Pëllumb Pipero paralajmëron skenar të frikshëm nëse qytetarët dalin nga shtëpitë

Ka tri javë që Shqipëria është prekur nga virusi COVID-19 duke pasur një shtim progresiv të numrit të rasteve të reja dhe i viktimave. Sipas prof. Pëllumb Pipero, mjek infeksionist, situata është kritike: “Rastet e konfirmuara, të prekura nga virusi kanë arritur në 212, me 15 raste të reja në 24 orët e fundit. 75 përqind e tyre janë të shtruar në Spitalin Infektiv në Tranë, 15 përqind e të shtruarve janë në gjendje të rëndë, në luftë për jetën.

Numri i atyre që kanë humbur jetën për shkak të infeksionit është rritur në 10. Nëse rastet nuk gjurmohen sipas udhëzimeve të Organizatës Botërore të Shëndetësisë dhe qytetarët nuk zbatojnë rreptësisht masat kufizuese të qeverisë, këshillat e mjekëve, atëhere qetësia është e rreme, situata është shumë serioze” tha për DW, dr. Pipero, i cili bashkë me ekipin e tij është angazhuar në një punë heroike për të shpëtuar jetë.

Situatën që sa vjen dhe rëndohet e tregon zgjerimi i shtrirjes gjeografike të infektimit: e tetëfishuar deri tani, nga vetëm dy qytete të prekura në fillim të muajit në 17 aktualisht.

Në krye vijon të mbetet Tirana me 121 të prekur, e ndjekur nga Fieri me 22 raste, Korça dhe Durrësi me 12, Vlora, Elbasani, Shkodra, Lezha me 5, Lushnja, Kavaja me4, Tropoja, Hasi, Puka, Kruja me 3, Rrogozhina2 , Berati dhe Mirdita me 1 rast.

“Pas cdo rasti ka 10-15 kontakte, që duhen identifikuar, gjurmuar në terren dhe testuar. Kur rezultojnë të prekur duhen izoluar ose shtruar në spital për të ndërprerë zinxhirin e infektimit”, thotë për DW, infeksionisti Pipero.

Siqoqoftë krahas parashikimet për kohë edhe më të vështira nuk mungojnë të dhëna inkurajuese. ” Numri i pacientëve të shëruar ka një rritje të qëndrushme, deri tani janë gjithsej 40 të tillë”, thotë mjeku infeksionit.

Pas shpalljes se ” Katastrofës Natyrore” masa të reja kufizuese

Rritja progresive e rasteve të reja dhe parashikimet për kohë edhe më të vështira, bënë që disa ditë më parë, më ( 25.03) qeveria të shpallë gjendjen e “Katastrofës natyrore”. Ky vendim i detyron të gjithë qytetarët të mbyllen në shtëpitë e tyre, me një ndalim-qarkullimi prej 16 orësh në ditë.

Por masat e “Katastrofës Natyrore” nuk kanë mjaftuar. Duke filluar nga e hëna, (30.03) daljet nga izolimi në shtëpi do të lejohen vetëm një orë në ditë, vetëm për një anëtar të familjes për të marrë ushqime dhe ilaꞔe, me leje nga policia e shtetit, përmes një aplikacioni on-line. Kushdo që kapet në rrugë, nga policia apo ushtria, pa lejen on-line, gjobitet.

Kjo masë vjen pas karantinës 40 orëshe që fillon të shtunën në mesditë dhe mbaron të hënën në orën pesë të mengjesit. Për dy të diela rrjesht në rrugët e Tiranës nuk ka pasur lëvizje kalimtarësh.Të gjitha aktivitetet tregtare janë të mbyllura, përveç farmacive. Të shtunën deri në mesditë qytetarët vërshuan në tregje për t’u furnizuar me ushqime në prag të leje-daljes një orëshe.

Shqipëria dhe vlera euroiane e solidaritetit

Prekja nga pandemia COVID-19 e gjen Shqipërinë me kapacitete të munguara mjekësh dhe infermierësh si pasojë e emigrimit të tyre kryesisht në Gjermnai, por edhe në vende të tjera të BE-së. Sipas një studimi të Fondacionit Gjerman Friedrich Ebert në Tiranë, deri nëvitin 2018, në Gjermania ka 521 mjekë të punësuar nga Shqipëria.

Për të përballuar situatën e pandemisë dhe mungesën serioze të mjekëve, autoritetet e shëndetësisë u bënë thirrje mjekëve dhe infermierëve në pension, studentëve të mjekësisë të japin kontributin e tyre në përballimin e pandemisë COVID -19. Mbi 2000 vetë iu pëgjigjën thirrjes dhe janë duke shërbyer në spitalin infektiv, në urgjenca dhe duke u ardhur në ndihmë me telefonata të izoluarve që janë pozitivë.

Ndërkohë këtë fundjavë një ekip prej 30 mjekësh dhe infermierësh nga Shqipëra nisën punën në spitalet e Bergamos, qytetit më të prekur nga virusi Corona në nivel global, me rreth 9 mijë të vdekur.

Qeveria e Tiranës mori vendimin për t’i nisur dhe paguar nga buxheti i shtetit për një muaj qëndrim atje, me një shumë prej 11 milionë lekë (€ 90.164 ) për gjithë ekipin.

