Vaji i peshkut është një burim i shkëlqyer i acideve yndyrore omega-3.

Ato  luajnë një rol të rëndësishëm për funksionet dhe shëndetin e trurit.

Njerëzit që vuajnë nga depresioni mund të kenë nivele të ulëta të disa acideve dhe substancave kimike në tru.

specialistët, të cilëve u referohet AgroWeb.org, thonë se ngrënia e peshkut disa herë në javë mund ta furnizojë organizmin me acidet e nevojshme.

Peshqit më të pasur me acidet yndyrore omega-3 përfshijnë: sardelet, salmonin, skumbrinë, troftën dhe peshkun ton.

A Janë Suplementët Një Përfitim I Shtuar?

Rekomandimet e specialistëve tregojnë se mënyra më e mirë për të marrë ushqyesit e nevojshëm është duke zgjedhur dhe ngrënë ushqime të shëndetshme.

Por suplementët e vajit të peshkut mund të bëjnë përjashtim, pasi, sipas të dhënave të AgroWeb.org, janë të rekomandueshme.

Në vendet përtej oqeanit ka shqetësime në rritje për nivelin e lartë të merkurit në disa lloje peshqish.

Kjo substancë mund të shkaktojë probleme tek shëndeti i konsumatorit.

Suplementët e vajit të peshkut s’përmbajnë mërkur, ngase kjo substancë mbetet kryesisht tek pjesa e mishit të peshkut dhe s’transferohet tek ky nënprodukt.

Trajtimi i Depresionit

Depresioni është një problem që kërkon një trajtim gjithëpërfshirës dhe vetëm konsumi i vajit të peshkut s’mjafton.

Suplemente të tilla vijnë në ndihmë duke u shoqëruar edhe me medikamentet përkatëse të rekomanduara nga mjeku.

Gjithashtu edhe bisedat me psikologun në raste të stresit të tepërt janë shumë të domosdoshme.

specialistët konfirmojnë acide yndyrore Omega 3 janë të dobishme dhe të domosdoshme për mbrojtjen e shëndetit të trurit dhe të zemrës./AgroWeb.org