Mjeku “hero” që u dekorua nga Meta: Si u futa nën rrënoja për të shpëtuar Klajdi Qaton

loading...
Mjeku “hero” që u dekorua nga Meta: Si u futa nën rrënoja për të shpëtuar Klajdi Qaton

Mjeku Grei Malo, i cili u dekorua sot nga Presidenti i Republikës,
Ilir Meta rrëfen mes të tjerash momentin kur u fut mes rrënojave për t’i
dhënë ndihmën e parë Klajdi Qatos.

Mjeku shprehet se prej 6
vitesh është i angazhuar si vullnetar, ndërsa dekoratën e Presidentit e
vlerëson si moment të veçantë krenarie.

Pjesë nga biseda në studion e Abc News:

Ndihem shumë krenar
për aktet e kryera pas edukimit që më ka dhënë familja, profesorët,
stafi mjekësor ku unë marrë eksperiencë si dhe pacientët nga të cilët
kemi mësuar.

Mund t’ju kujtojmë teleshikuesve se ku ishe dhe si të erdhi thirrja e brendshme për të rendur, pa menduar se do ishe i pari?

Isha
në shtëpi, u zgjova nga tërmeti, u atashova Qendrës Vullnetare të
Emergjencave Civile e cila mori komandën. Kam gjashtë vite në këtë
qendër. Na njoftojnë nga drejtori i Zjarrfikësve të Tiranës, nisen 4
mjete nga Tirana dhe ambulancat, rreth orës 9 të mëngjesit për të ikur
në Durrës. Rreth orës 10.00 na jep direktiva për ët shkuar te Vila
Palma. Ishte ekipi që po nxirrte trupin e gjyshit të Klajdi Qqatos. Unë
vazhdoova të bashkëpunoj me forcat zjarrfikëse të Kavajës.

Në cilin moment futeni, futja fizike?

Forca
shqiptare konstatojnë një person të gjallë që është Klajdi Qato. Është
ora 10.30 deri në orën 18.00 pasdite kanë qenë forcat shqiptare ato që
kanë operuar dhe kanë hapur tunelin.

Ju kur keni hyrë?

Unë
futem, kur vijnë forcat greke, futen në tunel. Është ora diku 7.00 e
darkës. Roli im ishte dhënia e ndihmës së parë, shikimi i gjendjes ë
pacientit, rritja e temperaturës së trupit, dhënia e një kurajoje,
shprese, dhënia e ujit, ushqimit ofrimit të shërbimit mjekësor që të
ndalojmë rënien e temperaturës dhe një ndër kryesoret dhënia e një radio
mafrrëse që Klajdi fliste vazhdimisht me dy palët.

Si arritët t’ia rrisni temperaturën?

Duke
futur brenda kompresa me ujë të ngrohtë, dhamë disa kuverta si dhe një
izotermike. U përpoqëm të vejmë një rrugë venoze por ishte e pamundur
nuk jepte dot akses.

Roli juaj më pas?

Më pas vazhdova në
vilën Mira Mare, po nxirrnin trup të pajetë, në atë moment një familjar i
viktimës pësoi një gjendje të fikëti, më pas jam marrë me dhënien e
ndihmës së parë.

Ju vetë ku flinit?

48 orët e parë në kam fjetur 4 orë, jam dremitur më saktë.

Jeni
ftuar, keni dalë nga anonimati i një vullnetari, që nuk e bën këtë gjë
për famë. Të dalësh papritur nga ky anonimat , si e ke përjetuar famën?

Është kalimtare, është lajm i ditës, por nuk e përjetoj si famë.

Si e përjetuar kur u njoftuan nga Presidenca, kush ju njoftoi?

Me njoftoi këshilltari i tij, Shemsi Prenci. U ndjeva tepër krenar dhe i veçantë./abcnews

loading...

Leave a Reply

Your email address will not be published. Required fields are marked *