ngjarja që tronditi Zvicrën -Shqiptari i pret kokën gjyshes dhe e fut në çantë, kërkohet dëbimi i tij


Një ndodhi e rëndë trondit, Zvicrën në vitin 2018 ku një shqiptar nga Maqedonia e Veriut vrau gjyshen e tij dhe më pas i preu kokën me thikë.

Sipas mediave zviceriane, Fatmir T., është arrestuar në aeroportin e “Zurich”, pasi autoritetet i kanë gjetur në një çantë kokën e një gruaje të mbështjellë me peshqir mëndafshi brenda një qese plastike, që rezultoi të ishte gjyshja e tij, Miradije T., 74-vjeçe.

Krimi horror gjë , në banesën e familjes së tij në Frauenfeld të Zvicrës, ku pasi kishte mbytur gjyshen i riu kishte marrë një thikë për ti prerë më pas kokën.

Fatmir T. duhet të përgjigjet për vrasje të qëllimshme dhe vepra të tjera ndërsa ndodhet përpara gjykatës së rrethit në Frauenfeld, nga ana tjetër sipas raportit mjeko-psikiatrik, 21-vjeçari e ka kryer krimin e rëndë, pasi vuan nga një sëmundje.

Zyra e prokurorit publik të Thurgau në Zvicër kërkon që të urdhërohet një masë spitalore dhe i riu të dëbohet nga vendi për 15 vite.

Sipas mediave të huaja, nipi s’ kishte dyshime për atë që bëri, pasi u la, u parfumos dhe më pas la një letër përgjegjësie në kuzhinë. Me kokën e Miradije T. në bagazh, udhëtoi me tren për në aeroport me anë të stacionit të trenit Frauenfeld.

Vlen të theksohet se Fatmir T. edhe para krimit, tregoi probleme të sjelljes. Ai sulmoi vëllanë e tij më të vogël dhe u paraqit në punë me një armë bosh.



Related posts

Shesheli kërkon që ushtria serbe të futet në Kosovë


Kryetari i Partisë Radikale Serbe (SRS), krimineli Vojislav Sheshel ka kërkuar që ushtria serbe të futet në Kosovë.

Sheshel në televizionin serb “TV Happy” ka folur për ndalimin e hyrjes në Kosovë të nënkryetarit të Beogradit, Goran Vesiq, duke thënë se ushtria serbe duhet të hyjë në Kosovë, transmeton Gazeta Express.

“Që kur Metropoliti Amfilohije informoi publikun për tekstin origjinal të këngës “Elbi korri një vajzë kosovare”, ajo këngë më është rritur aq shumë në zemër sa që tani vetëm pres që ushtria e famshme serbe të kthehet në Kosovë. Kjo duhet të ndodhë një herë, s’ ka rrugë tjetër”, tha Sheshel.

Më vonë, në një konferencë për media, Sheshel tha se pajisja e Kosovës me armatim nga Gjermania paralajmëron përgatitje për fillimin e një luftë të re.

“Ne duhet ta marrim atë shumë seriozisht dhe duhet të jemi të gatshëm për çdo eventualitet”, tha Sheshel në selinë e partisë së tij.

Sheshel ka qenë i dënuar për krime lufte nga Gjykata Penale Ndërkombëtare për krimet në ish-Jugosllavi gjatë kohës sa ai ishte zëvendëskryeministër i Serbisë.

Ai u dorëzua vullnetarisht në Gjykatën Penale Ndërkombëtare të Hagës në shkurt të vitit 2003 por gjyqi i tij filloi deri në nëntor të vitit 2007. Më 31 mars 2016, ai u shpall i pafajshëm në një vendim të shkallës së parë. Më 11 prill 2018, Dhoma e Apelit e prishi pjesërisht vendimin e shkallës së parë, duke e shpallur Sheshelin fajtor për krime kundër njerëzimit për shkak të rolit të tij në nxitjen e dëbimit të kroatëve nga Hrtkovci. Ai u dënua me 10 vjet burg, por për shkak të kohës së kaluar në paraburgim të Gjykatës Penale Ndërkombëtare të Hagës, ai s’ ishte detyruar të kthehej në burg.



