Pamje nga vendi i dukurisë ku gjë grabitja e bankomatit në udhën B

loading...


Mëngjesin e sotëm disa persona të panjohur kanë grabitur një bankomat të një banke në udhën B, në Prishtinë.

Flora Ahmeti, zëdhënëse e Policisë së Kosovës, ka thënë se grabitja është realizuar rreth orës 05:30, duke dëmtuar bankomatin me një mjet shpërthyes (eksploziv).

KALLXO.com ka siguruar pamje kur Policia e Kosovës ka dalë në vendin e dukurisë ndërsa shihen edhe pamje të bankomatit të demoluar nga shpërthimi me eksploziv.

Ahmeti ka thënë se, personat e dyshuar duke ikur nga vendi i dukurisë kanë shtënë edhe me armë zjarri në drejtim të një rojës së objektit.

“s’ raportohet për persona të lënduar”, theksoi ajo.

“Menjëherë pas marrjes së këtij informacioni strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore. Derisa ekzaminimi po vazhdon në vendngjarje, hetuesit policor janë duke punuar në identifikimin dhe arrestimin e personave të dyshuar”, shtoi ajo.



Related posts