Mjeku shqiptar nga Kosova, shpëton nga vdekja fëmijën katërvjeçar gjerman


Stetoskopi

Mjeku shqiptar nga Kosova, Lekë Murturi, por që jeton dhe vepron në Gjermani, shpëtoi jetën e një fëmije katërvjeçar gjerman.

Ishte ditë vikendi dhe prindërit me fëmijë kishin shkuar në një pishinë të mbyllur në qytetin
Coburg. Aty sheh një turmë njerëzish të grumbulluar rreth një fëmije në gjendje komatoze.

“Kërkova
të largohen të tjerët, të hapin rrugë. Nisa ta reanimoj. Për një minutë
nuk ishte asnjë reagim, as puls, ishte gjysmë i vdekur. Pastaj nisi të
vjell. Vazhdova me reanimim dhe ai nisi të marrë frymë. U qetësova kur
filloi të qante”, thotë Murturi për Interaktiv të KTV-së transmeton Gazeta Shëndeti. “Gjithçka
ndodhi brenda pesë minutave. Fatmirësisht, fëmija nuk kishte dëmtime
neurologjike, sepse arriti me gishta të më tregonte sa vjeç është”.

Shih edhe:  Coronavirus UK: Could spread of Indian variant jeapordise plans to ease lockdown?

Familja
e Laurentinit është shumë falënderuese. Ajo ia ka dërguar mjekut
kosovar një kartolinë, ku ka treguar se gjendja e birit të saj është
shumë e mirë.

Janë afro 200 mjekë nga Kosova të suksesshëm kudo në
botë. Murturi jeton prej vitit 2004 në Perëndim. Ai kishte kryer
studimet në Austri, ndërsa specializimin në Gjermani.

“Ëndërr e
kam të vijë në Kosovë. Gjermania është punë e zorit. Kemi mjaftë mjekë
që punojnë anembanë botës, në pozita të mirë, por edhe që janë në
gjendje të vijnë në Kosovë. Por, Kosova duhet të ofrojë kushte. Nuk e
kam fjalë për para”, thotë ai.

Leave a Reply

Your email address will not be published. Required fields are marked *