Related posts

Avokati i Popullit i pakënaqur me punën e organeve të drejtësisë për rastin e ‘gylenistëve’


Avokati i Popullit, Naim Qelaj, ka reaguar pas publikimit të raportit të grupit punues i OKB-së për ndalime arbitrare i cili e ka konsideruar si shkelje të të drejtave të njeriut dëbimin e gjashtë shtetasve turq nga Kosova për në Truqi në mars të viti 2018.

Sipas këtij grupi punues, privimi nga liria i gjashtë shtetasve turq ishte arbitrar dhe në kundërshtim me të drejtat e njeriut, përkatësisht të drejtën e jetës, lirisë dhe sigurisë, të drejtën e gjykimit të drejtë, të drejtën e ankimimit dhe të drejtën e lirisë së mendimit dhe shprehjes.

Në përgjigje për KALLLXO.com, Institucioni i Avokatit të Popullit ka vlerësuar se raporti në fjalë ka pasqyruar drejtë situatën që është krijuar nga ky rast, duke theksuar se kjo e rëndon më shumë imazhin e Kosovës.

“Padyshim raste të tilla ndikojnë shumë keq në imazhin e çdo shteti ngase cenohen brutalisht të drejtat e njeriut dhe kjo tregon se shteti gjegjësisht organet e sigurisë dështojnë në zbatimin e parimeve bazë të demokracisë dhe sundimit të ligjit”, thuhet në përgjigje.

Tutje Qelaj ka theksuar se s’ është i kënaqur me punën e organeve të drejtësisë në zbardhjen e këtij rasti.

“Avokati i Popullit s’ është i kënaqur me punën e organeve kompetente përderisa këto organe s’ identifikojnë dhe sjellin para drejtësisë personat përgjegjës për këto shkelje të të drejtave themelore të njeriut të garantuara me konventat ndërkombëtare dhe legjislacionin vendor. Deri në ditën e sotme kjo gjë s’ ka ndodhur”, ka thënë ai.

Grupi punues i OKB-së për ndalimet arbitrare në nëntor të këtij viti ka konstatuar se janë shkelur të drejtat e njeriut me ç’rast i ka bërë thirrje Qeverisë së Turqisë që t’i lirojë menjëherë të gjashtë shtetasit e saj, ndërsa ka kërkuar nga Kosova që të kompensojë dhe dëmshpërblejë viktimat në përputhje me të drejtën ndërkombëtare.

Grupi i OKB-së kërkon edhe që autoritetet e Turqisë dhe Kosovës të mundësojnë një hetim të plotë dhe të pavarur mbi rrethanat që lidhen me privimin arbitrar të lirisë të gjashtë shtetasve turq.

Përpos tjerash ata kërkojnë që ndaj personave përgjegjës të merren masa të nevojshme.

Shtetasit turq Kahraman Demirez, Mustafa Erdem, Hasan Hüseyin Günakan, Yusuf Karabina, Osman Karakaya dhe Cihan Özkan, ishin arrestuar në mars të vitit 2018 në Kosovë.

Kosova ‘përballë drejtësisë’ për deportimin e gjashtë shtetasve turq



Related posts

Kosova hesht, OKB i sugjeron dëmshpërblim për 6 shtetasit e dëbuar turq


Gjashtë shtetasit turq Kahraman Demirez, Mustafa Erdem, Hasan Huseyin Gunakan, Yusuf Karabina, Osman Karakaya dhe Cihan Ozkan të arrestuar në Kosovë dhe të dëbuar në Turqi në mars 2018, u dënuan me 56 vjet dhe 7 muaj e gjysmë burgim.

Por, përkundër shumë raporteve vendore e ndërkombëtare, institucionet e drejtësisë në Kosovë deri më tani s’ kanë ngritur asnjë aktakuzë ndaj personave që dyshohen se kanë shkelur ligjin gjatë arrestimit dhe dëbimit të tyre.

Për këtë rast, shkelje të ligjeve të Kosovës, Kushtetutës dhe konventave ndërkombëtare ka konstatuar së fundmi edhe Këshilli për të Drejtat e Njeriut i Organizatës së Kombeve të Bashkuara (OKB).

Në një raport të publikuar nga Grupi i Punës për Ndalimin Arbitrar, që është një organ i përbërë nga ekspertë të pavarur për të drejtat e njeriut që hetojnë rastet e arrestimit dhe ndalimit arbitrar, kritikohen institucionet e Kosovës për veprimet e paligjshme në rastin e dëbimit të gjashtë shtetasve turq.