Ata u pritën në Romë nga Ministri i Jashtëm Italian, Luigi di Maio, i cili e vlerësoi gjestin e qeverisë së Tiranës si një “solidaritet të dëshmuar nga Shqipëria, një vlerë e përbashkët mbi të cilën ka lindur BE dhe që po ua kujton shumë vendeve të BE-së në këto momente”.

Shqipëria e varfër, me pasuri mirënjohjen

Që solidariteti është i nevojshëm në këtë kohë të vështirë për të gjithë vendet e prekura e solli në vëmendje edhe kryeministri shqiptar Edi Rama kur tha të shtunën (28.03), se ” vende shumë të pasura u kanë kthyer kurrizin të tjerëve, por mbase pikërisht ngaqë nuk jemi shumë të pasur dhe nuk na ka lënë kujtesa akoma, ne nuk mund t’ia lejojmë vetes të mos i tregojmë Italisë se shqiptarët dhe Shqipëria nuk e braktisin kurrë mikun në vështirësi.

Vendi fqinj i është ndodhur pranë Shqipërisë në situata tejet të vështira: pas rrëzimit të regjimit komunist, kur qindra mijra shqiptarë, jeta e të cilëve ishte në rrezik nga uria, emigruan në Itali, ajo u dha strehë, punë dhe mundësi për të ndërtuar atje jetën e tyre. Sot në Itali jetojnë 400 mijë shqiptarë, që janë integruar plotësisht në jetën e vendit fqinj.

Në trazirat e vitit 1997, kur vendi shkoi në prag të luftës civile, Italia drejtoi operacionin shumëkombësh “Alba”, që bëri të mundur kapërcimin e krizës.

Italia iu ndodh pranë Shqipërisë pas tërmetit katastrofik të 26 nëtorit 2019 duke dhuruar 65 milionë euro për rindërtimin. Sado modest kontributi i Shqipërisë është një gjest për të treguar mirënjohjen: e vogël, e varfër por me pasuri mirënjohjen.

Original Article

Related posts:

Personeli shëndetësor çdo ditë e më shumë po zvogëlohet
Kurba e COVID-19 në Shqipëri/ Rama: Sa më fort të rezistojmë sot, aq më e butë do jetë ngjitja
Çfarë është koronavirusi?
Pse fëmijët duket se mbrohen më mirë nga Covid-19 sesa të rriturit?
Në këtë shtet ofrohen pushime falas për mjekët dhe infermierët e angazhuar në luftë me Covid-19
Zgjerohet harta Drenasi shënon rastin e parë me COVID19
Studimi i fundit: Burrat me nivel të ulët të testosteronit janë më të rrezikuar nga Covid-19!
Urdhri Farmacistëve Të Shqipërisë: Farmacitë të hapura gjatë fashës orare të lejuar
Udhëzuesi i OBSH: Si të ushqeheni gjatë karantinës, nga cilat ushqime duhet hequr dorë?
Spanjë, 812 të vdekur dhe 7 600 të prekur nga koronavirusi brenda 24 orëve
Në SHBA testet për Covid-19 do të lejohen të bëhen edhe në shtëpi
Fenomeni në Bosnjë: Mjekët po kërkojnë pushim mjekësor
Vaksina e turbekulozit ka rritur imunitetin e shqiptarëve ndaj Covid-19
Kina gënjeu për COVID-19, publikohet dokumenti sekret me shkeljet e bëra
Studimi i Klorokinës në dozë të lartë ndërpritet për shkak të efekteve toksike
Rama flet për përshkallëzimin e masave: Dy javët e para të prillit do mund të na thonë se sa mirë ka...
Përballja me stresin gjatë COVID-19
20 raste të reja me coronavirus
Lajm i mirë/ 4 të shëruar nga koronavirusi në 24 orët e fundit, shkon në 44 numri total
Fituesi i çmimit Nobel në mjekësi: Virusi doli në Kinë, nga laboratori ku po punonin për vaksinën e ...
Ja si lindi Karantina!
Mbajtja e frymës për 10 sekonda, OBSH hedh poshtë mitin për koronavirusin
Dr. Lul Raka i reagon Memli Krasniqit dhe Imer Mushkolajt: Faleminderit! E zbuluat ujin e ngrohtë
Sa janë të rrezikuara gratë shtatzëna nga Covid-19?
Dr.Visar Berisha: Në Malishevë s'ka pasë karantinë por kultivim të virusit, me gjasë
Historia e saj bëri xhiron e rrjetit, rrëfehet infermiere Valbona: Asnjëherë nuk dorëzohem
Rritet sërish numri i viktimave në Itali nga koronavirusi
Studim: Njerëzit që u infektuan me koronavirus dhe u shëndetësuan do të vdesin 10 vjet më herët
Nobelisti japonez: Koronavirusi u krijua në laborator, kam punuar 4 vjet në Wuhan, punëtorët aty kan...

Leave a Reply

Your email address will not be published. Required fields are marked *

Next Post

Lajm i mirë/ 4 të shëruar nga koronavirusi në 24 orët e fundit, shkon në 44 numri total

Mon Mar 30 , 2020
Ka shkuar në 44 numri i personave që tashmë janë shëruar nga koronavirusi. Lajmi i mirë është konfirmuar në njoftimin e sotëm të Ministrisë së Shëndetësisë rreth situatës së koronavirusit në vend. “Kemi 4 të shëruar në 24 orët e fundit dhe deri tani kemi 44 të shëruar pas testeve […]