Mjekët shqiptarë rrëfejnë arsyet e largimit nga Shqipëria

E ftuar në studion e Ilva Now, në Euronews Albania, dr. Aurora Meta, nënkryetare e Federatës së Mjekëve Shqiptarë në Evropë, tha se “federata është themeluar në vitin 2019, por ka një histori 13 vjeçare”.
Ndërkohë, në një lidhje të drejtpërdrejtë foli dhe Dr. Kristo Papa, doktor shkencash në Londër. Teksa rrëfeu arsyet që e çua drejt largimit nga Shqiperia/">Shqipëria, ai u shpreh “sepse nuk më jepej mundësia që të gjeja një vend specializimi”.
I larguar që në moshën 6-vjeçare nga Shqiperia/">Shqipëria drejt Greqisë, ai kreu studimet në Itali ku dhe është specializuar në fushën e kardiokirurgjisë.
Ai tregon se nuk ishte e lehtë të pranohej si një mjek i huaj në Angli.
“Kishte rezistencë nga ana e pacientëve sepse më quanin si një mjek me cilësi të dobët, ashtu edhe nga ana e kolegëve që nuk ishin dakord që të specializonin dikë të cilin ata që në fillim nuk donin ta pranonin”.
Për sa i përket pagave mesatare ai tregon se asistenti i mjekut paguhet rreth “4500-5000 euro”, ndërsa një mjek specialist paguhet “rreth 6000 euro”, teksa pohon se Anglia është “ndër vendet më të mira për sa i përket punës si kirurg”.
Gjatë intervistës z. Papa tha se i mban lidhjet me kolegët e tij nga Shqiperia/">Shqipëria, të cilët për fat të keq kërkojnë vazhdimisht një farë ndërmjetësimi për të gjetur punë në spitalet e huaja.
Ndër të  tjera, znj. Ilva Tare i pyeti mjekët se cilat janë shkaqet kryesore të largimit të kolegëve të tyre nga Shqipëria.
Dr. Meta pohoi se arsyeja kryesore është “ana ekonomike”, por gjithashtu dhe “siguria në vendin e punës”.
Dr. Kristo Papa tha se kanë krijuar një shoqatë shqiptaro-britanike të mjekëve në të cilën janë 30-40 mjekë në shqiptarë në Britaninë e Madhe.
Ai foli dhe për Samitin e Diasporës, për të cilin nuk pati mundësi të ishte i pranishëm, por tha se do të kishte propozuar që “specialistë nga diaspora, bashkë me profesionistë të huaj të vijnë të japin ekspertizën e tyre, të formojmë brezin e ri edhe kjo do jetë një mundësi për të ndaluar këtë hemorragji në një far mënyre kaq të madhe”.
Sipas tij, janë rreth 800 mijë deri në 900 mijë mjekë që janë larguar nga Shqipëria.
Ai pohoi se ka menduar dhe kthimin në Shqipëri por se për këtë “duhet të krijohen kushte” duke përmendur kushtet higjienike dhe teknologjitë e duhura për ta kryer sa më mirë profesionin e tij.
Ndërsa znj. Meta tha se nuk do të kthehej në Shqipëri pasi kishte stabilizuar jetën profesionale në Gjermani. Ajo tregon se i përket brezit të parë të mjekëve që janë larguar dhe se tashmë ka arritur të hapë dy klinika në Gjermani dhe se ka “investuar shumë për tu larguar sërish”.
loading...