Kosova s’ iu përgjigj OKB-së

Në raportin e publikuar nga Këshilli për të Drejtat e Njeriut, dëshmohet se si institucionet e Kosovës s’ i janë përgjigjur grupit punues të OKB-së që ka kryer hetim për këtë rast.

Ky grup, në muajin dhjetor të vitit të kaluar me anë të misionit të OKB-së në Kosovë, UNMIK, i ka dërguar kërkesë zyrtare institucioneve të Kosovës, duke kërkuar që të sqarohen veprimet e ndërmarra në rastin e arrestimit dhe dëbimit të gjashtë shtetasve turq.

“Grupit Punues i vije keq që s’ ka pranuar përgjigje nga Kosova”, thuhet në raport.

Grupi Punues konstaton shkelje të shumta duke përfshirë ato që janë bërë nga Agjencia e Kosovës për Inteligjencë, Policia e Kosovës si dhe institucionet të tjera të përfshira në aksionin e 29 marsit, 2018.

Në raport më tej thuhet se ka dyshime të shumta se akuzat ndaj gjashtë shtetasve turq, janë të pabazuara.

Grupi Punues kërkon lirimin e të dënuarve si dhe kërkon nga institucionet e Kosovës “që të garantojnë kompensim dhe dëmshpërblime të tjera në përputhje me ligjin ndërkombëtar”.

Zbehja e gjasave për hetim në Kosovë

Më 4 korrik të vitit të 2019, Prokuroria Speciale e Kosovës i tha Radios Evropa e Lirë se “janë marrë në pyetje dëshmitarë si dhe një numër mjaft i madh i të dyshuarve”.

Por, hetimet që filluan në vitin 2018 s’ është se kanë prodhuar ndonjë rezultat.

Që nga kjo kohë, Prokuroria Speciale e Kosovës s’ ka dhënë ndonjë informacion për hetimet apo ngritjen eventuale aktakuzave.

Të pyetur disa herë nga Radio Evropa e Lirë se në çfarë faze janë hetimet, Prokuroria Speciale e Kosovës s’ ka kthyer përgjigje.

REL ka provuar sërish që të marrë informacione Vetëm po të hetimet kanë përfunduar me ngritjen e ndonjë aktakuze, por zyrtarët e Prokurorisë s’ janë përgjigjur.

Juristi Kushtrim Palushi thotë se është e pakuptimtë heshtja e organeve të drejtësisë në këtë rast.

“Së paku zyrtarët e Departamentit për Shtetësi, Azil, Migracion në kuadër të MPB-së [Ministrisë së Punëve të Brendshme], që i kanë revokuar lejet e qëndrimit edhe s’ kanë dhënë mundësi për ankesë, si dhe zyrtarët përgjegjës policorë dhe komandues, e po ashtu edhe agjentët e AKI-së është dashur të ndiqen për veprën penale: keqpërdorim i pozitës apo autoritetit zyrtar; shkelja e statusit të barabartë të shtetasve dhe banorëve të Republikës së Kosovës; privimi i kundërligjshëm i lirisë; cenimi i së drejtës për ushtrimin e mjetit juridik”, thotë Palushi për Radion Evropa e Lirë.

Kuvendi i Kosovës kishte krijuar një komision hetues që konstatoi më shumë se 30 shkelje me rastin e dëbimit.

Pavarësisht se raporti i këtij komisioni i është dorëzuar edhe Prokurorisë së Kosovës, ish-anëtari i këtij komisioni, Sami Kurteshi, s’ beson se në Kosovë ka hetues apo prokuror që guxon t’i hetojë personat që kanë qenë të përfshirë drejtpërsëdrejti në këtë rast.

“Unë mendoj që akoma s’ guxojnë ta hetojnë bërthamën e problemit derisa këtu urdhërdhënësit s’ kanë qenë në polici dhe AKI. Unë s’ besoj se kemi prokurori apo gjyqësi që guxon të merret me urdhërdhënësit”, thotë Kurteshi.

