Si ta kuptoni se gjatë natës ‘kërcisni dhëmbët’: Simptomat dhe trajtimet e bruksizmit!


Bruksizmi është shtrëngimi dhe kërcitja e pavullnetshme e dhëmbëve

Rreth gjysma e popullsisë e bën atë herë pas here. Ndërkohë, 5% e popullsisë janë “të rregullt” në kërcitjen e dhëmbëve.

Shpesh ndodh gjatë gjumit, por disa njerëz e bëjnë edhe kur janë zgjuar.

Zakonisht, një person s’ e kupton se çfarë po bën me dhëmbët e tij. Partneri me të cilin ndan shtratin dhe dëgjon zhurmat, shpesh është i pari që vë re problemin.

Prindërit gjithashtu mund ta dëgjojnë te fëmijët e tyre.

“Kërcitja” e dhëmbëve mund të jetë edhe rezultat i stresit. Për shembull, te disa njerëz ndodh kur janë të zemëruar, duke u përqendruar ose në ankth, shkruan Better Health.

Disa nga simptomat e bruksizmit përfshijnë:

∙ dhimbje koke, dhimbje të nofullës dhe/ose dhimbje veshi
∙ dhimbje e dhëmbëve, veçanërisht menjëherë pas zgjimit
∙ dhimbje dhe/ose ndjesi të ngjashme me mpirjen në pjesën e nofullës, menjëherë pas zgjimit
∙ dhimbje ose ngurtësi në nofullat gjatë përtypjes, veçanërisht gjatë mëngjesit
∙ shtrëngimi i nofullës kur jeni të zemëruar ose të shqetësuar
∙ dhëmbë të ndjeshëm ndaj temperaturës
∙ smalt i dhëmbëve i dëmtuar
∙ ind i ngritur në pjesën e brendshme të faqeve, shkaktuar nga kafshimi
∙ dhëmbë të lirshëm

Disa probleme nga bruksizmi mund të përfshijnë:

∙ dhëmbë të thyer ose mbushje dhëmbësh të prishura
∙ dhimbje nofulle
∙ muskuj të lënduar të nofullës
∙ tendosje në zonën e nofullës
∙ dhëmbët janë më të ndjeshëm ndaj gjërave të nxehta dhe të ftohta
∙ humbje dhëmbësh (e rrallë)
∙ zgjerimi i muskujve të nofullës (i rrallë)

tretmani për bruksizmin:

Nëse mendoni se edhe ju i kërcisni dhëmbët, flisni me dentistin tuaj ose një profesionist tjetër të shëndetit oral.

Ata mund të flasin për opsionet e mundshme të trajtimit që përfshijnë:

∙ riparimin e dëmtimit të dhëmbëve
∙ një “roje mbrojtëse” (pajisje) për gojën që mund të mbani natën, për mbrojtje
∙ terapi e menaxhimit të stresit
∙ teknikat e relaksimit
∙ terapi njohëse e sjelljes
∙ hipnoterapi
∙ higjiena e mirë e gjumit, gjumë i rregullt, etj
∙ ushtrime të rregullta

The post Si ta kuptoni se gjatë natës ‘kërcisni dhëmbët’: Simptomat dhe trajtimet e bruksizmit! appeared first on Telegrafi.

Related posts

Kujdes, analgjetikët mund të rrisin dhimbjen e kokës dhe migrenën apo hemicraninë


specialistët paralajmërojnë: Marrja e analgjetikëve më shumë se dy herë në javë për dhimbje koke dhe migrenë apo hemicrani shkakton dhimbje edhe më të forta dhe dhimbje të reja koke, posa ato zvogëlojnë tolerancën e trupit ndaj dhembjes

Marrja e shpeshtë e tabletave kundër dhembjeve për të ulur dhimbjen e kokës mund të krijojnë rrethin vicioz dhe të shkaktojnë dhimbje edhe më të madhe, pretendojnë hulumtuesit nga Instituti Kombëtar i Shëndetit Britanik.

specialistët kanë zbuluar që njerëzit me dhimbje koke, me tension dhe me migrenë apo hemicrani duke abuzuar me analgjetikë përkeqësojnë gjendjen e tyre dhe krijojnë sulme të reja, shkruan Daily Mail, përcjell Telegrafi.

