Pezullohen linjat ajrore me Britaninë e Madhe

loading...


Janë pezulluar linjat ajrore Kosovë – Britani e Madhe dhe anasjelltas, për shkak të gjendjes së krijuar me variantin e koronavirusit të ri në Britaninë e Madhe.

Këtë e bëri të ditur vetë Ministria e Shëndetësisë, duke e konsideruar këtë vendim si masë për parandalimin e përhapjes së mëtejme të COVID-19.

atëherë personat që futen në Kosovë nga Britania e Madhe në forma të tjera (me vetura), janë të detyruar të vetizolohen 14 ditë.

Vendimi ka hyrë në fuqi që nga sot.

Ja postimi i plotë:

Pezullohen linjat ajrore me Britaninë e Madhe

Prishtinë, 23 dhjetor 2020

Bazuar në kompetencat e ti lidhur me masat anti-covid, Ministri i Shëndetësisë Armend Zemaj ka nxjerrë sot vendim për masa të veçanta për mbrojtje nga përhapja e infeksionit/sëmundja Covid-19 për pezullimin e të gjitha linjave ajrore të fluturimit në Aeroportin ndërkombëtar “Adem Jashari” nga Britania e Madhe për në Republikën e Kosovës dhe anasjelltas.

Të gjithë qytetarët që vijnë nga Britania e Madhe në pikat tokësore obligohen të vetë-izolohen për 14 ditë në shtëpitë/banesat e tyre.

Vendimi udhëzon Ministrinë e Infrastrukturës dhe Ministrinë e Punëve të Brendshme të marrin vendimet dhe veprimet e nevojshme në përputhje më fushat e përgjegjësitë administrative të tyre me qëllim të zbatimit të këtij vendimi.

Për të gjithë personat fizik dhe juridikë që s’ respektojnë këto masa, organet kompetente obligohen të shqiptojnë masat ndëshkimore konform Ligjit Nr. 07/L-006 për parandalimin dhe Luftimin e Pandemisë Covid-19 në territorin e Republikës së Kosovës.

Vendimi është në fuqi që nga sot.

Related posts

Leave a Reply

Your email address will not be published. Required fields are marked *