Kurteshi thotë së pas dorëzimit të raportit që kishin hartuar në Komision Parlamentar, Prokuroria s’ ka dhënë asnjë informatë Vetëm po të ka avancuar në hetimet për këtë rast.

U amnistuan personat e fuqishëm

Përveç organizatave joqeveritare, edhe Avokati i Popullit në Kosovë, kishte konstatuar dhjetëra shkelje në operacionin e arrestimit dhe dëbimit.

Ky institucion kishte kërkuar hetime penale për personat përgjegjës.

Për këtë rast, Inspektorati Policor i Kosovës kishte parashtruar kallëzim penal ndaj 22 zyrtarëve të Policisë së Kosovës të cilët kishin qenë të përfshirë në operacionin e arrestimit dhe dëbimit.

Por, Prokuroria Speciale e Kosovës s’ është përgjigjur as në pyetjen se çfarë ka ndodhur me këto kallëzime penale ndaj zyrtarëve policorë.

Këshilltari Ligjor në Institutin e Kosovës për Drejtësi, Yll Zekaj, thotë se janë dëshpëruese veprimet e organeve hetuese në këtë rast.

Zekaj thotë se Prokuroria Speciale e Kosovës ka dështuar që t’i hetojë personat e profilit të lartë të përfshirë në këtë rast.

“Sistemi ynë i drejtësisë është duke amnistuar në të gjitha rastet kur dyshohet që të njëjtit janë të përfshirë në vepra penale dhe kjo shkon në dëm të personave që kanë qenë vetëm zbatues të vendimeve, ndërsa amnistohen ata që janë përgjegjës drejtpërdrejt në këtë rast”, thotë Zekaj.

Zekaj thotë se e gjithë struktura e lartë shtetërore, që ka qenë pjesë kyçe për realizimin e këtij operacioni, do të duhej të merrej në përgjegjësi.

Çfarë i tha Turqia OKB-së?

Raporti i Grupit Punues për Ndalim Arbitrar në një pjesë të tij përshkruan akuzat me të cilat hetuesia turke kishte ngarkuar gjashtë të dëbuarit nga Kosova.

Përpos akuzave për terrorizëm, mes tjerash në përgjigjen që institucionet turke i dhanë Grupit Punues për Ndalimin Arbitrar, thuhet se si disa nga të arrestuarit kishin përdorur aplikacione mobile të komunikimit si ByLock, Falcon, Viber, Kakaotalk për të komunikuar me pjesëtarë të tjerë të organizatës FETO – akronimi që përdor Turqia për Lëvizjen “Hizmet” të klerikut Fetullah Gulen, që Ankaraja zyrtare e ka shpallur terroriste.

Në përgjigjen e shtetit të Turqisë thuhet po ashtu se disa nga të arrestuarit kishin deponuar edhe të holla në institucione financiare të lidhura ngushtë me Lëvizjen Hizmet.

Turqia insiston se s’ ka pasur shkelje ligjore si dhe se gjykimi ka qenë i drejt dhe i bazuar në fakte.

Historiku i dëbimit

Më 29 mars të vitit 2018, me anë të një aksioni të gjerë të Policisë së Kosovës dhe Agjencisë së Kosovës për Inteligjencë, në orët e hershme të mëngjesit u arrestuan 6 shtetasit turq.

Pas arrestimit ata u dërguan në Aeroportin Ndërkombëtar të Prishtinës “Adem Jashari”, prej ku duke shfrytëzuar një fluturim privat, u dërguan në Turqi.

Pas mbërritjes atje, u përballën me një proces gjyqësor, ku në fund, u dënuan me 56 vjet dhe 7 muaj e gjysmë burgim.

Arrestimit dhe dëbimit i parapriu revokimi i lejeve të tyre të qëndrimit për të cilin veprim, më vonë, gjykata tha se ishte i jashtëligjshëm.

Nga pesë shtetasit turq, tre prej tyre posedonin leje të përhershme të qëndrimit, përkatësisht Mustafa Erdem, Yusuf Karabina, Karhaman Demirez, ndërsa dy prej tyre Hasan Hysein Demir dhe Cihan Ozkan kishin leje të përkohshme.

Njëri nga të dënuarit në këtë rast është Hasan Gunakan, i cili u arrestua gabimisht në vend të Hasan Demir, por përkundër kësaj, ai u akuzua dhe u shpall fajtor nga një gjykatë në Turqi më 28 janar, 2020.