Paralajmërimi, në rend të parë, ka të bëjë me përdorimin e barnave siç janë kodeina, paracetamoli, ibubrufeni dhe aspirina, të cilat mund të jenë shkaktari kryesor i përsëritjeve të dhembjes së kokës.

Për shkak të përdorimit afatgjatë të barnave, trupi bëhet rezistent ndaj tyre dhe pacienti kërkon analgjetikë më të fortë dhe pasi kalon efekti i ilaçit, shfaqen simptomat e “zbritjes nga ilaçi”, dmth. dhimbje koke të përsëritura.

– Kush merr disa herë në javë ilaçe kundër dhembjes së kokës zgjohet shpesh me dhimbje, posa kufiri i tolerancës ndaj dhembjes u bëhet më i ulët – thotë drejtuesja e studimit, dr. dr. Anne MacGregor, e cila shpjegon që analgjetikët assesi s’ bën të merren më shumë se dy deri në tri herë në javë. /Telegrafi/

The post Kujdes, analgjetikët mund të rrisin dhimbjen e kokës dhe migrenën apo hemicraninë appeared first on Telegrafi.

Related posts

Simptomat e disleksisë tek fëmijët dhe të rriturit, shkaktarët dhe tretmani i saj


Altina Marmullaku

Disleksia është një çrregullim i të mësuarit që prek si fëmijët ashtu edhe të rriturit dhe ndikon në aftësinë për të lexuar, shqiptuar, shkruar dhe folur.

Mirëpo disleksia shfaqet në forma të ndryshme tek fëmijët dhe tek të rriturit, ndërsa shkaktarët e saj kanë të bëjnë me çrregullim që ka bazë neurologjike.

Në një intervistë për portalin Familja jonë, logopedia Urtina Baftiu na informon për simptomat e para të disleksisë, trajtimit të saj, dallimit të disleksisë tek të rriturit dhe tek fëmijët.

Çfarë është disleksia?

  • Fjala “disleksi” vjen nga bashkimi i dy fjalëve greke “dys/lexis”, që “dys” do të thotë parregullsi, vështirësi, ndërsa “lexis” i referohet fjalës, duke shënuar kështu, vështirësi në lexim; me ngatërrimin e shkronjave, përceptimin e shtrembëruar të tyre dhe vështirësi për t’i lexuar. Zakonisht ndikon në njohjen e fjalëve, drejtshkrimin dhe aftësinë për të përputhur shkronjat me tinguj.

Çfarë e shkakton disleksinë?

  • Disleksia s’ është e lidhur me inteligjencën por është një çrregullim që ka bazë neurologjike. Në bazë të  statistikave rreth 60% deri në 70% mund  të jetë edhe e trashëguar apo gjenetike. Ka një probabilitet shumë të lartë që prindërit, të cilët kanë pasur vështirësi në të nxënë apo në proceset e të mësuarit e të lexuarit, të kenë fëmijë që shfaqin probleme me disleksinë.

Si t’i njohim simptomat e disleksisë tek fëmijët dhe tek të rritur?

  • Në baze të studimeve të vitëve të fundit shenjat e para të disleksisë mund të shfaqen që në vitet e para të jetës tek fëmijët që s’ i thonë fjalët e para deri në moshën 15 muajshe ose frazat e para deri në moshën 2 vjeç, ata fëmijë kanë një rrezik më të lartë për të zhvilluar disleksi. Sidoqoftë, jo të gjithë njerëzit me vonesa në të folur zhvillojnë disleksi.Një vonesë në të folur edhe vetëm një sugjerim që prindërit t’i kushtojnë vëmendje zhvillimit të gjuhës.

