Gjendja e Mjekut në midis të karrierës



Shkruan: Dr.Memli Morina

Gjendja e mjekut në midis të karrierës

Kur është midisi i karrierës për një mjek?

Shumica e mjekëve nëse janë me fat, do të jenë specialistë të punësuar në moshën 35 vjeç. I bie që deri në pension të ketë edhe 30 vjet nëse Perëndia i jep jetë e shëndet.mesi i karrierës mund të konsiderohet 45 deri 55 vjeç.

Një mjek ose mjeke e tillë mund të jetë baba ose nënë e 2-3 fëmijëve deri 10 vjeç. Nëse jeton në Prishtinë banon diku në lagjen e spitalit në banesën që e ka marrë me kredi. E konsideron veten me fat që nuk rri me qira, por e ka banesën që do të bëhet e vetja pas 20 vitesh kur ta kryen kredinë. Është i lumtur që ka kulm mbi kokë edhe pse banesa i duket që ka më pak metra se sa që i ka paguar me kontratë.

Shih edhe:  Could ECSTASY cure PTSD? Patients given party drug before counselling respond better to treatment

E sheh punën e vet, i çon fëmijët në çerdhe ose në shkollë, shkon me kohë në punë, pêrpiqet ta mbajë frigoriferin plot me ushqime, prandaj edhe punon pas orarit. Mundohet të kursejë pak dhe ato para t’i shfrytëzojë për ndonjë vikend të zgjatur në Durrës dhe për dy javë pushim veror në det.

Kur shkon në vendin ku ka lindur iu jep prindërve pak nga kursimet e tij. Ndien kënaqësi kur i gëzon dhe do që t’i shpreh mirënjohje për sakrificat e tyre që ky të bëhet mjek.

I kujtohet mirë se si ka jetuar para luftës dhe nuk ankohet shumë, ndonëse kur rrijnë bashkë me shoqëri kanë miliona ide se si ky vend mund të bëhet më mirë. Përpiqet që të jetë njeri i punës dhe jo dembel e llafazan. Jeton sot pak më mirë se dje, nesër pak më mirë se sot. Takon çdo ditë shokë e shoqe të fëmijërisë që jetojnë shumë më mirë se ky, edhe pse ishin shumë të dobët në shkollë, por ky nuk i sheh me zili! Thotë me vete se këta janë marrë me biznis, kurse ky me dëshirë zgjodhi mjekësinë.

Shih edhe:  Ja cili mjek u zhduk !

Është besimtar dhe për festa vishet, lahet, mbathet, krihet e kryen obligimet fetare. Përpiqet t’i edukojë fëmijët sa më mirë. Iu përsërit vazhdimisht fjalët magjike “të lutem”, “falemnderit”, “më fal”. Iu thotë se duhet të tregojnë respekt për më të moshuarit, të mos pështyjnë në tokë, të trokasin në derë dhe të mësojnë mirë në shkollë, ndonëse për këtë të fundit kanë frikë se mis ndoshta djali ose vajza mund t’i japin shumë argumente se sa më pak që mëson aq më mirë jeton.

Sheh shumë pak televizor, gazeta të shkruara nuk lexon, telefonin e mban vazhdimisht në dorë.

Veten e ka lënë pak pas dore. Nuk pi duhan e as alkool, por ecën pak dhe një Zot e di kur i ka bërë analizat për herë të fundit!

Shih edhe:  Study adds to growing evidence that COVID-19 vaccines are safe in pregnancy -- ScienceDaily

Çuditet sa shpejt shkojnë muajt e vitet dhe nuk e di se a duhet të gëzohet apo mêrzitet kur i sheh thinjat në kokë.

Dhe kur fëmijët i rriten pak, iu thotë se përveç anglishtes duhet ta mësojnë edhe gjermanishten. Kur fëmijët bëhen për fakultet nuk e di se çfarë t’i këshillojë. Një pjesë e tij do që të bëhen mjekë, kurse një pjesë tjetër është e mbushur me pezm nga profesioni i mjekut.

Pastaj thotë me vete, le ta vendosin vetë! Edhe nëse bëhet mjek, ja ku është Gjermania!

Leave a Reply

Your email address will not be published. Required fields are marked *