Gastronomet mbushin sheshin e Vjenës me karrige të zbrazëta

loading...

Sektori më i prekur nga masat e koronavirusit në Austri, pa dyshim që është gastronomia.  Shumë gastronom kanë ndjenja të përziera rreth rihapjes së lokaleve të tyre me 15 maj. Rekomandimet e rrepta nga qeveria austriake e bëjnë të vështirë të gjejnë rrugën e duhur drejtë përfitimeve të përditshme që ata i kishin, raporton Albinfo Austria.

„Sigurisht se jemi të lumtur që së shpejti do të jemi në gjendje të hapim përsëri lokalet tona dhe të përshëndesim të ftuarit tanë“, ka thënë Christina Hummel nga shoqata e gastronomeve dhe iniciatorë për këtë fushatë, shkruajnë mediat austriake.

Por hapja e restoranteve dhe kafeneve për shumë gastronom, në situatën në të cilën po kalojën ata, s’ është aspak e mbaruar.

„Do të kalojë shumë kohë derisa normaliteti të kthehet në kafene dhe ne përsëri të kemi shitje që sigurojnë mbijetesën e bizneseve”, ka thënë Hummel, transmeton Albinfo Austria.

Ata  kërkojnë mbështetje afatgjatë dhe të qëndrueshme. Me shitjet fillestare të dobëta që priten, asnjë restorant s’ do të jetë në gjendje të mbajë punonjësit e tij ose të paguajë taksat fiskale. „Ne kemi nevojë për mbështetje në formën e grandeve, një ulje të shpejt të taksave, dhe një mbështetje për mënyrën se si mund të mbijetojmë disa muajt e ardhshëm. Me kusht që gastronomia vdes, zemra e kulturës sonë vdes. Ne kemi zbatuar rregullat e përcaktuara nga qeveria federale, tani jemi duke kërkuar atë që u premtua“, ka shtuar ajo.

Një fushatë e tillë me „Karriget e zbrazëta“ është duke u zhvilluar në shumë qytete të Gjermanisë, atje ku gastronomia pritet të jetë në gjendje edhe më të vështirë.

The post Gastronomet mbushin sheshin e Vjenës me karrige të zbrazëta appeared first on Albinfo.

loading...

Leave a Reply

Your email address will not be published. Required fields are marked *