Yndyra kafe lufton sëmundjet metabolike si obeziteti


Jo e gjithë yndyra në trupin tonë është e njëjtë dhe jo gjithmonë është  negative, në të vërtetë, ekziston edhe një yndyrë “e mirë” që duket se është në gjendje të mbrojë nga sëmundje të tilla si i tipit 2, mbipesha dhe sëmundja e arterieve koronare.

Dy lloje të yndyrës

Dallimi midis dy llojeve të yndyrës të pranishme në trupin tonë (e bardhë në sasi shumë më të mëdha) është ky: yndyra e bardhë kursen energji duke ruajtur kaloritë, yndyra kafe djeg energjinë duke gjeneruar nxehtësi.

Indi dhjamor kaf, më i bollshëm tek të porsalindurit dhe i pakët tek të rriturit, gjendet kryesisht në zonën e qafës përreth degëve të aortës dhe lidhet me indeksin e masës trupore, ngase ndërsa rritet, sasia e kësaj yndyre tenton të ulet, duke u shndërruar në yndyrë të bardhë. kafe djeg shumë për të na mbajtur ngrohtë kur kemi ftohtë (kjo është arsyeja pse është e pranishme në sasi të mëdha), por gjithashtu ndihmon në rregullimin e metabolizmit, balancimin e niveleve të glukozës në dhe uljen e presionit të gjakut. Në pankreas ndihmon deri në prodhimin e insulinës.

Studim i vështirë

Indi dhjamor kaf ka tërhequr prej kohësh vëmendjen e shkencëtarëve për potencialin e tij kundër mbipeshes, por kërkimi mbi praninë dhe funksionet e tij në nivelin e popullsisë është i vështirë për tu kryer. Për studimin e ri, pjesëmarrësit (52,000 njerëz) u rekrutuan nga pacientët që i nënshtrohen një skanimi me emision pozitron (PET) për diagnostikimin e një tumori. Radiologët që kryejnë këtë provë gjithmonë raportojnë praninë e indit dhjamor të ngjyrës kafe për t’u siguruar që ta dallojnë atë nga një tumor. Në këtë mënyrë, shkencëtarët ishin në gjendje të vlerësonin efektet e yndyrës kafe në shëndetin e pjesëmarrësve. Indi dhjamor kaf u zbulua vetëm në 10 përqind. përqindje kaq e ulët është ndoshta për shkak të faktit se njerëzit që i nënshtrohen PET u këshilluan të shmangin ekspozimin ndaj të ftohtit, të kryejnë aktivitet fizik dhe të marrin kafeinë, të gjitha aktivitetet që rrisin prodhimin e këtij lloji të yndyrës.

Më pak rrezik i sëmundjeve metabolike

Rezultatet e hulumtimit tregojnë se vetëm 4.6% e njerëzve me nivele të larta të yndyrës kafe kishin diabet (sëmundja e sheqerit) të tipit 2 krahasuar me 9.5% të atyre me sasi të kufizuar ose pa të. Hipertensioni, mosfunksionimi i zemrës, sëmundja e arterieve koronare ishin gjithashtu më pak të shpeshta. U zbulua gjithashtu se njerëzit mbipeshë me ind dhjamor kaf do të rrezikonin më pak për të zhvilluar sëmundje të zemrës dhe metabolizmit.

Megjithatë, s’ është akoma e qartë se si të aktivizoni yndyrën kafe. Sidoqoftë, ne e dimë mënyra më e mirë për ta stimuluar atë është të ekspozoheni para të ftohtit. Edhe disa përbërës ushqimorë, të tilla si kapsaicina ose katekina, duken të aftë për ta bërë këtë dhe po studiohen edhe ilaçe specifike që mund të jenë aktivizues efektivë.

Burimi: Per nenat.al

Postime të ngjashme

Leave a Reply

Your email address will not be published. Required fields are marked *