Të vetmet veprime që u ndërmorën pas dëbimit, ishte shkarkimi i asokohe drejtorit të AKI-së, Driton Gashi dhe ministrit të Brendshëm, Flamur Sefaj.

Ata u shkarkuan me vendim të asokohe kryeministrit, Ramush Haradinaj, vetëm pak kohë pas operacionit.

Familjet e gjashtë shtetasve turq ngritën një padi ndaj institucioneve të Kosovës në vitin 2018 për arrestim dhe ndalim arbitrar të familjarëve të tyre.

Disa nga familjarët kanë kërkuar azil në Kosovë e disa të tjerë janë larguar drejt vendeve evropiane./REL



Related posts

Shtetasit turq dënohen me 56 vjet burgim, Kosova ‘hesht’ për rastin


 

Gjashtë shtetasit turq të arrestuar në Kosovë dhe të dëbuar në Turqi në mars 2018, u dënuan me 56 vjet dhe 7 muaj e gjysmë burgim në total.

Gjykatat në Turqi, shumicës prej tyre iu shqiptuan nga 8 vjet burgim, ndërsa njërit, Mustafa Erdem, drejtori i përgjithshëm i institucionit “Gulistan” në Kosovë, më 5 qershor iu shqiptua dënim prej 15 vjetësh.

Në mars të vitit 2018, me kërkesë të autoriteteve turke, autoritetet kosovare patën arrestuar dhe dëbuar për në Turqi shtetasit turq. Dëbimi i tyre është thënë se është bërë me anë të një aksioni të koordinuar ndërmjet shërbimeve të inteligjencës nga Turqia dhe Kosova. Ankaraja dyshon se ata janë anëtarë të organizatës “Hizmet”, të udhëheqësit fetar turk, Fetullah Gulen. Këtë të fundit, autoritetet turke e fajësojnë për një përpjekje për grusht-shtet në Turqi në vitin 2016, ndërsa institucioni “Gulistan” konsiderohet i tij.

Pesë prej shtetasve turq të dëbuar ishin punonjës të shkollës “Mehmet Akif”, që operon në kuadër të “Gulistanit” në Kosovë, në këto e sipër personi i gjashtë ishte një mjek turk.

Komisioni Hetimor Parlamentar i Kuvendit të Kosovës në shkurt të vitit 2019 pati identifikuar 31 shkelje ligjore gjatë procesit të arrestimit dhe dëbimit nga Kosova të 6 shtetasve turq, në mars të vitit 2018.

Njeriun që e arrestuan gabimisht e dënuan me më shumë se 8 vjet burgim

Njëri nga të dënuarit në këtë rast është Hasan Husein Gunakan, i cili u arrestua gabimisht në vend të Hasan Demir, por pavarësisht kësaj, ai u akuzua dhe dënua më 28 janar të këtij viti.

Djali i Gunakanit, Mustafa, i cili akoma jeton me familjen e tij në Kosovë, i tha Radios Evropa e Lirë se babai i tij u akuzua se ishte “anëtar i një organizate terroriste të armatosur rëndë, e njohur si lëvizja ‘FETO’ si dhe se ishte spiun”.

Sido që të jetë, Gunakan u dënua vetëm mbi pretendimet se ai ishte pjesëtar i kësaj organizate.

“Gjykata vendosi për dënim me 8 vjet dhe 6 gjashtë muaj, pa asnjë provë. Dënimi u bazua në akuza të rreme”, tha Mustafa Gunakan.

“Pastaj, ne e apeluam vendimin dhe ndërsa prisnim që rasti të zgjidhej, u shfaq koronavirusi dhe vendimi për ankesën u shty”, shtoi ai.

Babai i Mustafës u përball me një proces të stërzgjatur gjyqësor, ndërkohë që tani së bashku me të dënuarit e tjerë, po qëndron i izoluar në qelitë e burgut Silivri në Turqi.

Mohimi i kontaktit me familjarë

Familja e Hasan Gunakanit s’ ishte në gjendje të kontaktonte me të për 50 ditë, pasi ai u arrestua dhe u dëbua për në Turqi.