Disa nga shenjat tjera që duhet t’i kushtojmë vëmendje janë:

  • Të gjendurit e vështirësuar në vargje kohore dhe hapësinore
  • (majtas-djathtas; para-prapa; rradhitja e ditëve në javë ose muajve në vit)
  • Vështirësi të mbajë mend atë që ka (sapo) lexuar
  • Ngatërron vendndodhjen e numrave p.sh 59 e bën 95
  • Vështirësi të thotë fjali të gjata
  • Shkrimi i tij/saj lexohet më vështirësi (madje edhe nga vet ai/ajo)
  • Ngatërron tingujt të cilët janë të ngjashëm vizualisht b me d, p me q,
  • s’ mundet të mësoj tabelën e shumëzimit
  • Shtim apo leshim i shkronjave gjatë shkrimit psh:
  • (dita-drita apo lepuri- lepri) etj
  • Zëvendësim i rrokjeve në fjalë (televizor-letevizor)
  • probleme për të kujtuar detaje, si emra dhe data,
  • lexim i ngadaltë dhe me vështirësi.

Shkolla e mesme dhe Universiteti përfshijnë një seri të re sfidash për studentët me disleksi.

Pa trajtim, disleksia e fëmijërisë së disa njerëzve vazhdon edhe në moshën e pjekurisë. Të tjerët do të përmirësohen natyrshëm. Përveç shenjave që janë parë tashmë në fëmijëri, shenjat e disleksisë në moshën e rritur mund të përfshijnë:

  • vështirësi e madhe për të lexuar
    • lexim i ngadalët
    • rrallë lexojnë nga qejfi
    • shmangin leximin me zë të lartë në çdo situatë
    • gjuhë e paqartë dhe jo precioze
    • shqiptim i gabuar i emrave dhe vendëve
    • fjalor i kufizuar
    • mungojnë përgjigjjet e shpejta në biseda etj.

4. Si duhet të trajtohet disleksia?

Për fëmijët me probleme të mësuarit, sa më herët të veprohet, aq më lehtë trajtohet. Disleksia fillon dhe evidentohet që në momentin e parë kur fëmijët nisin arsimimin, kryesisht në klasë të parë, kur edhe përballen me shkronjat. Ka fëmijë që kalojnë në klasë të dytë apo edhe më lartë dhe një pjesë të shkronjave të alfabetit s’ i njohin, ose s’ i kuptojnë ndryshimet mes njëra-tjetrës. Kjo bën që këta fëmijë të kenë gjithmonë e më shumë rezultate të ulta në procesin arsimor, e për më tepër të evidentohen si fëmijë problematik ose shpesh herë edhe si dembela. Po qe se niveli i leximit tek fëmijët tuaj është nën pritshmëritë e mësuesit, atehërë duhet të kontaktohet pediatri, oftalmologu, logopedi apo neurologu.

Po qe se dyshoni se fëmiju juaj apo ju mund të keni disleksi të padiagnostifikuar, s’ është kurrë vonë për të kërkuar ndihmë.

Programet e arsimit për të rritur mund të ndihmojnë shumicën e njerëzve të përmirësojnë ndjeshëm aftësinë e tyre për të lexuar dhe shkruar në çdo moshë.

5. Çfarë duhet të bëjnë prindërit kur e kuptojnë qe fëmiju i tyre ka shenjat e para të disleksisë?

Disleksia është një çrregullim i vështirë për t’u diagnostikuar.Terapitë janë të shumëllojshme dhe afatgjate. Sot pothuajse të gjitha shkollat kanë psikologun e tyre, i cili në mënyrë rutine duhet të analizojnë problematikën e çdo fëmije për të kapur që në fillim problemet e ndryshme që mund të paraqesë çdo fëmijë.

Është shumë e rëndësishme mbështetja emocionale e fëmijës si në ambientet familjare, ashtu edhe shoqërore. Në përgjithësi këta fëmijë kërkojnë një trajtim të veçantë edhe në shkolla nga mësues profesionist në bashkëpunim me logopedin.

Këto janë problematika që zgjasin dhe që duan durim. E rëndësishme është që ato të kapën dhe të trajtohen në fillim dhe pa humbur kohë. andaj mos nguroni kurrë të bëni kontrollat rutinë të fëmijës tuaj tek mjeku specialist apo logopedi edhe kur mendoni se çdo gjë shkon mirë me fëmijën tuaj. /FamiljaJonë/

Related posts

“Më të kufizuar”, ja shenjat e horoskopit që s’ e durojnë dot kontaktin fizik


Virgjëresha

Edhe në intimitet, s’ i durojnë dot kontaktet fizike. Ata kanë një metodologji shumë personale për të shprehur afeskion. Situata ndryshon ndjeshëm në kontekste të tjera ku ndodh që ata të kufizohen në një shtrëngim duarsh.

