Sat. Jun 25th, 2022
© Ndalohet kopjimi, riprodhimi dhe publikimi i informacionit pa cituar burimin e tij.
Depresioni

Një sulm mendor është një energji negative e drejtuar ndaj një personi me një qëllim të vetëdijshëm ose të pavetëdijshëm për të shkaktuar dëm. Dëmtimi mund të ndikojë në gjendjen mendore, emocionale, fizike ose shpirtërore të një individi.

Një individ mund të rrezatojë energji negative me vetëdije ose pa vetëdije. Për shembull, dikush është xheloz dhe ka mendime negative për personin tjetër, dhe kjo mund të përshkallëzohet në zemërim, inat dhe hakmarrje.

Pas këtij emocioni s’mund të ketë një qëllim të vërtetë për të dëmtuar personin tjetër, por energjia negative shkaktohet lehtësisht.

Shumica e njerëzve s’ janë as të vetëdijshëm se sa të fuqishme mund të jenë mendimet tona, dhe forca kryesore lëvizëse e energjisë së keqe është frika. Ne mund të heqim qafe energjitë negative duke ndaluar frikën, shkruan KP.

Psikologët shpesh thonë nëse s’mund të ndryshosh diçka, prano se është ashtu. Kështu është me frikën. Ju duhet të mendoni se s’ është e lehtë të pranosh frikën. Por mënyra më e lehtë është të kuptosh se çfarë tregon vërtet frika?

Trurit tonë i pëlqejnë shumë lojërat me pyetje dhe përgjigje, andaj bëjini një nder dhe pyeteni: “Frika, çfarë dëshiron vërtet të më thuash?”. Ndonjëherë frika ju paralajmëron se diçka që s’dëshironi mund të ndodhë. Ndonjëherë ju tregon se jeni larguar nga ajo që dëshironi në të vërtetë, dhe nganjëherë ju tregon se s’mund të kontrolloni diçka.

Kur dikush është në gjendje zemërimi, rezistence, inati ose frike për një kohë të gjatë, kjo e bën atë një shënjestër të lehtë për të tërhequr energji negative. Është normale që të gjithë ne të ndiejmë frikë herë pas here, por duhet pasur kujdes që të mos e kthejmë atë në një gjendje kronike./Gazeta Shëndeti

Leave a Reply

You cannot copy content of this page