“Atëherë patëm një shans të bisedonim 10 minuta në javë, deri në muajin mars të vitit 2020. Në atë kohë (për shkak të pandemisë së koronavirusit) ata anuluan të gjitha vizitat në person, përfshirë avokatët, duke e zgjatur kohën e bisedës telefonike në 20 minuta”, thotë djali i Hasanit, Mustafa.

Ai megjithatë frikësohet se bisedat incizohen dhe përpos gjërave të zakonshme mbi shëndetin, thotë se s’ bisedon gjë tjetër me babanë.

Sa janë të besueshme akuzat?

Hafza Girdap, zëdhënëse dhe drejtoreshë për çështje të grave në organizatën Përkrahësit e Turqisë së Heshtur (Advocates of Silenced Turkey-AST) që katër vjet jeton në Nju Jork të Shteteve të Bashkuara.

Edhe ajo akuzohet se ishte pjesë e tentim gusht-shtetit që ndodhi në muajin korrik të vitit 2016 në Turqi.

Girdap thotë se proceset gjyqësore ndaj turqve të dëbuar nga Kosova janë zhvilluar me akuza të fabrikuara.

“Institucionet në Turqi i morën këta njerëz dhe pastaj shpikën prova kundër tyre meqenëse Po qe se institucionet atje vërtetë kanë pasur prova, atëherë do të duhej që t’i kishin ato para proceseve gjyqësore. Ata i burgosën këta njerëz dhe pastaj thanë: ‘në rregull, ne gjetëm disa prova’. Kjo s’ është logjike”, deklaron Girdap.

Girdap thotë se arsyeja e vetme pse ata mbahen në burg është fakti që akuzohen se janë pjesë e një organizate, që do të duhej të ishte normale në një vend demokratik.

Por, i dënuari në këtë rast, Hasan Gunkan, në mbrojtjen e tij, ka mohuar se është pjesë e organizatës FETO – akronimi që përdor Turqia për Lëvizjen “Hizmet” të Gulenit, që Ankaraja zyrtare e ka shpallur terroriste.

Djali i tij, Mustafa thotë se babai i tij ka qenë duke punuar si mësues në shkollën ‘Mehmet Akif’ në Kosovë, e cila operon sipas ligjeve të Kosovës dhe se babi i tij kishte 26 vjet që punonte jashtë Turqisë.

“E gjithë kjo e bëri jetën shumë të vështirë për ne. Për të qenë të saktë, ata shkatërruan një pjesë të jetës sonë”, shton Mustafa.

Mustafa thotë se disa anëtarë të familjes së tij u detyruan që të kërkojnë azil në Kosovë, meqenëse autoritetet turke s’ i dhanë pasaporta atyre.

Edhe organizata ndërkombëtare, Nordic Monitor, në një publikim të datës 23 korrik të këtij viti, pretendon se në rastin e gjashtë shtetasve turq që i dëboi Kosova, kishte akuza të fabrikuara.

Nordic Monitor është një faqe lajmesh në internet dhe faqe përcjellëse që drejtohet nga Rrjeti Nordik i Kërkimeve dhe Monitorimit me qendër në Stokholm. Ai mbulon lëvizjet ekstremiste fetare, ideologjike e etnike dhe grupet radikale, me një fokus të veçantë në Turqi.

“Dokumentet e reja të datës 21 dhjetor, 2018 konfirmojnë edhe një herë se raportet e inteligjencës të krijuara nga misionet diplomatike turke si pjesë e një fushate spiunazhi në shkallë të gjerë, kanë targetuar kritikët dhe kundërshtarët e Qeverisë turke që jetojnë jashtë Turqisë dhe janë përdorur në çështjet penale në vend”, thuhet raportin e Nordic Monitor.

Sipas kësaj organizate edhe në rastin dëbimit të shtetaseve turq nga Kosova, rol të rëndësishëm ka luajtur Ambasada e Turqisë në Prishtinë.

Duke u thirrur në burime lokale në Kosovë, Nordic Monitor, thotë se ambasada turke ka pasur rol kyç në planifikim dhe logjistikë duke shërbyer edhe si “qendër ndalimi”.

Këtë të gjetur të këtij raporti, Radio Evropa e Lirë ia ka dërguar për koment ambasadës së Turqisë në Prishtinë. Por, zyrtarët e këtij misioni diplomatik s’ kanë kthyer përgjigje deri më tani.