Ujori

Për t’i besuar plotësisht Ujorit ju duhet kohë dhe personi i duhur, kjo është arsyeja pse ata vendosin në një mënyrë shumë të qetë kujt t’i kushtojnë vëmendjen e tyre. Pothuajse në të gjitha situatat e tjera ata formalisht pothuajse shqetësohen nga kontakti fizik, si dhe urrejnë ata që bisedojnë shumë pranë.

Akrepi

Një shenjë pasionante dhe “e zjarrtë” në intimitet mund të konsiderohet absolutisht e shkëputur në kontekste të tjera, zyrtarisht meqenëqë s’ i pëlqen të gjykohet dhe s’ dëshiron të tregojë veten shumë qartë, duke preferuar të veprojë si një “misterioze”. Ata janë shumë të kursyer në shfaqjen e prekjeve, dhe e bëjnë atë vetëm larg syve kureshtarë.

Binjakët

Ata sigurisht që preferojnë dialogun sesa kontaktin fizik, një situatë që tenton të jetë shumë e turpshme, duke i bërë përfaqësuesit e kësaj shenje të pasigurt. Situata ndryshon në mënyrë të konsiderueshme kur ata janë shumë të përfshirë, por në çdo rast është e rrallë të shohësh një Binjak që bën dedikime emocionale.

h.b/dita

Related posts

Ushqimet që ndikojnë në gjatësinë e fëmijëve


Ka shumë faktorë që ndikojnë në gjatësinë e një njeriu, duke filluar nga gjenet, aktiviteti fizik, mënyra e jetesës, ushqyerja etj.

Më poshtë do të gjeni disa nga ushqimet më të mira që ndihmojnë në zhvillimin dhe forcimin e kockave:

Vezët

Një tjetër burim i proteinave që duhet ta shtoni në dietën ushqimore është veza. Të bardhat e vezës përmbajnë 100% proteina që ndihmojnë në rritjen e kockave. Ato përmbajnë gjithashtu edhe vitaminën B12.

Mishi i pulës

Një tjetër ushqim që ndihmon në zgjatjen e trupit të fëmijëve është mishi i pulës. Albuminat e mishit të pulës ndikojnë ne rritjen dhe zhvillimin e muskujve dhe ndihmojnë për të mbajtur një peshë të shëndetshme të trupit.

Produktet e qumështit

Djathi, kosi, qumështi janë disa nga produktet kryesore që mund të kontribuojnë në zgjatjen e trupit. Këto produkte përmbajnë vitaminat A, B, D dhe E, që janë të të nevojshme për zhvillimin dhe forcimin e kockave.

Peshku

Mos harroni të shtoni peshkun në dietën ushqimore të fëmijëve, pasi është shumë e rëndësishme në rritjen e tyre. Peshqit si salmoni, sardelet dhe skumbri janë të pasura me vitaminën D që luan rol kyç në zhvillimin e kockave, Vitamina D ndihmon gjithashtu në absorbimin e kalciumit, që ndihmon në forcimin e kockave.

Bananja

Bananet përmbajnë sasi të lartë të magnezit, kalciumit, kaliumit dhe probiotikë, lëndë ushqyese këto shumë të nevojshme për trupin.

Related posts

Përse është i rëndësishëm zinku për ne?


Zinku është një mineral, që me fjalë të tjera do të thotë që trupit tonë i duhen sasi shumë të vogla zinku për të funksionuar si duhet

Sidoqoftë, këto sasi s’ duhet të neglizhohen në asnjë rrethanë! 

Kur flasim për sasi shumë të vogla, është e rëndësishme të dimë se mjafton edhe devijimi më i vogël në marrjen ditore për të ndjerë ndikimin negativ të mungesës së këtij minerali në trup – thotë nutricionistja Amanda Bontempo.

