Çka është fshikëza e urinës ?
Fshikëza e urinës është një organ kavitar që shërben për grumbullim e urinës së prodhuar nga veshkat shkruan Gazeta Shëndeti.
Ajo është organ muskular dhe shtrihet ne pelvik.
Urina vjen në fshikezën e urinës nepermjet dy ureterëve dhe del nga ajo nëpërmjet uretrës.
Ajo ka një kapacitet mbajtës prej 300-350 ml urinë.
Te femrat, për shkak të vendosjes së saj para dhe poshtë uterusit(mitrës) dhe vaginës, kapaciteti i saj mbajtës është më i vogël se tek meshkujt.
Tek meshkujt me probleme të prostatës ndodh e njejta situatë, që çon drejt një urinimi më të shpeshtë. Funksionin kryesor e luan muskuli detrusor.
Kur fshikëza është plot, i jepet informacion sistemit parasimpatik, që lëshon sinjalin për tkurrjen e muskulit detrusor dhe hapjen e sfinkterit të fshikëzës, duke çuar në nxjerrjen e urinës nga kjo e fundit.
Problemet me sfinkterin çojnë në urinimin e pavullnetshëm dhe inkontinencën urinare./Gazeta Shëndeti
