KMDLNj kritikon zgjatjen e seancave të Kuvendit në kohë pandemie

loading...


Këshilli për Mbrojtjen e të Drejtave e të Lirive të Njeriut, me anë të një reagimi kanë deklaruar se seancat e zgjatura të Kuvendit të Kosovës në kohë të pandemisë, po e rrezikojnë shëndetin.

KMDLNj vlerëson se kohëve të fundit seancat e Kuvendit të Kosovës, sidomos gjatë interpelancave ku në sallë janë mbi 70 deputetë të pranishëm dhe ku diskutimet stërzgjaten me orë të tëra, po e rrezikojnë shëndetin.

“Çfarë kuptimi ka një seancë që zgjatë 10 orë diskutime, sikur gjatë fushatave elektorale dhe, si përfundim s’ janë në gjendje të miratojnë asnjë rezolutë, marrëveshje apo ligj, madje as të përafrojnë qëndrimet të cilat thellohen edhe më shumë”, thuhet në reagimin e tyre.

Këshllli shton se që në fillim të pandemisë, me një letër drejtuar Kryesisë së Kuvendit dhe kryetares. Vjosa Osmani, KMDLNj pati kërkuar që të ndërmerren masa mbrojtëse për deputetët dhe administratën.

“Përkundër kësaj,  një numër i deputetëve dhe administratës ishte infektuar me COVID-19.  Së fundi , edhe kryetarja e Kuvendit dhe U.D. e presidentit , znj. Vjosa Osmani ka rezultuar pozitiv për COVID-19. Shembull eklatant për këtë janë diskutimet dhe mosvotimi i Ligjit për Rimëkëmbje Ekonomike”, thuhet në reagim.

Ky këshill ka kërkuar që në përputhje me situatën dhe për shkak të rrezikut të madh , Kryesia e Kuvendit, bashkë me grupet parlamentare të ofrojë një zgjidhje që seancat e Kuvendit të reduktohen në përputhje me rrezikun në mënyrë që të ruhet shëndeti i të pranishmëve.

“Në kohën kur pandemia e shkaktuar nga COVID-19 ka përshkallëzuar në të gjithë botën dhe kur kemi një rrezikshmëri shumë të lartë dhe kur janë ndërmarrë shumë masa kufizuese s’ ka asnjë kuptim mbajtja e këtyre seancave të stërzgjatura. KMDLNj rekomandon që seancat të mbahen vetëm për gjëra të domosdoshme, të diskutohet qartë dhe shkurt dhe të merren vendime që janë të domosdoshme. Me normalizimin e situatës do të normalizohej edhe puna e Kuvendit”, thuhet mes tjerash në komunikatë.

KMDLNj kritikon zgjatjen e seancave të Kuvendit në kohë pandemie

Për shkak të pandemisë, Kuvendi i Kosovës po mban seancat duke u munduar që të ofrojë distancë mes deputetëve, duke shfrytëzuar edhe ballkonin e mediave.

Qasja e mediave në seanca ofrohet online, si dhe me anë të transmetuesit publik.

Më poshtë e gjeni të plotë reagimin e i KMDLNj-së:

SEANCAT E STËRZGJATURA TË KUVENDIT PO E RREZIKOJNË SHËNDETIN!

Pas fillimit të pandemisë së shkaktuar nga COVID-19, Kuvendi i Kosovës , si masë parandaluese aktivitetet i ka zhvilluar nga distanca. Pastaj, kur situata u zbutë aktivitetet zhvilloheshin në rrethana tjera , seancat mbaheshin por se salla ishte në dispozicion vetëm për deputetët dhe administratën , në përpjekje për të siguruar distancën e nevojshme.

Që në fillim të pandemisë, me një letër drejtuar Kryesisë së Kuvendit dhe kryetares, znj. Vjosa Osmani, KMDLNj pati kërkuar që të ndërmerren masa mbrojtëse për deputetët dhe administratën. Përkundër kësaj, një numër i deputetëve dhe administratës ishte infektuar me COVID-19. Së fundi , edhe kryetarja e Kuvendit dhe U.D. e presidentit , znj. Vjosa Osmani ka rezultuar pozitiv për COVID-19. KMDLNj vlerëson se kohëve të fundit seancat e Kuvendit të Kosovës , me shterpësinë e diskutimeve , jo që s’ po prodhojnë efektin e duhur por seriozisht po e rrezikojnë shëndetin e të pranishmëve. Kjo , sidomos është e theksuar gjatë interpelancave ku në sallë janë mbi 70 deputetë dhe të pranishëm dhe ku diskutimet stërzgjaten me orë të tëra , pa e dhënë asnjë rezultat.

Çfarë kuptimi ka një seancë që zgjatë 10 orë diskutime , sikur gjatë fushatave elektorale dhe, si përfundim s’ janë në gjendje të miratojnë asnjë rezolutë, marrëveshje apo ligj, madje as të përafrojnë qëndrimet të cilat thellohen edhe më shumë. Shembull eklatant për këtë janë diskutimet dhe mosvotimi i Ligjit për Rimëkëmbje Ekonomike.

Me mosvotimin e këtij Ligji, deputetët refuzues të Kuvendit të Kosovës po sillen sikur Buxheti i Kosovës është pronar i Buxhetit të Bankës Botërore e jo një Buxhet social dhe paliativ që me mjete tejet simbolike po mundohet t’ua zbusin dhembjet shumicës së bizneseve, para se ato të falimentojnë.

Seancat me diskutime të zbrazëta , monotone të cilat përfundojnë kryesisht me disa deputetë që e luajnë rolin e mohikanit te fundit , pa kuorum që , përveç se s’ prodhojnë asgjë, i mërzisin qytetarët para ekranit televiziv sikur që e rrezikojnë shëndetin e tyre dhe të pranishmëve. Për këtë arsye KMDLNj kërkon që , në përputhje me situatën dhe për shkak të rrezikut të madh, Kryesia e Kuvendit, bashkë me grupet parlamentare të ofrojë një zgjidhje që seancat e Kuvendit të reduktohen në përputhje me rrezikun në mënyrë që të ruhet shëndeti i të pranishmëve.

Në kohën kur pandemia e shkaktuar nga COVID-19 ka përshkallëzuar në të gjithë botën dhe kur kemi një rrezikshmëri shumë të lartë dhe kur janë ndërmarrë shumë masa kufizuese s’ ka asnjë kuptim mbajtja e këtyre seancave të stërzgjatura. KMDLNj rekomandon që seancat të mbahen vetëm për gjëra të domosdoshme, të diskutohet qartë dhe shkurt dhe të merren vendime që janë të domosdoshme. Me normalizimin e situatës do të normalizohej edhe puna e Kuvendit.

18 nëntor 2020

Prishtinë

Shërbimi për Informim



Related posts