Gratë e shëndetshme të rritura kanë nevojë për 8 mg zink në ditë, gratë shtatzëna 11 mg dhe gratë që ushqejnë fëmijë me gji 12 mg.

Ndihmon në mirëmbajtjen e një sistemi të shëndetshëm imunitar

Në trupin tonë, zinku luan një rol mbrojtës në luftën kundër toksinave dhe substancave të tjera të dëmshme që marrim çdo ditë. Ai gjithashtu luan një rol kryesor në prodhimin e qelizave T që mbrojnë trupin kundër viruseve dhe qelizave kancerogjene. Me pak fjalë, mungesa e zinkut kërcënon imunitetin tuaj, gjë që e bën trupin tuaj më të ndjeshëm ndaj sëmundjeve.

Mban nivelet normale të sheqerit në gjak

Insulina është një hormon përgjegjës për ruajtjen e një niveli të ekuilibruar të sheqerit që do të thotë se është thelbësor për shëndetin. Zinku ndihmon në sintetizimin, ruajtjen dhe çlirimin e insulinës në pankreas. Kështu, mungesa e zinkut në trup do të ndikojë në nivelet e insulinës e cila në fund të fundit do të çojë në zakone të dobëta të ngrënies dhe ndryshime të papritura të niveleve të sheqerit në gjak.

Ndihmon trupin të shërohet

Brenda trupit tuaj, ekziston një bashkëpunim i vazhdueshëm midis zinkut dhe trombociteve – trombocitet e gjakut që ndihmojnë në mpiksjen e gjakut dhe kështu shëron plagët. Nëse vini re se gërvishtjet ose plagët në trupin tuaj kanë nevojë për më shumë se zakonisht për të shëruar, mungesa e zinkut mund të jetë një nga arsyet.

Stimulon funksionimin e duhur të sistemit të tretjes

Zinku punon me proteina në çdo organ dhe mbështet pothuajse 100 enzima të ndryshme në procese të ndryshme, njëra prej të cilave është tretja. Konkretisht, trupi s’ është në gjendje të tretet dhe shfrytëzojë plotësisht lëndët ushqyese pa ndihmën e zinkut. Simptoma të tilla si të përziera, të vjella ose diarre interpretohen nga shumë njerëz sot si intolerancë ndaj glutenit dhe është e mundur që ato thjesht të mos marrin mjaft ushqime të pasura me zink, të tilla si kos, djathë, spinaq ose ushqime deti.

Ju ndihmon të shijoni shijen e ushqimit

Zinku është i nevojshëm për funksionimin e sythave të shijes, kështu që Nëse s’ duket se jeni në gjendje të dalloni shijet dhe aromat si dikur, mund të jetë mungesa e zinkut në trup. Kjo simptomë është më e vështirë të dallohet, dhe një mënyrë është të përqendroheni në atë që po hani.

Lehtëson përqendrimin

Disa studime kanë treguar se ekziston një lidhje midis niveleve të zinkut në trup dhe aftësisë tuaj për t’u përqendruar në një punë për një kohë të gjatë. Shkencëtarët kanë vërejtur ndryshime në sjellje tek njerëzit me nivele të ndryshme të zinkut në trup. s’ dihet me siguri se cilët mekanizma janë përgjegjës për këtë, por lidhja është vërejtur qartë – vëren Botempo.

Stimulon punën e metabolizmit

Stimulon punën e metabolizmit Zinku ndihmon në tretjen e proteinave, karbohidrateve dhe yndyrave. Mungesa e këtij minerali mund të shfaqet me anë të mungesës së energjisë dhe ngadalësisë së përgjithshme. Gjithashtu, tek njerëzit që përpiqen të humbin peshë, mungesa e zinkut në trup do të ngadalësojë këtë proces.

Është e rëndësishme të mbani mend se mungesa e zinkut s’ rekomandohet të kompensohet nga shtesa të ndryshme dietike, përderisa mund të çojë në formimin e tepërt që mund të ketë pasoja negative për trupin. Përkundrazi, pasurojeni menynë tuaj me ushqime si bishtajore, arra dhe fara.

