Mon. Jun 27th, 2022
© Ndalohet kopjimi, riprodhimi dhe publikimi i informacionit pa cituar burimin e tij.
kanella123

Kanella është një nga erëzat më të përdorura nga njerëzimi jo vetëm në gatim por edhe në mjekësinë popullore. Nga pikëpamja e kësaj të fundit, kanella ofron përfitime shëndetësore për veshkat.

Ajo besohet të pakësojë rrezikun e gurëve në veshka dhe të problemeve të tjera të përgjithshme.

Si ndikon konsumi i kanellës në shëndetin e veshkave

kanellq

(Foto: EWA)

Ndikimi i kanellës në shëndetin e veshkave është pozitiv që kanella dhe substancat e saj përbërëse shënjestrojnë dy faktorë rreziku të sëmundjeve të veshkave siç janë: diabeti (sëmundja e sheqerit) dhe sëmundjet e zemrës.

Studimet kanë treguar se kanella ul shpërthimet e sheqerit në gjak, rrit ndjeshmërinë ndaj insulinës dhe përmirëson aspektet e metabolizmit që kanë lidhje me rezistencën ndaj insulinës. Ju mund të pyesni çfarë lidhje ka kjo me veshkat dhe përgjigjen e zbuloni duke lexuar më poshtë.

Niveli i lartë i glukozës në gjak dëmton enët e gjakut në veshka duke vështirësuar punën e saj. Nga ana tjetër, njerëzit e prekur nga diabeti (sëmundja e sheqerit) përballen edhe me tension të lartë të gjakut, i cili gjithashtu dëmton veshkat. Volumi i gjakut që qarkullon në veshka është shumë i lartë.

Me kalimin e kohës, nëse që tensioni i gjakut mbetet i lartë, enët e gjakut në veshka ngushtohen, dobësohen ose ngurtësohen.

Kësisoj veshkat përballen me një furnizim të cunguar të gjakut dhe s’ e bëjnë dot siç duhet punën e tyre. Disa studime thonë se falë konsumit eksperimental të 1-6 gramë kanellë për 40 ditë me radhë, ndjeshmëria ndaj insulinës ulet. E njëjta sasi kanelle ul nivelin e kolesterolit me 18 për qind dhe të sheqerit në gjak me 24 për qind.

Një gram kanellë pluhur është gjysmë luge çaji. Këtu mund të mësoni llojin më të shëndetshëm të kanellës për konsum. Pavarësisht këtyre të dhënave, ju duhet të konsultoheni gjithmonë me mjekun përpara ndryshimeve në medikamente dhe në ushqyerje, veçanërisht nëse keni probleme ekzistuese të shëndetit. /AgroWeb/TCH/Gazeta Shëndeti

You cannot copy content of this page