Ja çfarë fjalë epike shkruan Mjeku për Adem Jasharin!



Adem Jashari, Ese per Adem Jasharin, Adem Jashari ese, Arben Beka, Ese shqip

Shkruan: Dr.Arben Beka

Komandant!

Sonte po bëhen 21 vite nga hera e fundit që të takova me 4 Mars 1998, kur erdhe t’i vizitosh ushtaret e plagosur në betejen e Çirezit – Likoshanit, Sabit Geci, Sabit Lladrofci dhe Musë Jashari në odën e Dr. Fadil Bekes në Ticë. Atë natë, unë si i ri pata fatin t’shërbej për të dytën herë gjatë vizitave tua në Spitalin e Parë të UÇK-së.

Komandant!

Atë natë fytyra jote ishte plot nur, shikimi yt rrezatonte dashuri. Ishe fjalëpak, i matur, i urtë por i vendosur. Ishe i thjeshtë dhe i dashur si me ne të rinjtë, poashtu me ushtarët tu. Atë natë në mëndjen time të krahasoja me Skënderbeun, Ismail Qemalin, Hasan Prishtinen, Qerqiz Topullin dhe shumë pararëndes tu. Nuk doja të të krahasoja me Aleksandrin e Madh, Napoleon Bonaparten sepse më dukej pak.

Shih edhe:  Petting therapy dogs enhances thinking skills of stressed college students -- ScienceDaily

Komandant!

Atë natë ti nuk e dije që pikerisht të nesërmen emri yt do t’i kalonte oqeanet dhe detërat, do t’i kalonte kufinjë dhe kontinente anëkend botës. Ti nuk e dije që emri yt do të hynte përjetësisht në histori, do të shndërrohëshe në Legjendë, do të bëheshe shëmbull botëror se si duhet flijuar për atdheun.

Komandant!

Sonte, i përmalluar, po flas me ty e kam përpara syve praninë tënde njëjtë si 21 vite me parë. Ashtu të qetë, të urtë, të dashur, fjalëpak. Por ne nuk jemi të njëjtit. Ne çdo ditë po plakemi, fytyrat tona po vrenjten nga problemet e përditshme, floket tona po thinjën, por ti gjithnjë po mbetesh i ri, njëjtë si  natën e fundit kur të takova. Madhështia jote po bëhet akoma më e madhe, vepra jote po bëhet edhe  më mitike. Fotografia jote gjendet e varur në çdo institucion shqiptar, në çdo familje shqiptare, busti yt qëndron ballëlartë në shumë sheshe shqiptare dhe boterore. Për ty shkruhen libra, thuren vargje, këndohen këngë.

Shih edhe:  Engineering study shows renewable energy will enhance power grid's resilience -- ScienceDaily

Komandant!

Amaneti yt po realizohet çdo ditë. Kosova jote për të cilën dhe jetën bashkë me 56 antarë të familjes e ka fituar lirinë e pavarësinë dhe është në rrugë të mirë të shtetndërtimit. Çdo ditë e më shumë ndërtohen shtëpi, rrugë e sheshe, shkollohen nxënësit e studentët, punësohen të rinjtë, forcohet shteti me ushtri dhe kufinjë.

Komandant!

Edhe më tutje do të shkruhet e këndohet për ty, do të flitet për ty, do të thuren lavde për ty.
Gjithmonë do t’kujtoj si sot e 21 vite më parë, çdo vit do të flas me ty dhe do të të tregoj për të arriturat tona.
Përjetësisht do te kemi në ballë ty që je themeli i lirisë.

Shih edhe:  Ja sa përqind e stafit të QKMF-së në Prishtinë e kanë kaluar Covid-19

Leave a Reply

Your email address will not be published. Required fields are marked *