Më shumë se gjysma e serbëve mendojnë se Kosova duhet të sulmohet

loading...


52 për qind e serbëve të anketuar thonë se Serbia duhet të ndërhyjë ushtarakisht në Kosovë në rast të një konflikti të armatosur derisa 47 për qind thonë se janë të gatshëm t’i bashkohen personalisht një veprimi të tillë.

Në hulumtimin e realizuar nga Qendra e Beogradit për Politika të Sigurisë, del që 70 për qind e të anketuarve besojnë se në pesë vjetët e ardhshme në Ballkan s’ do të ketë më shpërthime të armatosura.

Për serbët gjëja më e rëndësishme sa i përket politikës së jashtme është ‘mbajtja’ e Kosovës si pjesë e Serbisë si dhe forcimi i bashkëpunimit me Rusinë.

Ndërkohë dy të tretat e të intervistuarve janë të bindur se paqja e qëndrueshme në mes të serbëve dhe shqiptarëve është e mundur ndërkohë gjysma e të anketuarve thonë se një gjë e tillë është e mundur të arrihet vetën në rastin e një zgjidhjeje paqësore për statusin e Kosovës, raporton Express.

Të pyetur Po qe se Serbia duhet të njoh pavarësinë e Kosovës, 80 për qind e të anketuarave u përgjigjën negativisht.

Sondazhi u krye midis shtatorit dhe tetorit në një mostër prej 1,200 qytetarësh.



Related posts