njohur amerikane e biznesit, “Forbes” ka renditur biznesmenin shqiptaro-amerikan Premtim Gjonbalaj, në listën “30 Nën 30” për vitin 2021, transmeton albinfo.ch.

Kjo listë përfshin 30 të rinj të suksesshëm në fushën e biznesit dhe industrisë pa mbushur moshën 30 vjeçare.

duhet theksuar se Premtimi është lindur dhe rritur në Bruklin nga prindër emigrantë shqiptarë. Në moshën 19 vjeçare, Gjonbalaj hapi restorantin e tij të parë të vendosur brenda një hoteli të madh, në New York City.

Revista Forbes i ka kushtuar një shkrim shqiptaro-amerikanit Premtim Gjonbalaj dhe firmës së tij Butler Hospitality që shërben si “kuzhinë fantazëm” e disa prej hoteleve më të famshëm në New York e përtej.

Premtimi ishte vetëm 23-vjeçar kur si menaxhues i një restoranti i kishte shkuar mendja për një zgjidhje të një problemi që prej dekadash tmerronte industrinë e mikpritjes njujorkeze e mbase edhe atë botërore.

Është sa e thjeshtë aq edhe e pabesueshme që s’ e ka menduar e realizuar dikush më parë si çdo ide tjetër gjeniale.

Që një hotel të ketë një numër të repektueshëm yjesh, ai duhet të ofrojë edhe shërbim ushqimi në dhomë. Kjo ka qenë një traditë e vjetër e hoteleve, po që dalëngadalë ka humbur frekuencën e dikurshme. Njerëzit gjithnjë e më shumë filluan të preferojnë restorantet sesa të ngrënën në dhomën luksoze. Hotelet e vogla e të parëndësishme hoqën dorë, por ato me emër s’ mundeshin. Oferta e ushqimit mbetej në letër, ndonëse shpesh shkonte dëm duke sjellë humbje të mëdha financiare.

Kostoja e punës, mbajtja e një kuzhienieri të talentuar, plus ingredientët e gatimit e gërshetuar me pasigurinë e kërkesës për shërbim në dhomë, krijuan një vrimë të madhe financiare edhe për hotelet më të fuqishme.

Me një intuitë dhe shpirt nismëtar, ai krijoi diçka të re në Qytetin ku duket sikur është zbuluar gjithshka që mund të zbulohej, mirëpo ku vazhdimisht habitesh me fantazinë e shpritin praktik të njerëzve. Premtim Gjonbalaj është një nga herojntë e kësaj Bote gjithmonë te Re.

(Për kuriozitet shkrimin e revistës Forbes mund ta lexoni këtu: https://www.forbes.com/sites/igorbosilkovski/2020/07/14/meet-the-entrepreneur-whose-ghost-kitchen-for-hotels-just-raised-15-million-at-an-85-million-valuation)

 



Related posts