Wed. Jun 29th, 2022
© Ndalohet kopjimi, riprodhimi dhe publikimi i informacionit pa cituar burimin e tij.
A ka një dietë për menaxhim të stresit?

 

Dietologia Jessica Crandall thotë se njerëzit shpesh s’ kërkojnë mjaftueshëm informacion dhe ndjekin dietën e parë që gjejnë, në përpjekje për të ndryshuar sa më shpejt

Disa dieta mund të shkaktojnë një sërë efektesh anësore, nga aroma e keqe e gojës dhe urinimi i shpeshtë, deri te lodhja dhe metabolizmi i ngadalësuar, shkruan Fitness Together.

Për një dietë/regjim ushqimor që do të japë rezultate afatgjata dhe të shëndetshme, largohuni nga këto atribute:

1. Është shumë kufizuese. Dietat supozohen të jenë kufizuese, apo jo? Po, edhe jo. Një dietë e shëndetshme përfshin prerje kalorish dhe vetëdisiplinim, por një dietë që ka shumë rregulla dhe kufizime mund të jetë shenjë se ka probleme. Kufizimet ekstreme të ushqimit, s’janë domosdoshmërisht një zgjedhje ideale.

2. Ndalon grup të tëra ushqimesh. Heqja e grupeve të ushqimit – ose më keq, e makroelementeve të plota (karbohidratet, yndyrat dhe proteinat), tregon qartazi se ka një problem. Këto dieta eliminojnë lëndët ushqyese për të cilat trupi ka nevojë për të funksionuar në mënyrë optimale.

screen shot 2020 12 20 at 4.59.08 pm

3. Kur dieta është “e kundërta e asaj që bëni”. Njerëzit shpesh janë të dëshpëruar për të nisur një dietë dhe mendojnë se fillimet drastike, do sjellin dhe ndryshim më të shpejtë. Por zakonet s’ formohen brenda natës apo jo?

Sugjerohet të niset ngadalë, si kalimi nga të konsumuarit bukë në të konsumuarit një bukë me më pak kalori. Ndryshimet e vogla do t’ju ndihmojnë të shmangni “tronditjen nga dieta”, citon Anabel.

4. Dietat që premtojnë humbje drastike peshe në një kohë të shkurtër: Këtu ka diçka që s’shkon. Si rregull i përgjithshëm, humbje e shëndetshme e peshës do të thotë të humbasësh nga 0.4-1 kilogramë në javë. Kjo sigurisht varion sipas llojeve të ndryshme të trupave dhe metabolizmit.

Mos harroni se synimi kryesor i një diete s’është vetëm humbja momentale e peshës, por edukimi për një stil jetese të shëndetshëm. Kjo do të sjellë edhe ndryshimet afatgjata.

 

You cannot copy content of this page