Related posts

Mimoza Sllamniku ka probleme me veshkat dhe kurimi i kushton 30 mijë euro – kërkon ndihmën e njerëzve vullnetmirë


Mimoza Sllamniku, 28-vjeçarja nënë e dy fëmijëve 2 dhe 4 vjeç ka nevojë për ndihmën e njerëzve vullnetmirë.

Ajo vuan nga dëmtimi i veshkave dhe si pasojë e kësaj tashmë është edhe në dializë.

Në pamundësi për të siguruar veshkën ne përshtatshme dhe koston prej rreth 30 mijë eurove për transplant, familja është e detyruar të kërkojë ndihmë nga njerëzit bamirës.

Familja iu është mirënjohës të gjithë atyre që ndihmojnë në ndonjë mënyrë.

Emri: Mimoza Sllamniku

Llogaria bankare NLB BANK Kosovo

Konto: 1701003412967136

Swift: NPPRXKPRXXX

Iban: XK05

Tel:+38343730472

Related posts

​Gjendet pa shenja jete një grua në Partesh


Një grua është gjetur pa shenja jetë në një veturë në Partesh.

Lajmin e ka konfirmuar Ismet Hashani, zëdhënës i Policisë së Kosovës për rajonin e Gjilanit.

Ai ka bërë të ditur se vdekjen e personit të gjinisë femër e ka konstatuar Ndihma e Parë, teksa rrethanat e rastit janë duke u hetuar.

“Ju njoftojmë se sot rreth orës 17:24 jemi njoftuar nga qendra emergjente 112 se në Partesh një veturë është ndalur mes udhës ku ndodhet një femër që dyshohet se është pa shenja jete. Ndihma parë ka shkuar në atë lokacion e cila ka konstatuar se personi është pa shenja jete. Rrethanat e vdekjes janë duke u hetuar”, ka thënë Hashani. 

Related posts

Shkaku i koronavirusit, mbi 4300 të vdekur brenda një dite në SHBA


Vdekjet nga coronavirusët në SHBA arritën një tjetër lartësi ditore në mbi 4,300 pacientë.

Numri i përgjithshëm i të vdekurve të amerikanëve nga COVID-19 ka tejkaluar shifrën prej 380 mijë, sipas Universitetit Johns Hopkins.

Kjo po bën që me shpejtësi numri i amerikanëve të vrarë në luftën e dytë botërore, përkatësisht rreth 407 mijë. Infeksionet e konfirmuara kanë kaluar 22,8 milionë, raporton theguardian.

Me vendin që njëkohësisht përballet me një krizë politike dhe në prag të kërcënimeve për më shumë dhunë nga ekstremistët e ekstremit të djathtë, SHBA regjistroi 4.327 vdekje të martën. Arizona dhe California kanë qenë ndër shtetet më të goditura.

Shifra ditore është subjekt i rishikimit, por vdekjet janë rritur ndjeshëm gjatë dy muajve të fundit dhe vendi është tani në fazën më vdekjeprurëse të shpërthimit, edhe pse vaksina po përhapet. Rastet e reja po zhvillohen mesatarisht me gati një të katërtën e një milioni në ditë.

Related posts

Personat mbipeshë janë më të lumtur


Njerëzit të cilët janë mbipeshë janë më të prirë të jenë më të lumtur, thotë një studim i fundit

Kilet e tepërta zakonisht janë të ndërlidhura me një sërë rreziqesh shëndetësore, duke përfshirë sëmundjet e zemrës, diabetin (sëmundjen e sheqerit) dhe sulmet e trurit.

Sidoqoftë, një studim i ri ka zbuluar se njerëzit të cilët klasifikohen si “të trashë”, mund të jenë duke bërë jetë më të lumtur.

Hulumtimi, i publikuar në ‘International Journal of Epidemiology’, është kryer nga një grup i shkencëtarëve të Universitetit të Bristolit.

Ata kanë analizuar të dhënat e 500.000 personave, dhe gjatë eksperimenteve të ndryshme kanë rënë në përfundim se ekziston një lidhje mes BMI-së (indeksit të masës trupore) dhe shëndetit të tyre.

Sipas tyre, përderisa është e vërtetë se personat mbipeshë janë më të rrezikuar nga sëmundjet e ndryshme, ata gjithashtu janë në përgjithësi më të lumtur.

