Me mbulesë, infermiere dhe vozitëse e autoambulancës në Podujevë


C4536ED0 191A 45A1 977C 87AC7DCE499B

Ka nisur punën nën petkun e bardhë në mars. Përveç si infermiere në Qendrën Kryesore të Mjekësisë Familjare në Podujevë, ajo punon edhe vozitëse e autoambulancës.

Fikrie Rekaliu – një grua me mbulesë, ka filluar punën si infermiere në QKMF-në e Podujevës në mars të këtij viti në shërbimin e ri paliativ. Veç kësaj, ajo vozitë edhe autoambulancës për t’u ofruar ndihmë mjekësore pacientëve llapjanë, kjo e fundit që rritë vullnetin e saj për punë.

“T’u dalësh në ndihmë njerëzve në nevojë, gjëja që më përmbush më së shumti”, shprehet ajo për Llapi.info .

Rekaliu ka deklaruar për Llapi.info se e bën të ndjehet mirë ofrimi i shërbimeve për ata që kërkojnë ndihmë mjekësore.

“Kam filluar të punojë që prej muajit mars të këtij viti si infermiere në kuadër të shërbimit paliativ dhe jo vetëm si infermiere, jam edhe shofere e autoambulancës. Për të gjithë qytetarët të cilët e kanë të pamundur të arrijnë në Qendrën e Mjekësisë Familjare u del në ndihmë shërbimi paliativ, që nënkupton vizitë pacientit në shtëpi”, thotë ajo.

Më tej, Rekaliu ka shtuar se brenda një dite, siç ka deklaruar ajo, bën deri në 150 kilometra si vozitëse e autoambulancës.

“T’u dalësh në ndihmë njerëzve në nevojë është gjëja që më përmbush më së shumti. Dhe jo vetëm si infermiere. Unë kryej edhe punën e vozitëses së autoambulancës. Gjatë një orari punë bëj 120 deri në 150 kilometra rrugë, me një mesatare prej 20 pacientësh në ditë”, thotë Rekaliu.

No description available.

Rekaliu ka thënë se edhe pse puna e dyfishtë e bën atë më të angazhuar, angazhimi për të ofruar shërbime mjekësore sa vjen e shtohet.

“Qytetarët shprehen mjaft të kënaqur me këtë shërbim, i cili ofrohet falas. Për këtë shërbim, janë të angazhuara dy ekipe. Puna si infermiere dhe njëkohësish edhe si vozitëse e autoambulancës më bën më të angazhuar shumëfish, por jam e lumtur që kam këtë mundësi t’u dalë në ndihmë pacientëve”, thotë ajo, duke shtuar se nuk ballafaqohet me ankesa nga pacientë.

58 / 100
error: Content is protected !!