Të dhënat e autoriteteve shqiptare për vitet e fundit tregojnë një rritje të ndjeshme të prevalencës së hipertensionit në vendin tonë.

Analizat e kryera tek 122,000 persona në vitit 2019 treguan se 46 përqind e tyre vuajnë nga hipertensioni.

Vdekshmëria prej hipertensionit është po ashtu e lartë ndërkohë që ky problem prek të dyja gjinitë.

Matja e Tensionit Të Gjakut Dhe Vlerat Normale

Sipas Institutit të Shëndetit Publik, trysnia e lartë e gjakut njihet si një vrasës i heshtur dhe shpesh simptomat shfaqen kur organet vitale si zemra apo veshkat janë dëmtuar prej tij.

ISHP sqaron se tensioni normal dhe i shëndetshëm i gjakut nevojitet të jetë më poshtë se 120/80mmHg.

Po qe se tensioni i gjakut është mbi 120/80 mmHg, por më pak se 140/90 mmHg,  atëherë njeriu rrezikohet nga hipertensioni. prandaj  në këtë pikë duhen marrë  hapa të menjëhershëm për të përmirësuar stilin e jetës.

Po qe se tensioni i gjakut është rreth apo mbi 140/90 mmHg, ju nevojitet të konsultoheni me një mjek për të parandaluar infarktin e zemrës dhe goditjen në tru

Ushqyerja Dhe Hipertensioni

trajtimi i këtij problemi me anë të ndryshimeve në stilin e jetës kërkon edhe një qasje më të kujdesshme në ushqyerje.

Në larminë e ushqimeve të përditshme ka syresh që e rrisin tensionin e të tjerë që e ulin atë.

Ushqimet e yndyrshme kanë një rol rritës të tensionit të gjakut.

Këtu mund të përmendim qumështin, i cili kur është me yndyrë të plotë, s’ është i përshtatshëm për njerëzit që vuajnë nga tensioni i gjakut.

specialistët porosisin konsumin e qumështit pa yndyrë meqë kjo e fundit, veçanërisht kur është e përpunuar rrit jo vetëm rrezikun e mbipeshës por edhe të hipertensionit.

Pesha e tepërt për një pacient që vuan nga hipertensioni është e rrezikshme dhe mund të përkeqësojë situatën.

specialistët thonë se të rriturit nevojitet të konsumojnë 3 filxhanë çaji produkte bulmeti dhe të zgjedhin gjithmonë variantet pa yndyrë.

Po qe se ju pini qumësht për të marrë kalçium, specialistët porosisin që ta merrni atë edhe nga ushqime të tjera të pasura me kalçium por pa yndyrë.

Këtu mund të mësoni për listën e ushqimeve më të pasura me këtë mineral.

Sipas ISHP-së tensioni i gjakut është lehtësisht i matshëm jo vetëm në shtëpi por edhe në klinika mjekësore, qendra shëndetësore apo farmaci.

AgroWeb.org ju këshillon që të bëni matjen e tensionit dhe të pulsit tre herë në ditë ku secila matje nevojitet bërë minimalisht 2 minuta pas të parës. /AgroWeb.org