Related posts

OBSh-ja: Viti i dytë i pandemisë mund të jetë “më i ashpër”


Viti i dytë i pandemisë së koronavirusit mund të jetë më i ashpër sesa i pari, marrë parasysh si po përhapet ky virus, sidomos në hemisferën veriore, përfshirë qarkullimin e varianteve të reja, ka thënë të mërkurën Organizata Botërore e Shëndetësisë.

“Viti i dytë i pandemisë mund të jetë edhe më i vështirë, teksa shohim dinamikën e përhapjes”, ka thënë Mike Ryan nga OBSH, gjatë një organizimi virtual në rrjetet shoqërore.

Në përditësimin e fundit epidemiologjik, OBSH-ja ka thënë se javën e kaluar është raportuar për gjatë pesë milionë raste të reja me koronavirus.

“Pas pushimeve, në disa shtete situata do të përkeqësohet përpara se të përmirësohet”, ka thënë Maria Van Kerkhove, po ashtu pjesë e OBSH-së.

Sipas të dhënave të Universitetit Johns Hopkins, autoritetet shëndetësore në gjithë botën kanë regjistruar mbi 90 milionë raste të infektimit me koronavirus, prej kur ka shpërthyer pandemia.

Prej tyre, 1.9 milion pacientë kanë humbur jetën.

Related posts

“BioNTech” krijon vaksinën kundër sklerozës së shumëfishtë


Kompania gjermane e bioteknologjisë “BioNTech” ka zhvilluar një vaksinë të mundshme për sklerozën e shumëfishtë, raporton Dailymail, transmeton Express

specialistët që qëndrojnë pas “BioNTech”, thonë se e  kanë zhvilluar një tjetër vaksinë e cila, siç ata pretendojnë, shëron sklerozën e shumëfishtë (MS) në minj.

Vaksina e re MS punon në një mënyrë të ngjashme me vaksinën e koronavirusit, të prodhuar së bashku me gjigantin farmaceutik Pfizer të SHBA-ve.

Një pjesë e materialit gjenetik e njohur si ARN futet në krahun e një personi dhe detyron qelizat e trupit për të prodhuar një proteinë që i jep imunitet.

Në rastin e vaksinës së koronavirusit, kjo proteinë imiton gozhdën e spikatur të virusit, duke filluar sistemin imunitar për të filluar prodhimin e antitrupave.

Me kusht që një person më vonë kontrakton koronavirusin, sistemi imunitar krijon me shpejtësi përsëri antitrupa dhe lufton infeksionin para se të mund të mbahet ose përhapet.

Në rastin e vaksinës MS, teknologjia mARN ndalon sistemin imunitar të trupit të sulmojë neuronet në tru dhe palcën kurrizore e cila parandalon humbjen eventuale të funksionit trupor.

Provat klinike mbi minjtë zbuluan se goditja kuroi gjendjen, ndaloi përparimin e sëmundjes dhe rivendosi disa aftësi motorike që kishin humbur tashmë.

specialistët shpresojnë se teknologjia mund të zhdukë më shumë sëmundje.

ARNi është material gjenetik i cili natyrshëm gjendet në trupin e njeriut. Përdoret nga qelizat njerëzore për të bartur mesazhe dhe për të dhënë udhëzime. Helika e dyfishtë e ADN-së është e ndarë në gjysmë, ekziston një zëvendësim molekular dhe më pas dërgohet nga bërthama dhe në citoplazmën qelizore për të transmetuar mesazhin.

Një pjesë tjetër e qelizës pastaj lexon sekuencën e saj gjenetike, mesazhin, dhe vazhdon të bëjë siç thuhet, që shpesh do të thotë të bësh një proteinë specifike.

Pas sigurimit të planit, molekula e ARNi shkatërrohet nga një pjesë tjetër e qelizës.

Kjo teknologji ka qenë në zhvillim për dekada, por vetëm tani ka arritur një pikën që është e vlefshme të përdoret si vaksinë.

“BioNTech” është kompania që qëndron prapa vaksinës “Pfizer“, e cila po përdoret në të tërë botën kundër COVID-19.

Related posts