RRGK-ja i kërkon Hotit shkarkimin e Selmanajt, s’ ngurojnë ta krahasojnë me Jabllanoviqin

loading...


Rrjeti i Grave të Kosovës i ka dërguar letër kryeministrit që ta shkarkojë nga detyra zëvendëskryeministrin Driton Selmanaj, shkruan Gazeta Blic.

Sipas tyre, kërkesa për shkarkimin e Selmanajt ka ardhur pasi ky i fundit, në disa publike, është shprehur “i lodhur” nga diskutimi për çështjen e të pagjeturve.

me anë të të njejtës letër, RRGK-ja ka thekuar se edhe në vitin 2015 ministri i Qeverisë Lokale të atëhershme, Jabllanoviq, kishte ofenduar familjet e të pagjeturve, por që ishte shkarkuar.

“Në vitin 2015 Jabllanoviqi, atëherë Ministër i Qeverisjes Lokale, si përfaqësues i qeverisë ofendoi familjet e të pagjeturve. i Kosovës u ngrit dhe kërkoi shkarkimin e tij. Pas kësaj kryeministri i atëhershëm, Mustafa, e shkarkoi atë. Kjo është hera e dytë që një ofendim i tillë vjen nga dhe rezultati tani s’ do të duhej të ishte ndryshe”, thuhet në këtë letër.

Letra e plotë:

I nderuar kryeministër ,
Çështja e personave të pagjetur është çështje e të drejtave të njeriut. Për më tepër, ashtu siç kanë treguar hulumtimet, duke përfshirë këtu edhe hulumtimin e ardhshëm të Rrjetit të Grave të Kosovës (RRGK) “Ku është vendi im në tryezë?”, çështja e të pagjeturve është ndër çështjet më të rëndësishme që qytetarët e Kosovës duan të adresohet nga qeveria, drejt arritjes së paqes së qëndrueshme në dhe rajon. andaj, kjo është një çështje e rëndësishme për RRGK-në dhe anëtaret e saj.

Që nga përfundimi i luftës populli i Kosovës dhe veçanërisht familjet e të pagjeturve vazhdimisht kanë kërkuar që të adresohet çështja e të pagjeturve, nga , si dhe nga aktorët ndërkombëtarë që ndërmjetësojnë proceset paqeruajtëse. Pa adresuar këtë çështje kyçe, s’ mund të ketë paqe të vërtetë për qindra familje që s’ i kanë gjetur më të dashurit e tyre.

Familjet e të pagjeturve s’ u ndalën kurrë. Që nga përfundimi i luftës ata vazhdimisht kanë protestuar, demonstruar dhe kanë ngritur zërin, duke kërkuar përgjigje nga Qeveria. Ne kemi qëndruar me ta, duke dëgjuar rrëfimet dhe thirrjet e tyre për të vërtetën.

Qeveria e Kosovës kurrë s’ i dha prioritetin e merituar kësaj çështjeje. Përkundrazi, për dy dekada, kemi dëgjuar një kaskadë premtimesh boshe që mbajnë pak të vërteta.

Madje, në vitin 2009, “Thirrjet e Nënave” – organizatë kjo që përfaqëson nënat e Gjakovës që akoma s’ i kanë gjetur më të dashurit e tyre, të lodhura nga premtimet e zbrazëta të Qeverisë, nisën grevën e urisë. Ato kërkonin të vërtetën. Edhe pse Qeveria premtoi, kjo çështje s’ u zgjidh as atëherë.

Në mesin e udhëheqësve tanë politikë, ka shërbyer si një nga zërat më të fortë që kemi pasur, duke qenë vetë e mbijetuar e mizorive çnjerëzore. Që nga momenti kur u zgjodh deputete në Kuvendin e Kosovës, ajo ka përfaqësuar interesat e qytetarëve të Kosovës duke ngritur çështjen e rëndësishme të të pagjeturve. Ajo ka përmbushur detyrën e saj si deputete, për të përfaqësuar interesat tona dhe për të adresuar këtë shkelje serioze të të drejtave të njeriut.

Për dallim prej saj, në anën tjetër, kemi një zyrtar qeveritar, zëvendëskryeministrin Driton Selmanaj, i cili jo vetëm që s’ i përfaqëson plotësisht interesat e qytetarëve të Kosovës, por madje po fyen drejtpërdrejt ata dhe përfaqësuesit e tyre si Saranda Bogujevcin, e cila ka përfaqësuar zërat tanë. Si zëvendëskryeministër, deklaratat e tij s’ përfaqësojnë thjesht atë si individ, por ato përfaqësojnë Qeverinë e Kosovës. Kështu, me anë të tij, qeveria po ofendon qytetarët e saj.

Në vitin 2015, Jabllanoviq, atëherë Ministër i Qeverisjes Lokale, si përfaqësues i qeverisë ofendoi familjet e të pagjeturve. i Kosovës u ngrit dhe kërkoi shkarkimin e tij. Pas kësaj, kryeministri i atëhershëm, Mustafa, e shkarkoi atë. Kjo është hera e dytë që një ofendim i tillë vjen nga qeveria, dhe rezultati tani s’ do të duhej të ishte ndryshe.

andaj, ne u bashkëngjitkemi mijëra qytetarëve, duke përfshirë ata që tashmë kanë nënshkruar peticionin , në thirrjen për shkarkimin e menjëhershëm të Selmanajt. Kjo është e drejtë e popullit: të kërkojë përgjegjësi nga udhëheqësit tanë politikë për të përfaqësuar interesat tona.

Duke qenë se grumbullimet e njerëzve dhe protestat masive s’ janë të lejuara me për luftimin e pandemisë , unë personalisht kam marrë vendim që të qëndroj para qeverisë për një orë, çdo ditë pune, duke filluar nga sot në ora 12:00, derisa Selmanaj të shkarkohet. Pas shumë viteve mbështetje për zërat e të pagjeturve, s’ do të isha besnike ndaj vetes dhe bindjeve të mia si aktiviste për të drejtat e njeriut, Po qe se do të rrija duarkryq dhe të shikoja në heshtje teksa qytetarët ofendohen mu nga njerëzit që janë zgjedhur për të përfaqësuar dhe mbrojtur interesat tona. Unë do të qëndroj në heshtje, në solidaritet me familjet e personave të pagjetur, si dhe me shumë qytetarë të Kosovës që mbështesin thirrjet e tyre për të vërtetën dhe për veprim nga qeveria jonë.



Postime të ngjashme