Hetimi pa rezultat

Operacioni sekret për dëbimin e gjashtë shtetasve turq nxiti reagime të shumta në Kosovë.

Askush s’ e mori përgjegjësinë për operacionin në Prishtinë.

Kuvendi i Kosovës formoi Komision hetimor parlamentar për operacionin e dëbimit. Në fund u konstatuan 31 shkelje ligjore që kanë ndodhur gjatë procesit të arrestimit dhe dëbimit.

Për shkeljet më të mëdha akuzohej Agjencia e Kosovës për Inteligjencë dhe Policia e Kosovës.

Ish-anëtari i Komisionit parlamentar që hetoi këtë proces, Sami Kurteshi, shprehet i dëshpëruar që asnjë person s’ mori përgjegjësi penale për këtë rast.

Disa nxënës të kolegjit “Mehmet Akif” protestojnë kundër deportimit të mësuesve të tyre nga Kosova për në Turqi. Prishtinë, 29 mars, 2018.

“Prokurorët e Prokurorisë Speciale apo çdo prokuror tjetër që do të duhej të merreshin më këtë çështje, s’ e kanë guximin që të merren me personat kryesorë dhe personat kryesorë, në të vërtetë janë shefat e policisë ( ish-drejtori i Policisë së Kosovës, Shpend Maxhuni) dhe drejtori i atëhershëm AKI-së (Driton Gashi) që s’ kanë lejuar hetimin e personave kyçë”, thotë Kurteshi.

Bashkë më Kurteshin dhe të tjerët kishte punuar në komision, asokohe deputeti i LDK-së, Driton Selmanaj, aktualisht zëvendëskryeministër.

I kontaktuar nga REL, Selmanaj s’ është përgjigjur në thirrje e as në mesazhin e dërguar me pyetjen Po qe se ekzekutivi do të ndërmarrë ndonjë iniciativë për këtë rast.

Me herët, Selmanaj pati deklaruar se kjo ndodhi “është rasti më eklatant i shkeljes së çdo norme dhe dispozite ligjore e kushtetuese nga autoritetet shtetërore”.

REL ka kontaktuar edhe drejtorinë e shkollës “Mehmet Akif” ku kanë punuar pesë nga gjashtë personat e deportuar, mirëpo udhëheqësit e këtij institucioni arsimor s’ kanë qenë të gatshëm të flasin për situatën aktuale.

Heshtja e institucioneve të drejtësisë

Më 4 korrik të vitit të kaluar, Prokuroria Speciale e Kosovës deklaroi për Radion Evropa e Lirë se “janë marrë në pyetje dëshmitarë, si dhe një numër mjaft i madh i të dyshuarve”. Hetimet për këtë rast nisën më 2018.

Por, të kontaktuar sërish dhe të pyetur Po qe se kanë përfunduar hetimet dhe se në çfarë faze është rasti, Prokuroria Speciale e Kosovës s’ ka kthyer përgjigje.

Vitin e kaluar, ky institucion kishte bërë të ditur se Inspektorati Policor i Kosovës kishte ngritur kallëzim penal ndaj 22 zyrtarëve policorë në lidhje me këtë rast.

Shkelje të të drejtave të njeriut dhe konventave ndërkombëtare në rastin e dëbimit të shtetaseve turq, kishte gjetur edhe institucioni i Avokatit të Popullit.

Në një raport për rastin, ky institucion kishte konstatuar se veprimet e ndërmarra nga institucionet e Kosovës ishin në kundërshtim me standardet ndërkombëtare për të drejtat e njeriut.

Por, pavarësisht krejt rezultateve dhe nisjes së hetimeve për këtë rast, të vetmet veprime që u ndërmorën, ishte shkarkimi i asokohe drejtorit të AKI-së, Driton Gashi dhe ministrit të Brendshëm, Flamur Sefaj.

Shkarkimi i tyre ndodhi vetëm pak kohë pas operacionit të dëbimit dhe vendimin e mori, atëbotë kryeministri i Kosovës, Ramush Haradinaj.

Në vitin 2018, familjet e gjashtë shtetasve turq, ngritën padi ndaj Qeverisë së Kosovës për dëbimin e familjarëve të tyre./REL



Related posts