Organizuan dasma në restorantet e tyre, dënohen me nga 3 milionë lekë pronarët

loading...

Policia e Tiranës ka ndëshkuar me nga 3 milionë lekë gjobë pronarët e dy restoranteve, pasi u konstatuan duke ushtruar aktivitet në kundërshtim masat kundër pandemisë COVID-19.

Shërbimet e Komisariatit të Policisë Nr.1, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë konstatuar dy restorante në të cilët ushtrohej aktivitet, duke organizuar ceremoni martesore në kundërshtim me Aktin Normativ, duke mos respektuar protokollet e sigurisë.

Për subjektet në fjalë shërbimet e Policisë u kanë vendosur administratorëve S.Gj. dhe I.S., masë administrative prej 3.000.000 lekë secilit.

Policia e Tiranës apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.



loading...

Leave a Reply

Your email address will not be published. Required fields are marked *