Skip to toolbar

Superliga pritet të nisë në këtë vikend thotë Eroll Salihu


loading...

Superliga e Kosovës dhe Liga e Parë, ishin paraparë që të fillonin më 12 shtator, por është shtyrë së paku për një javë.

Sezoni 2020/2021, pritet të nisë më 19 shtator ditë e shtunë, në Superligë, Ligën e Parë dhe ligat tjera.

Sekretari i Përgjithshëm i Federatës së Futbollit, Eroll Salihu, në një bisedë për KALLXO.com, ka treguar se gjatë ditës së nesërme do të ketë një takim mes FFK-së, dhe institucioneve përgjegjëse të shtetit për ta diskutuar fillimin e sezonit.

Salihu ka thënë se ka sinjale pozitive se në këtë vikend të nisë futbolli në të gjitha ligat e futbollit në Kosovë për sezonin 2020/2021.

“Sipas fjalëve që i kemi pasur kemi menduar që sot, por e kem lanë për nesër. Nesër përgjigja është pozitive sipas indiceve, por vendimi duhet me u marrë nesër. Nesër merret vendimi që me nisë të gjitha ligat, por del edhe një manual se çka duhet me iu përmbajt cilave rregullave”, ka treguar Eroll Salihu për KALLXO.com.



loading...