Shqipton Rexhaj, këngë në gjuhën gjermane, me motive (edhe) shqiptare

loading...


Kënga “intro of my life” është një biografi e autorit. “Këtu kam përfshirë në mënyrë retrospektive kohën nga vitit 1986 kur me familjen kemi ardhur në Zvicër”

E Martë, 24 Nëntor 2020 – 18:40
albinfo.ch

Shqipton Rexhaj ose siç njihet me emrin e tij artistik Rexeye, pas një pauze të gjatë, paraqitet sërish me këngët e tij para publikut. Të kujtojmë: Shqiptoni, për herë të fundit ishte prezantuar në vitin, tashmë të largët, 2013. Atëbotë ai kishte konkurruar për të përfaqësuar Zvicrën në Eurovision…

Sivjet Rexeye ka publikuar tri këngë me videoklipe. Bëhet fjalë për këngët: “Sleepless Night”, “Peter Pan” dhe “Intro of my life”. “ndërsa këto do të jenë pjesë e një albumi të ri që do ta editoj në vitin e ardhshëm, 20212, thotë Rexhaj për albinfo.ch.

Këto dhe këngët tjera të këngëtarit 38 vjeçar i takojnë zhanrit të muzikës pop, me elemente të rapit. Rexhaj është pothuaj autor komplet i këngëve dhe klipeve. Që nga teksti e muzika e deri te videoxhirimi i klipeve, produksioni etj., janë vepër e tij. Në këngët “Sleepless Night” atij i është bashkuar edhe solistja Vanessa Schibli.

Kënga “intro of my life” është një lloj biografie e autorit. “Këtu kam përfshirë në mënyrë retrospektive kohën nga vitit 1986 kur me familjen kemi ardhur dhe jemi vendosur në Zvicër, si azilkërkues. Këtu i kam bërë vend edhe kujtimeve për vendlindjen, përkatësisht për gjyshin, i cili më tregonte shumë rrëfime dhe punonte lodra nga druri”, rrëfen ai për albinfo.ch.

ndërsa kënga “Sleepless Night” bën fjalë për luftën kundër demonëve tu. Këtu ka skena ëndrrash në pyll, me njerëz të lidhur nga demonët, kombinuar me kërkimin për të gjetur lumturinë e jetës…”, thotë Rexhaj.

Shqipton Rexhaj është mjeshtër i rrëfimit dhe në përgjithësi, i të shkruarit, në gjuhën gjermane, andaj tekstet e këngëve të tij kanë një poetikë të veçantë. Por, për talentin e tij poetik dhe për letërsinë e krijuar nga ai, njëherë tjetër.

Rexhaj është i kënaqur Po qe se projekti i tij do të emetohet edhe në radio ndërsa deri më tani ka pasur prezantime të shumta në platforma të ndryshme në internet. Për këngët dhe videoklipet e tij kanë shkruar tashmë disa media të Zvicrës lindore. Ai shpreson se këngët e tij do të gjejnë dëgjues edhe në mesin e shqiptarëve, në Zvicër e gjetiu. Kjo, edhe për faktin se, siç u përmend tashmë, së paku në njërën nga këngët e tij, (“intro of my life”) mund ta gjejnë veten edhe shumica e tyre.

Tri këngët dhe videoklipet përkatëse mund t`i dëgjoni e shijoni nën linçet në vijim.

 

 

https://www.youtube.com/watch?v=5lFcYmQL-Ts&fbclid=IwAR0tFR2vzz9vu4E1S-igx1lQvQl5L7w3dlQkiwxZ8EDphKnijv4NkzXVP7o&app=desktop

 

 



Related posts