Situata me COVID-19 në Gjilan është me qetë


Komiteti për menaxhimin dhe parandalimin e përhapjes së COVID-19 në Gjilan, ka mbajtur sot takimin e radhës të udhëhequr nga nënkryetari, Arbër Ismajli, për vlerësimin e situatës për dy ditët e fundit.

Në konferencën për media, nënkryetari Ismajli ka thënë se situata me COVID-19 në dhjetëditëshin e fundit është më e qetë.

“Kanë filluar dukshëm të ulen shifrat. Nga mbi 700 raste aktive para pak javësh, numri bie në 243, në ato e sipër nga afro 75 vizita shtëpiake nga ekipet e shëndetësisë primare, numri është ul në 30”, ka thënë Ismajli.

Ai bëri të ditur se deri tani janë vaksinuar 1377 qytetarë, aq sa ka qenë numri i dozave për këtë komunë, në fazën e parë, ku janë vaksinuar personeli shëndetësorë dhe grupmoshat 85, 80 dhe 75 vjeç.

Shih edhe:  Vetëm po të qëndroni një kohë të gjatë ulur në punë, bëni këtë ushtrim të magjishëm për eshtra dhe muskuj

Ndryshe, pasqyra e përgjithshme në Gjilan që prej fillimit të pandemisë është si vijon: nga 20274 mostra, 6274 kanë rezultuar pozitivë, 5892 janë shëruar, 139 qytetarë e kanë humbur betejën me virusin, 243 raste janë aktive, të hospitalizuar me COVID janë 43 dhe 123 mostra në pritje për rezultat.

Leave a Reply

Your email address will not be published. Required fields are marked *